Devara Music Director Anirudh Ravichander : 'దేవర' రాకకు మరికొన్ని గంటలే మిగిలి ఉంది. దీంతో సినీ ప్రియుల్లో ఆసక్తి రెట్టింపు అయిపోతుంది. కొరటాల శివ దర్శకత్వంలో ఎన్టీఆర్‌ హీరోగా నటించిన చిత్రమిది. అయితే ఈ సినిమాకు సంబంధించి రోజుకో వార్త బయటకు వస్తూనే ఉంది. తాజాగా ఈ చిత్రానికి సంగీతం అందించిన అనిరుధ్ ఓ ఇంటర్వ్యూలో పలు ఆసక్తికర విషయాలను చెప్పి అంచనాలను మరింత రెట్టింపు చేశారు.
"బ్యాగ్రౌండ్‌ మ్యూజిక్ ఇచ్చే సమయంలో నేను చాలా ఆశ్చర్యపోయాను. ఇంత గొప్పగా చిత్రాన్ని ఎలా తీశారని ఆలోచిస్తూనే ఉన్నాను. ఈ సినిమా అద్భుతమైన యాక్షన్ డ్రామా. ఇలాంటి చిత్రాలకు బ్యాక్గ్రౌండ్ మ్యూజిక్ అందించాలంటే మంచి ఎక్స్పెరిమెంట్స్ చేయొచ్చు. ప్రేక్షకులకు ఫ్రెష్‌ అనుభూతిని కలిగించాలని 95 శాతం రీరికార్డింగ్ పనులను ఫారెన్లోనూ కంప్లీట్ చేశాం. దేవర చూస్తున్నప్పుడు అవెంజర్స్‌, బ్యాట్‌మ్యాన్‌ వంటి హాలీవుడ్ సినిమాల ఎక్స్పీరియన్స్ కలుగుతుంది. ఇంకా చెప్పాలంటే దేవరలో మ్యూజిక్కు ప్రత్యేక స్థానం ఉంది. ఎమోషన్‌, డ్రామా, యాక్షన్, ఆవేశం అన్నీ ఉంటాయి. థియేటర్లో ప్రేక్షకులు అద్భుతమైన అనుభూతిని పొందుతారు. ఈ చిత్రాన్ని ఫస్ట్ డే, ఫస్ట్ షో చూడాలని అనుకుంటున్నాను. కొరటాల శివ హైదరాబాద్‌లో ఏ థియేటర్‌కు తీసుకెళ్లినా నాకు ఇష్టమే. అభిమానులతో కలిసి ఈ సినిమా చూడాలని అనుకుంటున్నాను. మేము ఈ చిత్రాన్ని ఎంత ఎంజాయ్‌ చేశామో ఆడియెన్స్ కూడా అంతే స్థాయిలో ఎంజాయ్‌ చేస్తారని అనుకుంటున్నాను." అని చెప్పారు.
Devara Cast : కాగా, ఈ చిత్రాన్ని ఆచార్య వంటి ఫ్లాప్ చిత్రం తర్వాత ఎలాగైనా గట్టి హిట్ కొట్టాలని దర్శకుడు కొరటాల శివ దీన్ని తెరకెక్కించారు. సెప్టెంబర్‌ 27న పాన్‌ ఇండియా స్థాయిలో ఇది రిలీజ్ కానుంది. ఈ మూవీతోనే జాన్వీ కపూర్‌ టాలీవుడ్కు పరిచయం కానుంది. ఎన్టీఆర్‌ డ్యుయెల్ రోల్ చేశారు. బాలీవుడ్‌ స్టార్ యాక్టర్ సైఫ్‌ అలీఖాన్‌ విలన్‌గా నటించారు. నందమూరి కల్యాణ్ రామ్ సినిమాకు నిర్మాతగా వ్యవహరించారు.
