దీపావళి ధమాకా - సూపర్​ ఎంటర్​ టైనింగ్​గా సండే ఎపిసోడ్​ - అలరించిన తారలు!

-అద్దిరిపోయిన సండే స్పెషల్​ ఎపిసోడ్​ -అలరించిన హైపర్​ ఆది, అనసూయ, సమీరా భరద్వాజ్​

Bigg Boss 8 Telugu Diwali Special Episode: బిగ్​బాస్ తెలుగు సీజన్ 8 నేడు ఎనిమిదో వారం చివరికి వచ్చేసింది. ఇక ఆదివారం ఎపిసోడ్ అంటే ఎంటర్టైన్మెంట్​తో పాటు ఎలిమినేషన్లు ఉంటాయన్న సంగతి తెలిసిందే. అయితే ఈ వారం దీపావళి నేపథ్యంలో ఈరోజు మరింత స్పెషల్​గా ఉండబోతుంది. తాజాగా దీనికి సంబంధించి ప్రోమోలు కూడా రిలీజ్​ చేశారు. ఆ వివరాలు ఇప్పుడు చూద్దాం..

మొదటి ప్రోమోలో ఎప్పటిలాగే స్పెషల్​ ఎంట్రీ ఇచ్చారు హోస్ట్​ నాగార్జున. ఇక ఆ తర్వాత అందరికీ దీపావళి శుభాకాంక్షలు చెప్పడంతో నేటి ఎపిసోడ్​ స్టార్ట్​ అయ్యింది. ఈక్రమంలోనే అమరన్ సినిమా ప్రమోషన్లలో భాగంగా నేడు బిగ్‍బాస్‍కు వచ్చారు తమిళ హీరో శివ కార్తికేయన్, స్టార్ హీరోయిన్ సాయి పల్లవి. సాయి పల్లవిని హోస్ట్ కింగ్ నాగార్జున ప్రశంసించారు. "ఆడియన్స్ స్టార్స్, వీళ్లు యాక్టర్స్. కానీ స్టార్ యాక్టర్" అంటూ సాయిపల్లవిని నాగ్ చూపించారు. ఆ తర్వాత అవినాశ్‍పై నాగార్జున పంచ్ వేశారు. "వైఫ్ అనూ ఫొటో తెచ్చుకున్నాడు. హౌస్‍లో తాను చేసే పనులు తెలియకూడదని ఆ ఫొటో ఇలా మూసేస్తాడు" అని నాగ్ కౌంటర్​ వేశారు.

ఇక ఆ తర్వాత సోగ్గాడే చిన్ని నాయనా పాటకు అనసూయ స్పెషల్ డ్యాన్స్ పర్ఫార్మెన్స్ చేశారు. హౌస్‍మేట్స్ కూడా దుమ్మురేపారు. ఈ క్రమంలో అవినాష్​.."ఐ లవ్యూ అను.. ఓ ఈ అను.. కాదు.. ఈ అనసూయను రెండు రాష్ట్రాల కుర్రాళ్లు లవ్ చేస్తున్నారు" అంటూ డైలాగ్​ కొట్టాడు. ఆ తర్వాత కంటెస్టెంట్లకు "ట్రెజర్ హంట్" గేమ్ ఉండనున్నట్టు కింగ్​ చెప్పారు. ఈ క్రమంలో అనసూయ అత్తారింటి మైథిలి భాష గురించి మాటలు సాగాయి. "కాదు కాదు.. మీ అత్తగారి భాష మీకే రాకపోతే మాకెలా అర్థమవుతుంది" అంటూ రోహిణి పంచ్ వేశారు. దీంతో రోహిణి అనిపించుకున్నావని అనసూయ అన్నారు.

ఆ తర్వాత లక్కీ భాస్కర్ సినిమా హీరో దుల్కర్ సల్మాన్, హీరోయిన్ మీనాక్షి చౌదరి, డైరెక్టర్ వెంకీ అట్లూరి కూడా ఈ ఎపిసోడ్‍లో సందడి చేశారు. "దుల్కర్ సల్మాన్‍తో ఎవరైనా లవ్ స్టోరీ చేస్తారనుకుంటాం" అని డైరెక్టర్ వెంకీ అట్లూరిని నాగార్జున ప్రశ్నించారు. దీంతో "లక్కీ భాస్కర్ కూడా లవ్ స్టోరీనే, అయితే ఇది మనిషికి, డబ్బుకి మధ్య" అని వెంకీ చెప్పారు. తనకు డిఫరెంట్ మూవీ చేయాలని అనిపించి లక్కీ భాస్కర్ చేసినట్టు దుల్కర్ తెలిపారు. ఆ తర్వాత ఓ డ్యాన్స్ పర్ఫార్మెన్స్ ఉంది.

ఇక "‘క" సినిమా ప్రమోషన్ కోసం హీరో కిరణ్ అబ్బవరం, హీరోయిన్లు తన్విరామ్, నయన్ సారిక వచ్చారు. తమ చిత్రానికి ‘క’ అని టైటిల్ ఎందుకు పెట్టారో క్లైమాక్స్‌లో తెలుస్తుందని కిరణ్ అబ్బవరం తెలిపారు. గంగవ్వ క్యూట్ అని హీరోయిన్ అంటే.. రాత్రి పూట చూడండి అంటూ రోహిణి డైలాగ్​ వేశారు. కళ్లకు గంతలు కట్టుకొని కుక్కకు తోక గీసే టాస్కును కంటెస్టెంట్లకు నాగార్జున ఇచ్చారు. హైపర్ ఆది ఎంట్రీతో మొదటి ప్రోమో ముగిసింది.

ఇక రెండో ప్రోమో విషయానికి వస్తే.. హైపర్​ ఆది ఎంట్రీతో ప్రోమో స్టార్ట్​ అయ్యింది. ఇక ఎప్పటిలానే తనదైన శైలిలో పంచులు విసురతూ హైపర్​ ఆది ఆకట్టుకున్నారు. ముఖ్యంగా అవినాష్​ మీద ఎక్కువ పంచ్​లు వేశారు. ఇక ఆ తర్వాత హీరోయిన్​ మెహరిన్​ డ్యాన్స్​ పర్ఫార్మెన్స్ చేశారు. అనంతరం హౌజ్​మేట్స్​తో చాప్​స్టిక్స్​ గేమ్​ ఆడించారు నాగార్జున. ఆ తర్వాత సింగర్​ సమీరా భరద్వాజ్​.. హౌజ్​లోని కంటెస్టెంట్ల మీద పాటలు పాడారు. ఈమె పాటలు పాడుతున్న సమయంలో ఒక్కొక్కరు పడిపడి నవ్వారు. ఇక చివరికి కంటెస్టెంట్లను ఏడిపించారు నాగార్జున. హౌజ్​మేట్స్​ ఫ్యామిలీకి సంబంధించిన ఫొటోలు డిస్​ప్లే చేసి వారి నుంచి మెసేజ్​ వచ్చినట్లు చెప్పారు. అయితే ఇక్కడో చిన్న ట్విస్ట్​ ఇచ్చారు. ఇందులో ఎవరైనా ఒకరికి మాత్రమే అవకాశం ఇస్తున్నట్లు చెప్పారు.

స్పెషల్ ఎపిసోడ్ టెలికాస్ట్ టైమ్​: బిగ్‍బాస్ 8 తెలుగు దీపావళి స్పెషల్ ఎపిసోడ్ నేడు (అక్టోబర్ 27) సాయంత్రం 7 గంటల నుంచే ప్రసారం కానుంది.

ఎలిమినేట్ అతడే!: బిగ్‍బాస్‍లో నేడు ఎనిమిదో వారానికి గాను మహబూబ్ ఎలిమినేట్ కానున్నారని తెలుస్తోంది. తక్కువ ఓట్లు వచ్చిన మహబూబ్, నయని పావని డేంజర్ జోన్‍లో నిలిచారు. అయితే, చివరికి మహబూబ్ హౌజ్​ నుంచి బయటికి వెళ్లనున్నాడని లీకులు వచ్చాయి. అయితే ఈ విషయంపై నేటి ఎపిసోడ్‍లో క్లారిటీ రానుంది.