'అఖండ 2'లో బాలయ్య ​పవర్​ఫుల్​ రోల్​ - రియల్​ లైఫ్ ఇన్​స్పిరేష్​న్​తో!

'అఖండ 2'లో బాలయ్య రోల్​ - మునుపటికంటే మరింత పవర్​ఫుల్​గా!

Akhanda 2 Balayya Role : యాక్షన్​ సినిమాల్లో మెరవాలన్న, ఎమోషన్స్​తో ప్రేక్షకులను కట్టిపడేయాలన్న అది నందమూరి నటసింహం బాలకృష్ణకే సాధ్యం. ఈయన ఓవైపు డేంజరస్​ ఫీట్స్ చేస్తునే, మరోవైపు తన డైలాగ్ డెలివరీతో అభిమానులను ఆకట్టుకుంటారు. అయితే ఈయన నటనకు బోయపాటి మెరుగులు దిద్ది తీసిన మూడు చిత్రాలు బాక్సాఫీస్ వద్ద అఖండ విజయాన్ని సాధించాయి. ఇప్పుడు అదే జోష్​తో ఈ కాంబో మళ్లీ 'అఖండ 2 : తాండవం' కోసం కలిసి పని చేస్తోంది. ఇప్పటికే పూజా కార్యక్రమాలతో సినిమా ప్రారంభవ్వగా, అభిమానులు ఈ మూవీ అప్​డేట్స్​ గురించి తెగ ఆరా తీస్తున్నారు. అయితే తాజాగా ఈ సినిమా గురించి ఓ వార్త నెట్టింట తెగ వైరలై ప్రేక్షకుల్లో 'అఖండ 2'పై మరించ అంచనాలు పెంచుతోంది. అదేంటంటే?

నిజ జీవితంలో బాలకృష్ణ సంప్రదాయలకు ఎంత విలువనిస్తారో అందరికీ తెలిసిందే. ఆయనకు దేవుడంటే అమితమైన భక్తి. 'అఖండ 2 : తాండవం'లో ఆయన ఇలానే కనిపించనున్నారట. ఆచారాల కోసం పోరాడే ఓ పాత్రకు ఈ చిత్రంలో ప్రాణం పోయనున్నట్లు సినీ వర్గాల టాక్. అయితే ఈ చిత్రం తొలి భాగంలో భాగంలోనూ బాలయ్య శివ భక్తుడిగా కనిపించారు. ఆ పాత్రలో ఎంతో చక్కగా ఒదిగిపోయి ఆకట్టుకున్నారు. ఇప్పుడీ రెండో భాగంలో ఆయన పాత్ర మరింత పవర్‌ఫుల్‌గా చూపించనున్నట్లు తెలుస్తోంది. ఆలయాలను, అలాగే వాటి పవిత్రతను కాపాడే ఓ పాత్రలో ఆయన కనిపించనున్నట్లు సమాచారం.

ఇదిలా ఉండగా, ఈ పవర్‌ఫుల్‌ పాత్రకు బోయపాటి డైలాగులు మరింత పవర్​ను ఇచ్చేలా ఉన్నట్లు తెలుస్తోంది. ఇప్పటికే టైటిల్‌ రివీల్‌ అండ్ పూజా కార్యక్రమంలో బాలయ్య చెప్పిన డైలాగ్​ నెట్టింట తెగ వైరల్‌గా మారింది. ఆయన డిక్షన్ కూడా చాలా బాగుందంటూ అభిమానులు మెచ్చుకుంటున్నారు. ఇప్పుడు ఈ సినిమాలో అటువంటివి ఎన్నో ఉన్నాయట. హిందూ గ్రంథాల విషయంలో జోక్యం చేసుకొని వాటిని నాశనం చేయాలని ప్రయత్నించే కొందరి పని పట్టేందుకు నడుముబిగించే పాత్రలో బాలయ్య కనిపిస్తారట. పాన్ ఇండియా లెవెల్​లో భారీగా భారీ బడ్జెట్‌తో ఈ చిత్రం రూపొందనుంది.

'GOD OF MASSES' #NandamuriBalakrishna roars with a powerful dialogue for the first shot of #Akhanda2 - Thaandavam at the pooja ceremony ❤️‍🔥

Title theme out now💥💥
▶️ https://t.co/xmMACJPzNZ

Shoot begins soon!#BoyapatiSreenu @14ReelsPlus @MusicThaman @RaamAchanta #GopiAchanta… pic.twitter.com/5k6CQaiS4M

— 14 Reels Plus (@14ReelsPlus) October 16, 2024