Cinema Stars Holi Celebration : హోలీ అంటేనే ఇక వీధంతా రంగులమయం అయిపోతుంది. చిన్నపెద్ద తేడా లేకుండా అందరూ ఈ సంబరాల్లో లీనమైపోతుంటారు. పొద్దున్న నుంచి రాత్రి వరకు తమ సన్నిహితులతో సెలబ్రేషన్స్ చేసుకుంటుంటారు. కొందరేమో రంగులు పూసుకుంటే మరికొందరేమో గుడ్లు, టమాటలతో విన్నూత్నంగా చేసుకుంటుంటారు. ఈ పండుగ అటు నార్త్ నుంచి ఇటు సౌత్ వరకు అందరూ సెలబ్రేట్ చేసుకుంటుంటారు. ఈ నేపథ్యంలో సెలబ్రిటీలు కూడా ఈ సంబరాల్లో మునిగితేలారు.ఆ విశేషాలు మీ కోసం.
షూటింగ్ సెట్లో రష్మిక - సాంగ్ రిలీజ్ ఈవెంట్లో రౌడీ హీరో
స్టార్ హీరోయిన్ రష్మిక మందన్న హోలీ సందర్భంగా ఇన్స్టాగ్రామ్ వేదికగా పోస్ట్ చేశారు. "ఈసారి హోలీ మనందరికీ పని ఉంది. అయితే మీరందరూ సురక్షితంగా హోలీ ఆడుతూ ఆనందిస్తున్నారని ఆశిస్తున్నాను. ఇక్కడి నుండి మీకు హోలీ శుభాకాంక్షలు తెలుపుతున్నాన" అంటూ తన మూవీ టీమ్తో తీసుకున్న ఓ ఫొటోను షేర్ చేశారు. ఇక విజయ్ దేవరకొండ కూడా ఫ్యామిలీ స్టార్ మూవీ టీమ్తో హోలీ ఆడారు. ఈ మూవీలో నుంచి ఓ కొత్త సాంగ్ను విడుదల చేసిన ఈవెంట్లో విజయ్, మృణాల్ సందడి చేశారు.
ఇక టాలీవుడ్ నుంచి బాలీవుడ్ స్టార్స్ వరకు ఎవరెవరు హోలీ జరుపుకున్నారంటే :
ఐకాన్ స్టార్ అల్లు అర్జున్ తన ఫ్యాన్స్ కోసం సింపుల్గా విష్ చేశారు. సమంత తన ఫర్రీ ఫ్రెండ్స్తో సంబరాలు చేసుకున్నారు. హ్యాష్తో పాటు హోలీ ఆడుతున్న ఫొటోను సామ్ ఇన్స్టాలో షేర్ చేశారు. రామ్ చరణ్ కూడా సుకుమార్తో పాటు సెలబ్రేషన్స్లో పాల్గొన్న ఫొటోలను అభిమానులతో పంచుకున్నారు.
మరోవైపు బీటౌన్లోనూ ఈ పండుగ సందడి అంతా ఇంతా కాదు. బాలీవుడ్ స్టార్ హీరోయిన్ కంగనా రనౌత్, స్వరా భాస్కర్, సిద్ధార్థ్ కియారా జంట, నయా కపుల్ పుల్కిత్ సామ్రాట్, కృతి కర్బందా రకుల్ జాకీ భగ్నానీ, దిశాపటానీ అక్షయ్ కుమార్ టైగర్ ష్రాఫ్ ప్రీతీ జింటా కూడా ఎంతో గ్రాండ్గా ఈ పండుగను సెలబ్రేట్ చేసుకున్నారు.
హోలీ స్పెషల్ - ఈ ఎనర్జిటిక్ సాంగ్స్కు మీరు స్టెప్పులేశారా ? - Holi Special Songs In Telugu Movies
