Game Changer Songs : గ్లోబల్ స్టార్ రామ్చరణ్- శంకర్ కాంబోలో తెరకెక్కిన 'గేమ్ ఛేంజర్' మరో 8 రోజుల్లో థియేటర్లలో సందడి చేయనుంది. ఈ క్రమంలో మేకర్స్ ఇప్పటికే సినిమాలోని పాటలు రిలీజ్ చేశారు. అయితే గ్రాండియర్‌ విజువల్స్‌కు కేరాఫ్ అడ్రస్గా పేరున్న డైరెక్టర్ శంకర్ ఈ సినిమాలో తన మార్క్ చూపించారు. ఎక్కడా రాజీ పడకుండా పాటలను గ్రాండ్ విజువల్స్తో తెరకెక్కించారు. నాలుగు పాటలకు దాదాపు రూ.75 కోట్లు ఖర్చు అయినట్లు తెలుస్తోంది.
జరగండి, జరగండి : ఈ సినిమా నుంచి రిలీజైన తొలి పాట 'జరగండి,జరగండి'. ఈ సాంగ్ విజువల్స్ చూసి ఆడియెన్స్ ఆశ్చర్యపోయారు. 600 మంది డ్యాన్సర్లతో కొరియోగ్రాఫర్ ప్రభుదేవా సూపర్ స్టెప్పులేయించారు. 13 రోజుల పాటు షూటింగ్ చేశారు. 70 అడుగుల ఎత్తయిన కొండ, విలేజ్‌ సెట్‌, అందుకు తగిన కాస్ట్యూమ్స్‌, అన్నింటినీ పర్యావరణహితమైన జనపనారతో తయారు చేయడం విశేషం. ఈ పాటకు ఒక్క తెలుగులోనే ఇప్పటికే 50+ మిలియన్ వ్యూస్ వచ్చాయి.
1000 మంది డ్యాన్సర్లు : రెండో పాట 'రా మచ్చా'కూడా యూత్ను ఆకట్టుకుంటోంది. గణేశ్‌ ఆచార్య కొరియోగ్రఫీ చేసిన ఈ పాటలో 1000 మందికిపైగా జానపద కళాకారులు డ్యాన్స్ చేశారు. దేశంలో వివిధ ప్రాంతాల్లో ప్రాచుర్యం పొందిన కళాకారులు నృత్యం చేశారు. గుస్సాడీ (ఆదిలాబాద్‌), చావ్‌ (పశ్చిమ బెంగాల్‌), ఘూమ్రా (ఒడిశా-మట్టిల్కల), గోరవర -కుణిత (కర్ణాటక), రణప-(ఒడిశా), పైకా -(ఝార్ఖండ్‌), హలక్కీ-ఒక్కలిగ-(కర్ణాటక). తప్పెటగుళ్లు- (విజయనగరం), దురావా-(ఒడిశా) నృత్య రీతులు ఇందులో కనిపిస్తాయి.
తొలి ఇండియన్ సాంగ్ : 'నానా హైరానా' అంటూ మూడో పాట చక్కగా అలరిస్తోంది. ఈ సాంగ్తో శంకర్ కొత్త టెక్నాలజీ పరిచయం చేశారు. ఈ పాటను ఇన్‌ఫ్రారెడ్‌ కెమెరాతో షూట్ చేశారు. అయితే ఈ టెక్నాలజీతో షూట్ చేసిన తొలి ఇండియన్ సాంగ్ ఇదే కావడం విశేషం. ఈ సాంగ్లో చెర్రీ, కియారా అడ్వాణీ క్యాస్టూమ్స్కు ప్రేక్షకులు ఫిదా అయిపోతున్నారు.
'దోప్‌' సాంగ్ : అమెరికా ఈవెంట్లో నాలుగోపాట 'దోప్‌'ను రిలీజ్ చేశారు. ఈపాట సోషల్ మీడియాలో ఫుల్ ట్రెండ్ అయ్యింది. కొవిడ్ సెకండ్ వేవ్లో ఈపాట షూటింగ్ జరిగిందంట. ప్రఖ్యాత రామోజీఫిల్మ్‌ సిటీలో 8 రోజుల పాటు ఈ పాట చిత్రీకరణ జరిగింది.
'వేవ్స్‌' అసలైన గేమ్ ఛేంజర్ : ప్రధాని మోదీపై రామ్ చరణ్ ప్రశంసల జల్లు
256 ఫీట్ల రామ్చరణ్ భారీ కటౌట్- మెగా ఫ్యాన్స్ అంటే ఆ మాత్రం ఉంటుంది మరి!
