Balayya NBK 109 Next Schedule : టాలీవుడ్ స్టార్ హీరో నందమూరి బాలకృష్ణ, డైరెక్టర్ బాబీ కాంబినేషన్లో తెరకెక్కుతున్న #NBK 109 మూవీ ప్రస్తుతం శరవేగంగా షూటింగ్ జరుపుకుంటోంది. ఇటీవలే రాజస్థాన్‌లో కీలక షెడ్యూల్‌ను పూర్తి చేసుకున్న ఈ మూవీ తాజాగా తదుపరి షెడ్యూల్‌ను హైదరాబాద్‌లో ప్రారంభించేందుకు మేకర్స్ సన్నాహాలు చేస్తున్నట్లు సమాచారం. ఆగస్టు చివరి వారం నుంచి జరగనున్న ఈ షూట్లో బాలయ్యతో పాటు మిగతా నటీనటుల టీమ్ మొత్తం పాల్గొననున్నట్లు తెలుస్తోంది. ఇక ఈ షెడ్యూల్‌లో కీలక సన్నివేశాలతో పాటు పలు యాక్షన్‌ సీక్వెన్స్‌ చిత్రీకరించనున్నట్లు సినీ వర్గాల మాట.
ఇక NBK 109 విషయానికి వస్తే, మాస్‌ యాక్షన్‌ ఎంటర్‌టైనర్‌గా రూపొందుతున్న ఈ మూవీలో బాలకృష్ణ డిఫరెంట్ షేడ్స్ ఉన్న పాత్రలో కనిపించనున్నారట. ఇందులో బాలయ్యతో పాటు ప్రగ్యా జైస్వాల్, ఊర్వశీ రౌతేలా, చాందినీ చౌదరి లాంటి స్టార్స్ కీలక పాత్ర పోషించనున్నారు. బాలీవుడ్ స్టార్ హీరో బాబీ దేవోల్‌ విలన్ రోల్లో మెరవనున్నారు. చిత్రీకరణ దశలో ఉన్న ఈ సినిమా మ్యూజిక్ డైరెక్టర్ తమన్ ఈ చిత్రానికి సంగీతం అందిస్తున్నారు. ప్రముఖ నిర్మాతలు సూర్యదేవర నాగవంశీ, సాయి సౌజన్య ఈ చిత్రాన్ని సంయుక్తంగా నిర్మిస్తున్నారు.
ఒకే వేదికపై చిరు బాలయ్య
ఇదిలా ఉండగా, ప్రముఖ ఓటీటీ ప్లాట్ఫరామ్ వేదికగా బాలకృష్ణ హోస్ట్గా వ్యవహరించిన 'అన్‌స్టాపబుల్‌' మూవీ ప్పుడు నాలుగో సీజన్తో ముందుకు రానుంది. ఇప్పటికే ఈ షో కోసం సన్నాహాలు కూడా పూర్తైనట్లు తెలుస్తోంది. అయితే ఈ సీజన్కు చీఫ్‌ గెస్ట్‌గా టాలీవుడ్ మెగాస్టార్‌ చిరంజీవి రానున్నారని సమాచారం. వాస్తవానికి ఈ ప్రచారం ప్రతీ సీజన్‌లోనూ సాగింది. కానీ అది జరగలేదు. అయితే ఈ కొత్త సీజన్కు మాత్రం చిరు వస్తారని రూమర్స్ గట్టిగానే వినిపిస్తున్నాయి. అయితే చిరంజీవినే కాదు టాలీవుడ్ మన్మథుడు, కింగ్‌ నాగార్జున కూడా ఈ సారి పాల్గొంటారని సమాచారం. వీటన్నింటితో పాటు, మరికొన్ని సర్‌ప్రైజ్‌ కూడా ఉంటాయని సమాచారం. దీనిపై ఆహా నుంచి అధికారిక ప్రకటన రావాల్సి ఉంది.
బాలయ్య గోల్డెన్ జూబ్లీ- మోషన్ పోస్టర్ రిలీజ్ - Nandamuri Balakrishna 50 Years
