Akshay Kumar IPL Remuneration : ప్రపంచవ్యాప్తంగా ఉన్న క్రికెట్ అభిమానులు ఎంతో ఆసక్తిగా ఎదురుచూస్తున్న రోజు రానే వచ్చింది. మరికొన్ని గంటల్లో ఐపీఎల్ 17వ సీజన్ అట్టహాసంగా ప్రారంభం కానుంది. డిఫెండింగ్ ఛాంపియన్ చెన్నై సూపర్ కింగ్స్, రాయల్ ఛాలెంజర్స్ బెంగుళూరు జట్ల మధ్య జరిగే మ్యాచ్తో ఐపీఎల్కు తెరలేవనుంది. అయితే ఈ ఐపీఎల్ ప్రారంభోత్సవాన్ని ఉర్రూతలూగించే విధంగా బీసీసీఐ ప్లాన్ చేసింది.
ఇందులో భాగంగా ఐపీఎల్ పిచ్పై ఉత్కంఠభరితమైన ఆటలు మాత్రమే కాదు బాలీవుడ్ హీరోలు, గాయకులు తమ ఆటపాటలతో అలరించే విధంగా ప్రోగ్రామ్స్ ఎన్నో ఉన్నాయి. ఇక యాక్షన్ స్టార్లు అక్షయ్ కుమార్, టైగర్ ష్రాఫ్, గాయకుడు సోను నిగమ్, దిగ్గజ మ్యూజిక్ డైరెక్టర్ ఏఆర్ రెహమాన్ ఇవాళ సాయంత్రం (మార్చి 22) జరిగే వేడుకల్లో సందడి చేయనున్నారు.
ఇప్పటికే చెన్నైలోని చెపాక్ స్టేడియం వేదికగా కలర్ఫుల్గా రెడీ అయ్యింది. అయితే ఈసారి అక్షయ్ కుమార్ తన ఎనర్జిటిక్ పెర్ఫార్మెన్స్తో స్టేజ్పై ప్రేక్షకులను అలరించేందుకు సిద్ధంగా ఉన్నారు. అయితే ఈ ప్రారంభోత్సవ వేడుకలో పాల్గొనేందుకు అక్షయ్ ఎంత రెమ్యూనరేషన్ తీసుకుంటున్నారో తెలుసా ?
పలు మీడియా కథనాల ప్రకారం తన హై ఎనర్జీ పెర్ఫార్మెన్స్కు ఈ బాలీవుడ్ హీరో సుమారు రూ. 2.5 కోట్ల రెమ్యూనరేషన్ అందుకోనున్నారట. ఇది విన్న ఫ్యాన్స్ ఒక్కసారిగా షాకయ్యారు. అయినప్పటికీ ఈ వేడుకలో తన పెర్ఫామెన్స్ కోసం ఎంతగానో ఎదురుచూస్తున్నారు.
గతేడాది ఓ మై గాడ్ 2 సినిమాతో భారీ సక్సెస్ను తన ఖాతాలో వేసుకున్నారు అక్షయ్. ఈ విజయాన్ని ఆస్వాదిస్తూనే ఆయన మరో భారీ ప్రాజెక్ట్కు సైన్ చేశారు.'బడే మియా, చోటే మియా' అనే ఇంట్రెస్టింగ్ టైటిల్తో ఈ సినిమా తెరకెక్కుతోంది. ఇందులో అక్షయ్తో పాటు బీటౌన్ యంగ్ హీరో టైగర్ ష్రాఫ్ కూడా కనిపించారు. ఇప్పటికే రిలీజైన పోస్టర్స్, గ్లింప్స్తో ఈ సినిమా అభిమానుల్లో భారీ అంచనాలే పెంచేసింది. దీంతో పాటు 'స్కై ఫోర్స్', 'సింగమ్ ఎగైన్', 'వెల్‌కమ్ టు ది జంగిల్', 'హేరా ఫేరీ 3', 'చవేదాత్ మరాఠే వీర్ దౌడ్లే సాత్' వంటి సినిమాల్లో కూడా నటిస్తున్నారు.
-
Looking forward to performing at the #TATAIPL 2024 opening ceremony tomorrow. Have an exciting act planned, see you all in Chennai. pic.twitter.com/g5AeBQESi3
— Akshay Kumar (@akshaykumar) March 21, 2024
'నాటు నాటు' బీటౌన్ వెర్షన్ - ఆ సాంగ్కు హుక్ స్టెప్ వేసిన అక్షయ్, టైగర్
