Anupama Parameswaran Female Oriented Movies : తన నేచురల్ యాక్టింగ్తో యూత్ను ఆకట్టుకుంది మల్లు బ్యూటీ అనుపమ పరమేశ్వరన్. తెలుగులో ఎన్నో హిట్ సినిమాల్లో నటించిన ఈ చిన్నది, అగ్రతారల సరసన స్క్రీన్ షేర్ చేసుకుని ఇటు టాలీవుడ్లోనే కాకుండా మొత్తం సౌత్లోనూ మంచి స్టార్డమ్ సంపాదించుకుంది. ఇటీవలె వచ్చిన 'టిల్లు స్క్వేర్' మూవీ పలు షేడ్స్ ఉన్న పాత్రలో నటించి మెప్పించింది. సినిమా హిట్ కావడంలో కీలక పాత్ర పోషించింది. అయితే ఇన్నేళ్లు చేసినట్లుగా కాకుండా ఓ కొత్త జానర్ను ఎంచుకుని దాంట్లో కూడా తన సత్తా చాటాలని చూస్తోంది అనుపమ. లేడీ ఓరియంటడ్ సినిమాల వైపు మక్కువ చూపిస్తోంది. తాజాగా ఆమె సైన్ చేసిన పలు సినిమాలు అదే కోవకు చెందినవి కావడం విశేషం.
ఇటీవలె ప్రశాంత్ వర్మ డైరెక్షన్లో తెరకెక్కుతున్న 'ఆక్టోపస్' అనే సినిమాకు అనుపమ సైన్ చేసింది. అందులో ఆమె పాత్ర చాలా స్ట్రాంగ్గా ఉండనున్నట్లు టాక్ నడుస్తోంది. దాదాపు 70 శాతం షూటింగ్ పూర్తి చేసుకున్న తర్వాత ఈ మూవీకి బ్రేక్ ఇచ్చారు ప్రశాంత్ వర్మ. మళ్లీ ఈ సినిమా షూటింగ్ను తిరిగి ప్రారంభించారు.
ఇక 'ఆక్టోపస్' తర్వాత డైరెక్టర్ ప్రవీణ్ కందిరేగుల రూపొందించనున్న 'పరదా' అనే ఫిమేల్ ఓరియెంటెడ్ మూవీకి కూడా సైన్ చేసింది. తాజాగా విడుదలైన పోస్టర్ ద్వారా ఆమె ఈ సినిమాలో కీలక పాత్ర పోషించనున్నట్లు తెలుస్తోంది. ఇక 'ఆక్టోపస్' చిత్రీకరణ తర్వాత అనుపమ 'పరదా' షూటింగ్లో పాల్గొనే అవకాశం ఉంది.
ఇదిలా ఉండగా, తమిళ డైరెక్టర్ ఏ.ఆర్ జీవా తెరకెక్కిస్తున్న 'లాక్డౌన్' అనే సినిమాలోనూ అనుపమ కీ రోల్ ప్లే చేస్తోంది. ఈ సినిమాను లైకా ప్రొడక్షన్స్ ప్రతిష్టాత్మకంగా నిర్మిస్తోంది. తాజాగా మేకర్స్ అనుపమ స్పెషల్ లుక్ను కూడా విడుదల చేశారు. దీనిబట్టి అనుపమ రానున్న సినిమాల్లో స్ట్రాంగ్ క్యారెక్టర్స్లో కనిపించనున్నట్లు తెలుస్తోంది.
మరోవైపు అనుపమ మలయాళంలో 'జానకి వర్సెస్‌ స్టేట్‌ ఆఫ్‌ కేరళ' అనే సినిమాలో నటించింది. డైరెక్టర్ ప్రవీణ్ నారాయణ్‌ తెరకెక్కిస్తున్న ఈ చిత్రంలో జానకిగా అనుపమ కనిపించనుంది. మలయాళ స్టార్ యాక్టర్ సురేశ్‌ గోపి కూడా ఈ చిత్రంలో కీలక పాత్ర పోషించారు.
టిల్లు స్క్వేర్ మ్యాజిక్ - అనుపమ పాత్ర మిస్ చేసుకున్న హీరోయిన్స్ వీరే! - Tillu Square
ఫుల్ స్వింగ్లో అనుపమ - పాన్ఇండియా స్టార్ అయినా ఆ సినిమాల్లో ఛాన్స్ రాలేదు!
