Kiran Abbavaram Remuneration : 2024 దీపావళి సందర్భంగా రిలీజైన 'క' సినిమా భారీ విజయం అందకుంది. చిన్న బడ్జెట్తో రూపొందిన ఈ సినిమా బాక్సాఫీస్ వద్ద రూ.50 కోట్లకుపైగా వసూళ్లు సాధించింది. తాజాగా మేకర్స్ హైదరాబాద్లో సక్సెస్ మీట్ ఏర్పాటు చేశారు. ఈ మీట్కు హీరో కిరణ్ అబ్బవరం, డైరెక్టర్, మూవీటీమ్ హాజరయ్యారు. అయితే ఇక్కడ హీరో కిరణ్కు తన రెమ్యూనరేషన్పై ఓ ప్రశ్న ఎదురైంది.
'క సినిమా విజయం అందుకోవడంతో పారితోషికం పెంచేశారా?' అని మీడియా నుంచి కిరణ్కు ప్రశ్న అడిగారు. దీనికి 'పెంచాలి కదా' అంటూ ఆయన స్పందించారు. 'పెంచాలి కదా. ఇన్నిరోజులు కాస్త ఇబ్బందిపడ్డాను. ఇప్పుడు కాస్త పెంచాను. నిర్మాతలకు లాభాలు వచ్చిన తర్వాతే ఆయన నుంచి నేను డబ్బులు తీసుకుంటా. ముందు నిర్మాత సేఫ్ అయ్యాకే నాకేంత అనేది ఆలోచిస్తా' అని కిరణ్ అన్నారు. ఇక 'క' సినిమా సీక్వెల్ గురించి కూడా ఆయన మాట్లాడారు. దర్శకులు కంటెంట్ రాసి, ఫైనల్ అయ్యాకే 'క 2' ఉంటుంది. అంతలోగా వేరే సినిమాలు చేస్తున్నానని అన్నారు.
ఈటీవీ విన్లో
ఈ బ్లాక్బస్టర్ సినిమా రీసెంట్గా ఓటీటీలోకి ఎంట్రీ ఇచ్చింది. ఈ సినిమా ప్రముఖ ఓటీటీ ప్లాట్ఫామ్ ఈటీవీ విన్లో స్ట్రీమింగ్ అవుతోంది. అయితే థియేటర్ ఫీలింగ్కు భిన్నంగా ఈ సినిమాను ఈటీవీ విన్ ప్రేక్షకులకు ఓటీటీలో కొత్తగా ప్రజెంట్ చేస్తోది. డాల్బీ అట్మాస్‌, డాల్బీ విజన్‌లో 'క' సినిమాను ప్రేక్షకుల ముందుకు తీసుకువచ్చింది. దీని కోసం దాదాపు మూడు వారాలు శ్రమించినట్లు ఈటీవీ విన్ తెలిపింది.
కాగా, ఈ సినిమా విషయానికొస్తే, యంగ్ డైరెక్టర్లు డైరెక్టర్లు సుజీత్‌ - సందీప్‌ సంయుక్తంగా ఈ చిత్రాన్ని తెరకెక్కించారు. యంగ్ బ్యూటీ నయన్ సారిక హీరోయిన్గా నటించింది. శ్రీ చక్రాస్ ఎంటర్టైన్‌మెంట్స్‌ బ్యానర్పై కృష్ణారెడ్డి నిర్మించిన ఈ సినిమా అక్టోబర్ 31న రిలీజై మంచి సక్సెస్ అందుకుంది. ఇక తమిళం, మలయాళంలో ఇప్పటికే రిలీజైన ఈ సినిమా క్రిస్మస్ రిలీజ్‌ చేయాలని సన్నాహాలు చేస్తున్నట్లు మేకర్స్ తెలిపారు.
ఈటీవీ విన్లోకి 'క' మూవీ - స్ట్రీమింగ్ ఎప్పుడంటే?
'ఆమె కష్టం గురించి చెప్పాలనుకున్నా- నా ఎమోషనల్ స్పీచ్కు రీజన్ అదే'
