Devara Pre Release Event: యంగ్ టైగర్ ఎన్టీఆర్ అభిమానులతో పాటు యావత్ సినీ లోకమంతా ఆశగా ఎదురుచూస్తున్న సినిమా 'దేవర'. భారీ అంచనాలతో ముస్తాబైన ఈ సినిమా రిలీజ్ సెప్టెంబర్ 27న రిలీజ్ కానుండగా, దానికి ముందు జరిగే ప్రీ రిలీజ్ ఈవెంట్ వేడుక ఎప్పుడెప్పుడా అని ఆశగా ఎదురుచూస్తున్నారు. ఈ ఈవెంట్‌కు హాజరై తారక్ మాట్లాడే మూమెంట్ కోసం ఆయన అభిమానులు తహతహలాడుతున్నారు. ఆ సస్పెన్స్కు తెరదించుతూ ప్లేస్, డేట్ ఫిక్స్ చేశారు మూవీ యూనిట్.
ఈ ఈవెంట్ను హైదరాబాద్‌లోని నోవాటెల్లో సెప్టెంబర్ 22 (ఆదివారం) నిర్వహించాలని మేకర్స్ నిర్ణయించినట్లు తెలుస్తోంది. అయితే దీనిపై అధికారికంగా ఎలాంటి ప్రకటన లేదు. కానీ, దాదాపు ఇది నిజమేనని సనీవర్గాల టాక్. ఇప్పటికే ఈ సినిమా పోస్టర్, టీజర్, పాటలు, ట్రైలర్‌ ఫ్యాన్స్‌కు మంచి కిక్కిచ్చాయి. ఇక ప్రీ రిలీజ్ ఈవెంట్‌లో తారక్ మాటలు విని థియేటర్‌కు వెళ్లిపోయేందుకు ఎదురుచూస్తున్నారు ఫ్యాన్స్.
ఈ సినిమాను రెండు పార్టులుగా తెరకెక్కిస్తున్నారు. తొలి పార్ట్‌లో తారక్ సరసన అతిలోక సుందరి కూతురు జాన్వీ కపూర్ నటిస్తోంది. ఇందులో తారక్ ద్విపాత్రాభినయం (డ్యూయెల్ రోల్) చేస్తున్నారు. భారీ తారాగణంతో పాటు భారీ బడ్జెట్‌తో తెరకెక్కిన ఈ సినిమాలో సైఫ్ అలీ ఖాన్, ప్రకాశ్ రాజ్, శ్రీకాంత్, షైన్ టామ్ చాక్కో, టెంపర్ వంశీ, మురళీ శర్మ నటిస్తున్నారు. యువ సుధ ఆర్ట్స్‌తో పాటు ఎన్టీఆర్ ఆర్ట్స్ సంయుక్తంగా ఈ చిత్రాన్ని నిర్మిస్తున్నారు. పాన్ ఇండియా మూవీగా రూపొందిన ఈ సినిమాకు సంగీతం అనిరుధ్ రవిచందర్ అందించారు.
దేవర సినిమాకు సంబంధించి ప్రమోషనల్ కార్యక్రమాలు ఇప్పటికే షురూ అయిపోయాయి. జూ.ఎన్టీఆర్‌తో పాటు జాన్వీ కపూర్, కొరటాల శివ, సైఫ్ అలీ ఖాన్‌లు వీటిల్లో పాల్గొంటున్నారు. రీసెంట్‌గా సందీప్ రెడ్డి వంగా హోస్ట్‌గా వ్యవహరించిన ప్రమోషనల్ ప్రోగ్రాం వీడియో కూడా రిలీజ్ అయింది. ఆ షో మొత్తం ఒకరికొకరు కౌంటర్లు వేసుకుంటూ ఫన్నీగా నడిచింది. తారక్ ఈ ఈవెంట్‌లో కూడా సినిమా చివరి 35 నిమిషాలు అందరినీ కట్టిపారేస్తాయంటూ ఉత్కంఠను రేకేత్తించేలా మాట్లాడారు.
'దేవర' కోసం ఓ ప్రపంచాన్నే క్రియేట్ చేశాం : ఎన్టీఆర్ - Devara Promotions
'దేవర' సెన్సార్ వర్క్స్ కంప్లీట్- రన్టైమ్ 3 గంటలు? - Devara Run Time
