Bigg Boss 8 Telugu Double Elimination: రసవత్తరంగా సాగుతోన్నబిగ్ బాస్ సీజన్ 8 క్లైమాక్స్కు వచ్చింది. ఈ సీజన్కు సంబంధించి చివరి వారం నామినేషన్స్ పూర్తయి.. ఓటింగ్ కూడా ముగిసింది. టికెట్ టు ఫినాలే గెలిచి ఫైనలిస్ట్ అయిన అవినాష్ మినహా.. మిగిలిన వారందరూ ఈ వారం నామినేషన్స్లో ఉన్నారు. అయితే గ్రాండ్ ఫినాలేకి ముందు జరగబోతున్న ఈ ఎలిమినేషన్లో ఊహించని ట్విస్ట్‌లు ఉండబోతున్నాయని సమాచారం. ముఖ్యంగా గత వారం మాదిరే ఈ వారం డబుల్ ఎలిమినేషన్ ఉంటుందని.. శనివారం ఒకరు, ఆదివారం మరొకరు ఎలిమినేట్ అయ్యి టాప్ - 5 కంటెస్టెంట్స్ ఫినాలేకు వెళ్లనున్నట్లు తెలుస్తోంది. మరి ఈ వారం డబుల్ ఎలిమినేషన్లో ఎవరు ఇంటికి వెళ్తున్నారో.. ఈ స్టోరీలో తెలుసుకుందాం..
ఈ ఐదు రోజులు జరిగిందిదే: గత వారం డబుల్ ఎలిమినేషన్లో ఇద్దరు బయటికి వెళ్లగా మిగిలిన ఏడుగురు కంటెస్టెంట్స్‌లో అవినాష్.. టికెట్ టు ఫినాలే గెలిచి ఫస్ట్ ఫైనలిస్ట్ అయ్యాడు. ఇక మిగిలిన ఆరుగురు.. రోహిణి, విష్ణు ప్రియ, ప్రేరణ, నబీల్, నిఖిల్, గౌతమ్ నేరుగా నామినేట్ అయ్యారు. ఇక ఆ తర్వాత హౌజ్మేట్స్కు ఓట్ అప్పీల్ ఛాన్స్ ఇచ్చాడు బిగ్బాస్. రకరకాల టాస్క్లు పెట్టగా అందులో గెలిచిన వారికి ఓట్ అప్పీల్ అవకాశం లభించింది. అలాగే పలువురు సెలెబ్రిటీలు కూడా హౌజ్లోకి వచ్చి సందడి చేశారు.
ఓటింగ్ ఎలా ఉందంటే: ఈ వారం ఆరుగురు నామినేషన్స్లో ఉండగా.. అన్అఫీషియల్ పోలింగ్లో నిఖిల్, గౌతమ్‌ల మధ్య నువ్వా నేనా అంటూ ఓటింగ్ జరిగింది. దాదాపు 70 పర్సెంట్ ఓటింగ్‌ని వీళ్లిద్దరే షేర్ చేసుకున్నారు. మిగిలిన 30 పర్సంట్ ఓటింగ్‌ని నలుగురు కంటెస్టెంట్స్ షేర్ చేసుకోవడంతో పాయింట్ల తేడాతో.. ఈ నలుగురి మధ్య టఫ్ ఫైట్ నడిచింది. మొదటి రెండు స్థానాల్లో నిఖిల్, గౌతమ్ ఉంటే ఆ తర్వాతి స్థానాల్లో వరుసుగా ప్రేరణ, నబీల్, విష్ణుప్రియ, రోహిణి ఉన్నారు. ముఖ్యంగా రోహిణికి, విష్ణుప్రియకు చాలా తక్కువ వ్యత్యాసంతో ఓటింగ్ పోల్ అయినట్లు తెలుస్తోంది.
ఎలిమినేషన్ ఎవరంటే: గత వారం మాదిరే.. ఈవారం కూడా డబుల్ ఎలిమినేషన్ అని.. ఇప్పటికే శనివారం ఎపిసోడ్ షూటింగ్ పూర్తయ్యిందని.. ఈ ఎపిసోడ్లో సీజన్ 8 శివంగి.. ది స్ట్రాంగ్ ఫీమేల్ కంటెంస్టెంట్ రోహిణి ఎలిమినేట్ అయ్యిందని లీక్ వచ్చింది. శనివారం నాటి ఎపిసోడ్లో రోహిణి ఫస్ట్ ఎలిమినేట్ కాగా.. రెండో ఎలిమినేషన్ ఎవరనేది ఉత్కంఠ రేపుతోంది.
ఎలిమినేషన్కు కారణం అదేనా: ఆటపరంగా చూస్తే రోహిణి ది బెస్ట్ అనడంలో ఎలాంటి సందేహం లేదు. కానీ ఆమె తొలిసారిగా నామినేషన్స్‌లోకి వచ్చింది. వైల్డ్ కార్డ్ ద్వారా హౌజ్లోకి వచ్చిన రోహిణి.. ఆరో వారం నుంచి 14వ వారం వరకూ ఒక్కసారి కూడా నామినేషన్స్‌లోకి వచ్చింది లేదు. ఇప్పుడిదే రోహిణి ఎలిమినేషన్‌కి ప్రధానమైన కారణం కాబోతుందని టాక్ నడుస్తోంది. ఎందుకంటే నామినేషన్స్‌లోకి వెళ్లడం కూడా బిగ్బాస్ ఆటలో భాగం. అక్కడికి వెళితేనే ఆడియన్స్ సపోర్ట్ ఎంతవరకు ఉన్నదని తెలుస్తుంది.
ఇంకో ఎలిమినేషన్ ఎవరంటే: అన్అఫీషియల్ ఓటింగ్ ప్రకారం రోహిణి తర్వాత డేంజర్లో విష్ణుప్రియ, నబీల్ ఉన్నారు. వీరిద్దరిలో ఒకరు ఆదివారం ఎపిసోడ్లో ఎలిమినేట్ కానున్నారు. నిజానికి విన్నర్ మెటీరియల్గా హౌజ్లోకి అడుగుపెట్టిన విష్ణుప్రియ.. పృథ్వీ వెంట పడి 14వ వారం వరకూ కూడా ఆటే ఆడలేదు. వీకెండ్ పెర్ఫామెన్స్ తప్పితే ఒక్కటంటే ఒక్క వారం కూడా విష్ణు బెస్ట్ అనిపించింది లేదు. దీంతో విష్ణుప్రియకు ఓట్లు రావడం కష్టమైంది. ప్రతిసారి నామినేషన్స్కు వచ్చినా కేవలం పాయింట్ల తేడాతో సేవ్ అవుతూ వచ్చింది. ఇక నబీల్ ఆట చూసుకుంటే వచ్చిన కొత్తలో విన్నర్ అవుతాడని ప్రేక్షకులు భావించినా.. ఫ్యామిలీ వీక్ తర్వాత ఆట స్వరూపమే మారిపోయింది. టాస్క్లు సరిగా ఆడట్లేదని టాక్. దీంతో వీళ్లిద్దరిలో ఎవరూ ఎలిమినేట్ అవుతారనేది ఆదివారం వరకు సస్పెన్స్గానే ఉండనుంది.
"తమ్ముడంటే జెలస్ - త్వరలోనే స్ట్రెయిట్ తెలుగు సినిమా" - బిగ్బాస్లో హీరో సూర్య సందడి!
