Anushka Shetty Fantasy Thriller Kathanar : హీరోయిన్ అనుష్క ప్రస్తుతం ఒకే సారి రెండు చిత్రాలలో నటిస్తున్నారు. ఈ రెండూ షూటింగ్ జరుపుకుంటున్నాయి. దీంతో సెట్స్‌పై ఆమె తీరిక లేకుండా గడుపుతున్నారు. ఈ చిత్రాల్లో కథనార్ - ది వైల్డ్‌ సోర్సెరర్‌ ఒకటి. ఇది అనుష్కకు మొదటి మలయాళ సినిమా.
రోజిన్ థామస్ ఈ కథనార్ చిత్రానికి దర్శకత్వం వహిస్తున్నారు. గోకులం గోపాలన్‌ నిర్మాతగా వ్యవహరిస్తున్నారు. జయ సూర్య హీరోగా నటిస్తున్నారు. హారర్‌ ఫాంటసీ థ్రిల్లర్‌గా ఇది ముస్తాబవుతోంది. తాజాగా ఈ సినిమా గురించి ఇంట్రెస్టింగ్ అప్డేట్ వచ్చింది. ఈ చిత్రాన్ని రెండు భాగాలుగా థియేటర్లలో విడుదల చేయనున్నట్లు ఆ మధ్య ప్రచారం సాగింది. అలాగే ఈ మూవీ షూటింగ్ కూడా పూర్తైనట్లు వార్తలు వచ్చాయి.
తాజాగా ఈ విషయంపై క్లారిటీ ఇచ్చింది చిత్ర బృందం. 212 రోజుల పాటు 6 షెడ్యూల్స్‌లో చిత్రీకరణ పూర్తి చేసుకున్నట్లు దర్శకుడు రోజిన్ థామస్ చెప్పారు. 9వ శతాబ్దపు క్రైస్తవ మత గురువు కడమత్తత్తు కథనార్ కథను ఆధారం ఈ సినిమాను తెరకెక్కించారు. చిత్రంలో అనుష్క మునుపెన్నడూ చూడని భిన్నమైన అవతారంలో కనిపించనుందట.
ప్రస్తుతం కథనార్ నిర్మాణానంతర పనులు శరవేగంగా సాగుతున్నాయి. సినిమాను 14 భాషల్లో విడుదల చేయనున్నారట. త్వరలోనే మూవీ విడుదల తేదీపై స్పష్టత రానుంది. ఈ సినిమాకు రాహుల్‌ సుబ్రహ్మణ్యం సంగీతం అందించారు. నీల్‌ డి కున్హా ఛాయాగ్రహణం బాధ్యతలు చూసుకున్నారు. కేరళలో జరిగిన కొన్ని వాస్తవ సంఘటనల ఆధారంగా ఈ చిత్రాన్ని తెరకెక్కించారు.
Anushka Shetty Krish Jagarlamudi movie : ఇకపోతే అనుష్క శెట్టి తెలుగులోనూ ఓ సినిమా చేస్తున్నారు. దర్శకుడు క్రిష్‌ జాగర్లమూడి దర్శకత్వంలో ఘాటీ అనే సినిమా చేస్తున్నారు. బలమైన కథాంశంతో ఈ చిత్రం తెరకెక్కుతోందని, ఇందులో సవాల్‌తో కూడిన పాత్రలో అనుష్క కనిపించనున్నారనే వార్తలు వినిపిస్తున్నాయి.
కాగా, అనుష్క చివరగా మిస్‌ శెట్టి మిస్టర్‌ పొలిశెట్టి సినిమాలో కనిపించారు. గత ఏడాది విడుదలైన ఈ చిత్రాన్ని పి. మహేష్ బాబు దర్శకత్వం వహించారు. ఈ చిత్రానికి ప్రేక్షకుల నుంచి మంచి స్పందన దక్కింది.
'కౌన్‌ బనేగా కరోడ్‌పతి'లో అల్లు అర్జున్ పై ప్రశ్న - ఏమని అడిగారంటే?
