మిస్ట‌ర్ అండ్ మిసెస్ మ‌హి - మ‌జా లేని ఓ క్రికెట్ మ్యాచ్ - Mr and Mrs Mahi Movie Review

Mr And Mrs Mahi Review : స్సోర్ట్స్ డ్రామాల‌ను తెరకెక్కించడంలో బాలీవుడ్​కు ప్రత్యేకమైన శైలి ఉంటుంది. హాకీ నుంచి కుస్తీ వ‌రకు ప‌లు ర‌కాల క్రీడ‌ల్ని వారు తెరకెక్కిస్తుంటారు. ఈ మ‌ధ్యే అజ‌య్ దేవ‌గ‌ణ్ మైదాన్ వచ్చి హిట్ అవ్వగా ఇప్పుడు క్రికెట్ బ్యాక్​ డ్రాప్​తో మిస్ట‌ర్ అండ్ మిసెస్ మహి వచ్చింది. రాజ్ కుమార్ రావ్‌, జాన్వీ క‌పూర్ జంట‌గా న‌టించారు. ఇంతకీ ఈ సినిమా ఎలా ఉందంటే?

Mr And Mrs Mahi Review :

చిత్రం : మిస్టర్‌ అండ్‌ మిసెస్‌ మహి;

నటీనటులు: రాజ్‌కుమార్‌ రావ్‌, జాన్వీ కపూర్‌, రాజేశ్‌ శర్మ, కుముంద్‌ మిశ్రా తదితరులు;

సినిమాటోగ్రఫీ : అనయ్‌ గోస్వామి;

ఎడిటింగ్‌ : నితిన్‌ బైది;

రచన: నిఖిల్‌ మల్హోత్ర, శరణ్‌ శర్మ;

నిర్మాత : కరణ్‌ జోహార్‌, జీ స్టూడియోస్‌;

దర్శకత్వం : శరణ్‌ శర్మ

స్సోర్ట్స్ డ్రామాల‌ను తెరకెక్కించడంలో బాలీవుడ్​కు ప్రత్యేకమైన శైలి ఉంటుంది. హాకీ నుంచి కుస్తీ వ‌రకు ప‌లు ర‌కాల క్రీడ‌ల్ని వారు తెరకెక్కిస్తుంటారు. ఈ మ‌ధ్యే అజ‌య్ దేవ‌గ‌ణ్ మైదాన్ వచ్చి హిట్ అవ్వగా ఇప్పుడు క్రికెట్ బ్యాక్​ డ్రాప్​తో మిస్ట‌ర్ అండ్ మిసెస్ మహి వచ్చింది. రాజ్ కుమార్ రావ్‌, జాన్వీ క‌పూర్ జంట‌గా న‌టించారు. ఇంతకీ ఈ సినిమా ఎలా ఉందంటే?

క‌థేంటంటే ? మ‌హేంద్ర (రాజ్ కుమార్‌ రావ్‌) ఓ గొప్ప క్రికెటర్ అవ్వాలన్నది కల. కానీ అతడు ఓ ఫెయిల్యూర్ క్రికెట‌ర్‌. అయితే అతడి తండ్రి బలవంతంగా త‌న స్పోర్ట్స్ షాప్ నిర్వ‌హ‌ణ బాధ్యత‌ల్ని మహేంద్రకు అప్ప‌గిస్తాడు. అలానే వైద్యురాలైన మ‌హిమ అగ‌ర్వాల్ (జాన్వీ క‌పూర్‌)తో పెళ్లి చేస్తాడు. ఆ తర్వాత త‌న ఫెయిల్యూర్ స్టోరీని భార్య మ‌హిమ‌కు చెబుతాడు. అయితే మహిమకు కూడా క్రికెట్ అంటే పిచ్చి. దీంతో మహేంద్ర తన భార్యను క్రికెటర్ చేసేందుకు కష్టపడతాడు. కోచ్​గా మారతాడు. మరి చివరికి తమ క్రికెట్ కలలను ఆ జంట ఎలా నేరవేర్చుకున్నదే మిగ‌తా క‌థ‌.

ఎలా ఉందంటే ? ఈ చిత్రం ప్రేక్ష‌కుడి ఊహ‌కు త‌గ్గ‌ట్టుగా సాగ‌డం మైన‌స్‌. కొన్ని స‌న్నివేశాలు క‌థ‌కు అత‌క‌లేదు. హీరో, హీరోయిన్ల నేప‌థ్యం, పెళ్లి ప్ర‌యాణం వ‌ర‌కూ సినిమా ఆక‌ట్టుకున్నా ఆ త‌ర్వాత క‌థ సాదాసీదాగా మారిపోయింది. క‌థ‌, క‌థ‌నాల కన్నా జాన్వీక‌పూర్‌, రాజ్‌కుమార్ రావ్‌ న‌ట‌నే సినిమాను కాస్త నిలబెట్టింది. క్రికెట్​ బ్యాక్​డ్రాప్​తో తెరకెక్కిన ఈ సినిమాల్లో క్రికెట్ మ్యాచ్‌ను చూపిస్తున్న‌ప్పుడు ప్రేక్ష‌కుడు ఉత్కంఠతకు గురయ్యేలా సన్నివేశాలు లేవు. ర‌చ‌న‌లోనే చాలా లోపాలు క‌నిపిస్తాయి.

ఎవ‌రెలా చేశారంటే ? రాజ్‌కుమార్ రావ్‌, జాన్వీ క‌పూర్ జోడీ బాగుంది. ఇద్దరూ తమ పాత్ర‌ల్లో స‌హ‌జంగా ఒదిగిపోయారు. కోచ్ బెన్నీగా రాజేశ్ శ‌ర్మ, మ‌హేంద్ర త‌ల్లిగా జ‌రీనా వ‌హాబ్‌, తండ్రిగా కుముద్ మిశ్రా న‌ట‌న బాగుంది. టెక్నికల్​గా సినిమా ఉన్న‌తంగానే ఉంది. అన‌య్ గోస్వామి కెమెరా వర్క్​ కూడా బాగుంది. సాంగ్స్ ఆకట్టుకునేలా ఉన్నాయి. జాన్ స్టీవార్డ్ ఏడూరి బ్యాక్​గ్రౌండ్ మ్యూజిక్​ సినిమాపై ప్ర‌భావం చూపించింది. నిఖిల్ మల్హోత్ర, ద‌ర్శ‌కుడు శ‌ర‌ణ్ శ‌ర్మ స్క్రిప్ట్ వర్క్ చేశారు. అయితే ర‌చ‌న ప‌రంగా ఇంకా వైవిధ్యత చూపించాల్సింది. నిర్మాణం సినిమా స్థాయికి త‌గ్గ‌ట్టే ఉంది. ఫైనల్​గా మిస్ట‌ర్ అండ్ మిసెస్ మ‌హి మ‌జా లేని ఓ క్రికెట్ మ్యాచ్.