Kajal Satyabhama Trailer: టాలీవుడ్ చందమామ హీరోయిన్ కాజల్ అగర్వాల్ గురించి ప్రత్యేకంగా చెప్పనక్కర్లేదు. గత రెండు దశాబ్దాలుగా ఆడియెన్స్ను అలరిస్తూనే ఉంది. అయితే కరోనా టైమ్లో వివాహ బంధంలోకి అడుగుపెట్టిన ఈ భామ కొంత కాలం సినిమాలకు బ్రేక్ ఇచ్చి మళ్లీ ఇప్పుడు జోరు పెంచింది. ఓ వైపు తన కొడుకు ఆలనా పాలనా చూసుకుంటూనే సినీ లైఫ్ను బ్యాలెన్స్ చేస్తూ ముందుకు పోతోంది. ఈ క్రమంలోనే ఇప్పుడు 'సత్యభామ' చిత్రంతో ప్రేక్షకులను పలకరించేందుకు సిద్ధమైంది.
అయితే ఇప్పుడు తన కోసం ఏకంగా నందమూరి నటసింహం బాలయ్యనే రంగంలోకి దింపేందుకు రెడీ అయింది. తన కొత్త సినిమా ప్రమోషన్స్ను భుజాన వెసుకున్న ఈ భామ ట్రైలర్ రిలీజ్ ఈవెంట్కు బాలయ్యను గెస్ట్గా పిలిచింది. బాలయ్య కూడా ఇందుకు గ్రీన్ సిగ్నల్ ఇచ్చేశారు. ఈ విషయాన్ని మూవీ టీమ్ అఫీషియల్గా అనౌన్స్ చేసింది. 'నందమూరి బాలకృష్ణ సత్యభామ్ ట్రైలర్ లాంఛ్ ఈవెంట్కు రాబోతున్నారు. అందరూ రెడీగా ఉండండి' అంటూ రాసుకొచ్చింది. 'మీ క్యాలెండర్స్ను మార్క్ చేసుకోండి 24 మే హైదరాబాద్‌లోని ఐటీసీ కోహెనూర్‌లో సాయంత్రం 6.30గంటలకు ఈవెంట్ జరగనుంది' అని తెలిపింది.
కాగా, కాజల్ అగర్వాల్ తన గత సినిమా భగవంత్ కేసరిలో బాలకృష్ణతో కలిసి చేశారు. ఇందులో వీరిద్దరి ఫన్నీ కెమిస్ట్రీ ఫ్యాన్స్ను బాగా ఆకట్టుకుంది. అందుకే ఇప్పుడు ఈ ట్రైలర్ ఈవెంట్కు బాలయ్య రాబోతుండన్నారని తెలియడంతో ఫ్యాన్స్ ఆసక్తిగా వెయిట్ చేస్తున్నారు.ఇక సత్యభామ విషయానికొస్తే లేడీ ఓరియెంటెడ్ మూవీగా తెరకెక్కిన ఈ చిత్రానికి సుమన్ చిక్కాల దర్శకత్వం వహించారు. ఈ సినిమా నుంచి ఇప్పటికే విడుదలైన సాంగ్స్కు ప్రేక్షకుల నుంచి మంచి స్పందన వచ్చింది. క్రైమ్ సస్పెన్స్ థ్రిల్లర్గా రూపొందింది. హీరో నవీన్ చంద్ర ఓ కీలక పాత్రలో నటించారు. ప్రకాశ్ రాజ్, నాగినీడు, హర్షవర్ధన్ తదితరులు కూడా ముఖ్య పాత్రలు పోషించారు.. అవురమ్ ఆర్ట్స్ బ్యానర్పై బాబీ తిక్క, శ్రీనివాసరావు తక్కలపల్లి నిర్మించారు. మే 31 సినిమా ప్రేక్షకుల ముందుకు రానుంది.
'ఒంటరిగా ఉన్నప్పుడు అతడు షర్ట్ తీసేసి అలా చేశాడు- భయపడిపోయా' - Kajal Agarwal Satyabhama
'ఆడిషన్స్లో అలా చేయలేకపోయా - మా నాన్న తిట్టాక ఓకే అయ్యింది' - Kajal Aggarwal First Movie Audition
