Celebrities Wishes To World Chess Champion Gukesh : ప్రపంచ చెస్ ఛాంపియన్‌షిప్‌ టైటిల్ గెలుచుకుని ఈ ఘనత సాధించిన అతి పిన్నవయస్కుడిగా చరిత్రకెక్కాడు యువ కెరటం గుకేశ్. గురువారం జరిగిన ఫైనల్లో విజయం సొంతం చేసుకున్న ఈ 18 ఏళ్ల కుర్రాడికి నెట్టింట అభినందనల వెల్లువ మొదలైంది. పలువురు సినీ, రాజకీయ ప్రముఖులు సోషల్ మీడియా వేదికాగా గుకేశ్ను ప్రశంసిస్తున్నారు.
"వావ్‌ నా హృదయం గర్వంతో ఉప్పొంగుతోంది. గుకేశ్ నువ్వు ఎంత అద్భుతంగా ఎత్తులు వేశావు. నేడు భారతదేశమంతా నిన్ను చూసి ఎంతగానో గర్విస్తోంది. 18 ఏళ్ల వయసులో 18వ ప్రపంచ చెస్ ఛాంపియన్గా చరిత్రలో ఈ ఘనత సాధించిన రెండో భారతీయుడు. అన్నింటికంటే ముఖ్యంగా చిన్న వయసులోనే చెస్ ఛాంపియన్గా మారావు. మేరా భారత్ మహాన్‌" - మెగాస్టార్ చిరంజీవి
"కంగ్రాజ్యూలేషన్స్ గుకేశ్. ప్రపంచంలోనే అత్యంత పిన్న వయస్కుడైన చెస్ ఛాంపియన్గా నువ్వు చరిత్ర సృష్టించావు. ప్రపంచ వేదికపై దేశం గర్వించేలా చేశావు. జైహింద్‌" - రాజమౌళి
"చరిత్రకు చెక్‌మేట్‌ పడింది. చెస్లో ఓ కొత్త అధ్యయనాన్ని లిఖించినందుకు గుకేశ్కు అభినందనలు. భారత్ ఎంతో గర్వంతో వెలిగిపోతోంది. ఆఖరి గేమ్‌లో ప్రత్యర్థిపై ప్రశాంతంగానే అద్భుతంగా ఆడటం నీ ధైర్యాన్ని తెలియజేస్తోంది" - కోలీవుడ్ స్టార్ హీరో కమల్ హాసన్‌
"గుకేశ్ నీకు నా గ్రాండ్‌ సెల్యూట్‌. నువ్వు ఓ అద్భుతం. నీ ప్రయాణంలో మరెన్నో విజయాలు అందుకోవాలని కోరుకుంటున్నాను" - జూనియర్ ఎన్టీఆర్
ఇదిలా ఉండగా, సినిమా స్టార్సే కాకుండా పలువురు రాజకీయ ప్రముఖులు కూడా గుకేశ్ను అభినందించారు. దేశం గర్వపడేలా చేశారంటూ భారత రాష్ట్రపతి ద్రౌపది ముర్ము తాజాగా పేర్కొన్నారు. సోషల్ మీడియా వేదికగా ఓ స్పెషల్ ట్వీట్తో అతడికి శుభాకాంక్షలు తెలిపారు. గుకేశ్ అసమాన ప్రతిభ, కృషి, సంకల్పాల ఫలితమే ఈ విజయమని మోదీ పేర్కొన్నారు. చెస్ చరిత్రలో గుకేశ్ పేరును సుస్థిరం చేయడమే కాకుండా లక్షల మంది యువతకు గొప్ప కలలు కనేందుకు ఈ గెలుపు ఎందరికో ఇన్స్పిరేషన్గా నిలుస్తుందని అన్నారు. ఇక ప్రపంచ చెస్ ఛాంపియన్‌షిప్‌లో గెలవాలనేది తన కల అని గుకేశ్ ఆనందం వ్యక్తంచేశాడు. తనకు ప్రోత్సాహం అందించిన వారందరికీ సోషల్ మీడియా వేదికగా కృతజ్ఞతలు తెలిపాడు.
చెస్ ప్రపంచ సింహాసనంపై తెలుగబ్బాయి! - 11 ఏళ్ల తర్వాత భారత్కు టైటిల్ తెచ్చాడుగా!
'నా విజయంలో అతిపెద్ద కీలక పాత్ర ఆయనదే' - Fide Candidates 2024 Gukesh
