Dilraju Sing Song : టాలీవుడ్ అగ్ర నిర్మాతల్లో దిల్రాజు ఒకరు. శ్రీ వెంకటేశ్వర క్రియేషన్స్‌ బ్యానర్పై ఎన్నో హిట్, ఫ్లాప్ చిత్రాలను నిర్మించారు. అలానే కొత్త టాలెంట్ను ప్రోత్సాహించడంలో ఆయన ముందుంటారు. నూతన దర్శకులను పరిచయం చేస్తుంటారు. మరి అలాంటి దిల్ రాజులోనూ ఓ స్పెషల్ టాలెంట్ ఉందని మీకు తెలుసా. అదే సింగింగ్. చాలా తక్కువ మందికి ఇది తెలిసి ఉంటుంది. అప్పుడప్పుడు ఇంటర్వ్యూలో, స్టేజ్లపై ఆయన పాడుతూ కనిపిస్తుంటారు. కానీ సినిమాల్లోనూ ఆయన ఓ పాట పాడారట.
అవును మీరు చదివింది నిజం. అక్కినేని నట వారసుడు నాగచైతన్యను హీరోగా పరిచయం చేసింది దిల్ రాజే. జోష్ చిత్రంతో ఇంట్రడ్యూజ్ చేశారు. వాసు వర్మ దర్శకుడు. అయితే ఈ చిత్రం ఆశించిన స్థాయిలో ఆడలేదు. సరిగ్గా ఈ మూవీ రిలీజ్ టైమ్లో అప్పటి ముఖ్యమంత్రి వైఎస్‌ రాజశేఖర్‌రెడ్డి హెలికాప్టర్‌ ప్రమాదంలో చనిపోవడం, దీంతో యావత్‌ రాష్ట్రం విషాదంలో మునిగిపోవడం జరిగిపోయింది. దీంతో రిలీజ్ డేట్లు వాయిదా పడి ఆలస్యమవడం, రాష్ట్రంలో పరిస్థితులు సరిగ్గా లేకపోవడం వంటి కారణాలు కూడా సినిమాపై కాస్త ప్రతికూల ప్రభావాన్ని చూపాయి.
అయితే ఈ సినిమాలో మొదట హీరోగా రామ్‌చరణ్‌ను అనుకున్నారు దిల్రాజు. కానీ కుదరలేదు. తర్వాత నాగార్జున కథను వినడం, నాగచైతన్యను పరిచయం చేయడం జరిగిపోయాయి. సినిమాలో సందీప్‌ చౌతా అందించిన సంగీతం ఆకట్టుకుంది. పాటలు కూడా బాగున్నాయి. వీటిలోని ఓ పాటనే దిల్రాజు పాడారు. 'అన్నయొచ్చినాడో వెలుగులు వెన్నెల్‌ తెచ్చినాడో' అనే పాటను దిల్రాజు పాడారు. దీనికి చంద్రబోస్‌ సాహిత్యం అందించారు. మొదట ఈ పాట లిరిక్స్‌ రాగానే అవి సరిగా ఉన్నయో లేదో అనుకుంటూ దిల్ రాజు హమ్‌ చేశారు. అది విన్న దర్శకుడు వాసువర్మ పట్టుబట్టి మరీ దిల్రాజుతోనే పాట పాడించారు. ఈ విషయాన్ని గతంలో ఓసారి రాఘవేంద్రరావు సౌందర్య లహరిలో దిల్రాజు చెప్పారు.
కాగా, ప్రస్తుతం రామ్చరణ్ హీరోగా శంకర్‌ దర్శకత్వంలో గేమ్‌ ఛేంజర్‌ను దిల్రాజు భారీ బడ్జెట్తో నిర్మిస్తున్నారు. త్వరలోనే ఇది రిలీజ్ కానుంది.
రిచెస్ట్ ప్లేస్లో ప్రాపర్టీ కొన్న కృతిసనన్ - ఎన్ని కోట్లో తెలిస్తే షాకే! - kriti sanon Alibaug
రామ్చరణ్ కొత్త కారు చూశారా? - వామ్మో ఎన్ని కోట్లంటే? - Ramcharan New Car
