Harish Shankar Chiranjeevi New Project : టాలీవుడ్లో ప్రస్తుతం ఉన్న తెలుగు హీరోలకు ఏమాత్రం తీసిపోరు 'మెగాస్టార్ చిరంజీవి'. ఆరుపదుల వయసులోనూ సినిమాల్లో నటిస్తూ కుర్ర హీరోలకు దీటుగా ఇండస్ట్రీలో రాణిస్తున్నారు. లాంగ్ గ్యాప్ తర్వాత 'ఖైదీ నెం.150'తో సిల్వర్స్క్రీన్పై హీరోగా రీ-ఎంట్రీ ఇచ్చి మరో బ్లాక్బస్టర్ హిట్ను తన ఖాతాలో వేసుకున్నారు. ఆ తర్వాత వచ్చిన 'సైరా నర్సింహారెడ్డి', 'ఆచార్య', 'గాడ్ఫాదర్', 'వాల్తేరు వీరయ్య', 'భోళా శంకర్' సినిమాలతో అలరించారు. ప్రస్తుతం వశిష్ట దర్శకత్వంలో 'విశ్వంభర'లో నటిస్తున్నారు. ఈ క్రమంలోనే ఆయన 157వ సినిమాకి సంబంధించి బిగ్ అప్డేట్ ఇండస్ట్రీలో హాట్టాపిక్గా మారింది.
సహ-నిర్మాతగా కూతురు?
పవర్స్టార్ పవన్ కల్యాణ్కు 'గబ్బర్సింగ్'తో బిగ్గెస్ట్ బ్లాక్బస్టర్ అందించిన దర్శకుడు హరీశ్ శంకర్తో కలిసి మెగాస్టార్ ఓ ప్రాజెక్ట్ చేయనున్నట్లు వార్తలు వినిపిస్తున్నాయి. బీవీఎస్ రవి ఈ సినిమాకు కథను అందిస్తుండగా, పీపుల్ మీడియా ఫ్యాక్టరీ సంస్థ నిర్మించనుందని సినీ వర్గాలు తెలిపాయి. చిరంజీవి కుమార్తె సుస్మిత కొణిదెల కో-ప్రొడ్యూసర్గా వ్యవహరించనున్నారట. ఇప్పటికే ఈ ప్రాజెక్ట్కు చిరంజీవి గ్రీన్సిగ్నల్ ఇచ్చినట్లు తెలుస్తోంది. దీనికి సంబంధించి అఫీషియల్ అనౌన్స్మెంట్ త్వరలోనే రానున్నట్లు సమాచారం.
హరీశ్ తెరకెక్కిచేంది ఆ కథేనా?
'భోళా శంకర్' చిత్రీకరణ సమయంలో 'బంగర్రాజు' దర్శకుడు కళ్యాణ్ కృష్ణతో ఓ సినిమా చేసేందుకు చిరంజీవి గ్రీన్సిగ్నల్ ఇచ్చారు. ఇందుకోసం ఆల్రెడీ రచయిత బెజవాడ ప్రసన్నకుమార్తో స్క్రిప్ట్ కూడా రెడీ చేయించారు. అయితే ఈ కథ 2022లో మలయాళంలో విడుదలైన 'బ్రో డాడీ'కి రీమేకే అని జోరుగా ప్రచారం కూడా సాగింది. ఈ సినిమాను చిరంజీవి కుమార్తె సుస్మిత కొణిదెలే ప్రొడ్యూస్ చేసేందు రెడీ అయింది. ఏమైందో తెలీదు కానీ ఈ ప్రాజెక్ట్ పట్టాలెక్కలేదు. ఇక తాజాగా హరీశ్ శంకర్కు ఛాన్స్ ఇచ్చిన చిరంజీవి, తాను చేసే సినిమాలో ప్రసన్నకుమార్ రాసిన కథనే ఉంటుందా? లేదా కొత్త కథతో ముందుకువస్తారా అన్న దానిపై క్లారిటీ రావాల్సి ఉంది.
ప్రస్తుతం మాస్మహారాజా రవితేజతో కలిసి చేస్తున్న 'మిస్టర్ బచ్చన్' షూటింగ్లో బిజీగా ఉన్నారు హరీశ్. ఈ ప్రాజెక్ట్ తర్వాత పవన్ కల్యాణ్తో ఇప్పటికే మొదలుపెట్టిన 'ఉస్తాద్ భగత్ సింగ్'కు సంబంధించి మిగిలిన షూటింగ్ను పూర్తి చేసుకొని మెగాస్టార్తో జతకట్టనున్నారట. ప్రస్తుతం ఏపీలో అసెంబ్లీ ఎన్నికల హడావిడి నేపథ్యంలో పవన్తో స్టార్ట్ చేసిన 'ఉస్తాద్ భగత్ సింగ్' చిత్రీకరణకు బ్రేక్ పడిన విషయం తెలిసిందే.
మరోవైపు చిరు సినిమాల విషయానికొస్తే ప్రస్తుతం 'విశ్వంభర'లో నటిస్తున్నారు. దీనిని యూవీ క్రియేషన్స్ సంస్థ నిర్మిస్తోంది. చిరంజీవి కెరియర్లోనే అత్యంత హైబడ్జెట్ మూవీగా ఇది రూపొందుతోంది. వచ్చే ఏడాది సంక్రాంతి కానుకగా ఈ సినిమా విడుదల కానుంది.
- " class="align-text-top noRightClick twitterSection" data="">
'విశ్వంభర' - 68 ఏళ్ల వయసులో జిమ్‌లో మెగాస్టార్ కసరత్తులు
హీరోగా ఎంట్రీగా ఇవ్వనున్న బిగ్ బాస్-7 ఫేమ్ అమర్దీప్- హీరోయిన్ ఎవరంటే?
