ఆస్కార్ @​96 : అవార్డు గెలిచిన భారతీయులు వీరే - తొలి వ్యక్తి ఎవరంటే?

Indian Movies Nominated And Won Oscar : ప్రపంచ చలనచిత్ర రంగంలో ఆస్కార్ అవార్డులను ఎంతో ప్రతిష్ఠాత్మకంగా భావిస్తారు. ప్రతిఏటా ప్రపంచ వ్యాప్తంగా అన్ని దేశాలు ఆస్కార్​ను గెలుపొందేందుకు విశ్వప్రయత్నాలు చేస్తుంటాయి. ప్రతిష్ఠాత్మక అకాడమీ ఆఫ్​ మోషన్​ పిక్చర్​ ఆర్ట్స్స్​ అండ్​ సైన్సెస్​ ప్రతిఏటా ఆస్కార్​ అవార్డుల పండుగను నిర్వహిస్తుంటుంది. ఈ నేపథ్యంలో ఇప్పటివరకు ఎంత మంది భారతీయులు ఆస్కార్​ను గెలిచారు? ఎన్ని భారతీయ సినిమాలు ఆస్కార్​ బరిలో నిలిచాయి? అనే వివరాలను ఇప్పుడు తెలుసుకుందాం.

Indian Movies Nominated And Won Oscar : ఆస్కార్స్​లో భారతదేశ సినిమా ప్రయాణం చాలా అద్భుతమైంది. అస్కార్​ బరిలో ఇప్పటివరకు మన దేశం నుంచి కేవలం 20 సార్లు నామినేషన్స్ వెళ్లగా అందులో 10 సార్లు మాత్రమే అస్కార్​ను అందుకున్నాం. మన దేశం నుంచి తొలిసారి ఆస్కార్ అవార్డుల బరిలో మెహబూబ్​ ఖాన్​ దర్శకత్వంలో వచ్చిన 'మదర్​ ఇండియా' సినిమా నిలిచింది. ఈ సినిమాలో నర్గీస్​, సునీల్ దత్​, రాజేంద్ర కుమార్​, రాజ్​ కుమార్​ కీలక పాత్రల్లో నటించారు. అయితే 'మదర్ ఇండియా' తర్వాత ఆస్కార్​కు మరో భారత చిత్రం నామినేట్​ కావడానికి చాలా కాలం పట్టింది. 'నైట్స్ ఆఫ్​ కాబిరియా' సినిమాకు ఆస్కార్​ తృటిలో తప్పింది.

'గాంధీ'కి 8 ఆస్కార్​లు
1982లో నేషనల్​ ఫిలిం డెవలప్​మెంట్​ కార్పొరేషన్​ ఆఫ్​ ఇండియా సహ నిర్మాతగా ఇంగ్లిష్ దర్శకుడు రిచర్డ్​ అటెన్​ బరో తెరకెక్కించిన సినిమా 'గాంధీ'. భారతీయ చలనచిత్ర రంగంలో ఇదో కీలక ఘట్టం. 55వ ఆస్కార్ అకాడమీ అవార్డుల్లో 11 సార్లు ఆస్కార్​కు నామినేటైన ఈ సినిమా, ఉత్తమ దర్శకుడు, ఉత్తమ నటుడు, ఉత్తమ చిత్తంతో పాటు 8 పురస్కారాలను గెలుచుకుంది. ఉత్తమ కాస్ట్యూమ్​ డిజైనర్​గా భాను అతియా అవార్డును గెలుచుకున్నారు. కాగా, ఆస్కార్​ అందుకున్న తొలి భారతీయురాలిగా ఈమె చరిత్ర సృష్టించారు.

ఇక 95వ అకాడమీ అవార్డుల్లో విభిన్న కథలతో తెరకెక్కిన మూడు భారతీయ సినిమాలు ఆస్కార్​ నామినేషన్స్​లో చోటు దక్కించుకున్నాయి. ఇది భారతీయ సినిమా రంగానికి ఒక ముఖ్యమైన మైలురాయిగా నిలిచింది. అప్పటివరకు ఆస్కార్​ను అందని ద్రాక్షలా భావించిన భారతీయ చిత్ర పరిశ్రమ ఈ సినిమాలతో ప్రతిష్ఠాత్మక అస్కార్​ అవార్డులను ఒడిసిపట్టుకుంది. వాటిలో ఫీచర్​ ఫిల్మ్​ విభాగంలో 'ఆర్ఆర్ఆర్​' (తెలుగు) విజయం సాధించగా, 'ది ఎలిఫెంట్​ విస్పరర్స్​' బెస్ట్​ డాక్యుమెంటరీ షార్ట్​ ఫిల్మ్​ కేటగిరీలో విజయం సాధించింది. కాగా, ఈ విజయాలు ఆస్కార్స్‌ చరిత్రలో భారతీయ సినిమాకి ఎంతో చారిత్రాత్మకమైన జ్ఞాపకాలుగా నిలిచిపోయాయి.

ఆస్కార్​కు నామినేట్ అయి అవార్డు అందుకున్న చిత్రాలివే

1. మదర్ ఇండియా (1958) : ఉత్తమ విదేశీ భాషా చిత్రంగా ఆస్కార్​కు నామినేట్ అయ్యింది.
2. ఇస్మాయిల్ మర్చంట్ (1961) : ది క్రియేషన్ ఆఫ్​ ఉమెన్​ బెస్ట్​ షార్ట్​ సబ్జెక్ట్​ (లైవ్​ యాక్షన్​) ఆస్కార్​కు నామినేట్ అయ్యింది.
3. ఫాలి బిలిమోరియా (1969) : ది హౌస్​ దట్​ ఆనంద బిల్ట్​- బెస్ట్​ డాక్యుమెంటరీ (షార్ట్​ సబ్జెక్ట్​) ఆస్కార్​కు నామినేట్​ అయ్యింది.
4. ఇషు పటేల్​ పూస గేమ్​ (1978) : ఉత్తమ యానిమేటెడ్​ షార్ట్​ ఫిల్మ్​గా ఆస్కార్​కు నామినేట్​ అయ్యింది.
5. కే.కే.కపిల్​ (1979) : యాన్​ ఎన్‌కౌంటర్​ విత్​ ఫేసెస్​ బెస్ట్​ డాక్యుమెంటరీ (షార్ట్​ సబ్జెక్ట్​) ఆస్కార్​ పోటీలకు నామినేట్​ అయ్యింది.
6. భాను అతియా, రవిశంకర్ (1983) : గాంధీ- ఉత్తమ కాస్ట్యూమ్​ డిజైన్​ బెస్ట్​ ఒరిజినల్​ స్కోర్​ విభాగంలో ఆస్కార్​ నామినేషన్స్​లో నిలిచి అవార్డును ముద్దాడింది. భారత తొలి ఆస్కార్ విజేత భాను అతియానే.
7. ఇస్మాయిల్​ మర్చంట్ (1987) : ఎ రూమ్​ విత్​ ఎ వ్యూ- బెస్ట్​ పిక్చర్​ విభాగంలో నామినేట్​ అయ్యింది.
8. సలామ్​ బాంబే (1989) : ఉత్తమ విదేశీ భాషా చిత్రంగా ఆస్కార్​కు ఎంపికైంది.
9. ఇస్మాయిల్​ మర్చంట్​ (1993) : హోవార్డ్స్​ ఎండ్​ ఉత్తమ చిత్రంగా ఆస్కార్స్​కు నామినేట్​ అయ్యింది.
10. ఇస్మాయిల్ మర్చంట్​ (1994) : ది రిమైన్స్​ ఆఫ్​ ది డే ఉత్తమ చిత్రంగా అకాడమీ అవార్డ్స్​కు నామినేట్​ అయ్యింది.
11. లగాన్​ (2002) : లగాన్​- ఉత్తమ విదేశీ భాషా చిత్రంగా ఆస్కార్స్​ నామినేషన్స్​లో నిలిచింది.
12. అశ్విన్ కుమార్​ (2005) : లిటిల్​ టెర్రరిస్ట్​- బెస్ట్​ షార్ట్​ సబ్జెక్ట్​ (లైవ్​ యాక్షన్​) అకాడమీ అవార్డ్స్​కు నామినేట్​ అయ్యింది.
13. స్లమ్‌డాగ్​ మిలియనీర్​ (2009) : రెసూల్​ పూకుట్టి, గుల్జార్​, ఏఆర్​ రెహమాన్​, బెస్ట్​ ఒరిజినల్​ సాంగ్​, బెస్ట్ ఒరిజినల్​ స్కోర్​ విభాగంలో ఆస్కార్​ను గెలుచుకుంది.
14. ఏఆర్​ రెహమాన్​ (2011) : 127 గంటల ఉత్తమ ఒరిజినల్​ స్కోర్​- ఉత్తమ ఒరిజినల్​ పాటకు నామినేట్​ అయ్యింది.
15. బాంబే జయశ్రీ (2013) : లైఫ్​ ఆఫ్​ పై- బెస్ట్ ఒరిజినల్​ సాంగ్​కు ఎంపికైంది.
16. స్మృతి ముంధ్రా (2020) : ఫ సెయింట్​ లూయిస్​ సూపర్‌మ్యాన్- ఉత్తమ డాక్యుమెంటరీ (షార్ట్​ సబ్జెక్ట్​) విభాగంలో ఎంపికైంది.
17. రింటు థామస్​ సుష్మిత్​ ఘోష్​ (2022) : ఫైర్‌తో రాయడం- ఉత్తమ డాక్యుమెంటరీ ఫీచర్​గా నామినేట్​ అయ్యింది.
18. ఏం.ఏం.కీరవాణి (సంగీతం), చంద్రబోస్​ (లిరిక్స్)తో బెస్ట్​ ఒరిజినల్​ సాంగ్​ విభాగంలో ఆర్ఆర్ఆర్ (2023) ఆస్కార్​ను ముద్దాడింది.
19. కార్తికి గోన్సాల్వేస్​ గునీత్​ మోంగా (2023) : ది ఎలిఫెంట్​ విస్పరర్స్​- బెస్ట్​ డాక్యుమెంటరీ (షార్ట్​ సబ్జెక్ట్) కేటగిరీలో ప్రతిష్ఠాత్మక ఆస్కార్​ను గెలుచుకుంది.
20. షౌనక్​ సేన్​ అమన్​ మన్​ (2023) : ఆల్​ దట్​ బ్రీత్స్​- బెస్ట్​ డాక్యుమెంటరీ ఫీచర్​ విభాగంలో ఆస్కార్​కు నామినేట్​ అయ్యింది.

• 1992లో 'పురాణ బెంగాలీ' చిత్ర నిర్మాత సత్యజిత్​ రేకు గౌరవ అకాడమీ అవార్డు లభించింది. కాగా, ఇప్పటివరకు ఈ గౌరవాన్ని అందుకున్న ఏకైక భారతీయుడుగా ఈయన చరిత్రలో నిలిచారు.
• రాహుల్​ ఠక్కర్, కొట్టాలంగో లియోన్ 2016లో టెక్నికల్​ అచీవ్‌మెంట్​ కేటగిరీలో అకాడమీ అవార్డును ముద్దాడారు. 2018లో వికాస్​ సాథయే కూడా అవార్డు గెలుచుకున్నారు.
  • " class="align-text-top noRightClick twitterSection" data="">