First Indian Movie Which Crossed Rs. 500 Crore Mark : సినీ ఇండస్ట్రీలో ఎన్నో చిత్రాలు బాక్సాఫీస్ వద్ద సంచలనాలు సృష్టించాయి. అందులో చిన్న స్థాయి నుంచి భారీ బడ్జెట్ స్టోరీలు కూడా ఉన్నాయి. అయితే కొన్ని సినిమాలు మాత్రం ఊహించని స్థాయిలో బాక్సాఫీస్ వద్ద వసూళ్లు అందుకుని అందరినీ ఆశ్చర్యపరిచాయి. ఇప్పట్లో అయితే రూ. 100 కోట్ల మార్క్ దాటడం ఎంతో ఈజీ. అయితే ఒకప్పట్లో అది సాహసమనే చెప్పాలి. ఓ సినిమా బాక్సాఫీస్ వద్ద హిట్ టాక్ అందుకుని వంద కోట్ల మార్క్ దాటిందంటే ఇక అంతే ఆ సినిమా రేంజే మారిపోతుంది. అయితే అదే కాలంలో ఓ సినిమా ఏకంగా రూ. 500 కోట్ల మార్క్ అందుకుని భారతీయ బాక్సాఫీస్ వద్ద ఈ మైల్స్టోన్ దాటిన తొలి చిత్రంగా తెరకెక్కింది. ఇంతకీ ఆ సినిమా ఏదంటే ?
బాలీవుడ్ సినీ పరిశ్రమ మర్చిపోలేని సంవత్సరాల్లో 2013 కూడా ఒకటి. ఎందుకంటే ఆ ఏడాది ఇండస్ట్రీ ఎన్నో సూపర్ డూపర్ హిట్లు కొట్టింది. దీనికి తోడు హిందీ సినిమాకు 2013తో 100 ఏళ్లు పూర్తయ్యాయి. 'చెన్నై ఎక్స్‌ప్రెస్', 'క్రిష్-3', 'యే జవానీ హై దీవానీ'లతో పాటు 'ధూమ్-3' వంటి బ్లాక్ బస్టర్ చిత్రాలన్నీ ఆ ఏడాదే విడుదలయ్యాయి. ఇవన్ని సినిమాలు పాత్రలతో సహా ఇప్పటికీ మనకు గుర్తున్నాయంటే అప్పుడు ఏ రేంజ్ లో హిట్ సాధించిందో ప్రత్యేకంగా చెప్పనక్కర్లేదు.
ఇవన్నీ అందరికీ తెలిసిన విషయాలే అయితే 2013 సంవత్సరానికి ఇంకో ప్రత్యేకత కూడా ఉంది. బాక్సీఫీస్ కు రూ.500 కోట్లకు పైగా లాభాలు వచ్చిన సంవత్సరం కూడా అదే. అవును ఆ ఏడాదే అమీర్ ఖాన్ నటించిన 'ధూమ్-3' సినిమా అత్యధిక వసూళ్లు సాధించిన మొదటి భారతీయ చిత్రంగా నిలిచింది. బాలీవుడ్కు చెందిన చాలా మంది పెద్ద పెద్ద నటీనటులు ఇందులో నటించడంతో పాటు భారీ బడ్జెట్ తో సినిమాను రూపొందించడం కూడా ఇందుకు కారణం కావచ్చు. అప్పట్లోనే 'ధూమ్-3' సినిమా కోసం రూ. 100 నుంచి రూ. 175 కోట్ల వరకూ ఖర్చు చేసినట్లు సినీ వర్గాల సమాచారం. హిందీ సినిమా చరిత్రలో అత్యంత ఖరీదైన భారతీయ చిత్రాలలో ఇది ఒకటిగా నిలవడం విశేషం.
'ధూమ్-3' గురించి ఇంకో ప్రత్యేక విషయం ఏంటంటే
Dolby Atmos సరౌండ్ సౌండ్‌తో ఐమ్యాక్స్ ఫార్మాట్‌లో విడుదలైన మొదటి భారతీయ సినిమా కూడా ఇదే. బహుశా అందుకేనేమో రిలీజయిన పది రోజుల్లోనే దాదాపు రూ. 400 కోట్లకు పైగా వసూళ్లను సాధించింది ఈ చిత్రం. తర్వాత రూ. 500 కోట్ల మార్క్ను కూడా దాటేసి బాక్సీఫీస్ దద్దరిల్లేలా చేసింది.
విజయ్ కృష్ణ ఆచార్య, ఆదిత్య చోప్రా డైరెక్ట్ చేసిన ఈ 'ధూమ్-3' సినిమా 2013న థియేటర్లలోకి వచ్చింది. యాక్షన్ థ్రిల్లర్గా తెరకెక్కిన ఈ చిత్రంలో అమీర్ ఖాన్, కత్రీనా కైఫ్లు హీరో హీరోయిన్లుగా నటించగా, అభిషేక్ బచ్చన్, ఉదయ్ చోప్రా, జాకీ ష్రాఫ్ లాంటి బాలీవుడ్ టాప్ అండ్ ఫేమస్ నటీనటులు కీలక పాత్రలు పోషించారు. ధూమ్(2004), ధూమ్-2(2006)లకు సీక్వెల్గా మూడవ భాగంగా 'ధూమ్-3'ని విడుదల చేశారు. ఈ మూడు చిత్రాలు సినీ విమర్శకుల నుంచి కూడా ప్రశంసలు దక్కించుకున్నాయి.
- " class="align-text-top noRightClick twitterSection" data="">
ఆ నటీనటులను బాలీవుడ్ స్టార్స్ చేసిన రూ. 3 కోట్ల సినిమా
ఆ స్టార్ హీరోతో సినిమా చేసేందుకు నో చెప్పిన రాజమౌళి! - ఎందుకంటే?
