స్పెషల్ సర్​ప్రైజ్ - అజిత్​కు నచ్చిన గిఫ్ట్ ఇచ్చిన షాలిని - Kollywood Actor Ajith Birthday

Ajith Kumar Birthday : కోలీవుడ్ స్టార్ హీరో అజిత్ బర్త్​డే సందర్భంగా ఆయన సతీమణి షాలిని అజిత్​కు ఓ స్పెషల్ సర్​ప్రైజ్ ఇచ్చారు. ఇంతకీ అదేంటంటే ?

Actor Ajith Birthday : కోలీవుడ్ స్టార్ హీరో నేడు ( మే 1)న 53 వ ఏట అడుగుపెడుతున్నారు. దీంతో అటు ఫ్యాన్స్​తో పాటు ఇటు సెలబ్రిటీలు ఆయనకు సోషల్ మీడియా వేదికగా పెద్ద ఎత్తున విషెస్ తెలుపుతున్నారు. అయితే ఆయన సతీమణి షాలినీ ఆయనకు ఓ స్వీట్ సర్​ప్రైజ్ ఇచ్చారు. అజిత్​కు బైక్స్​ అంటే ఇష్టమని తెలిసి ఆయనకు ఓ స్పెషల్ స్పోర్ట్స్ బైక్​ను గిఫ్ట్​గా ఇచ్చారు.

ప్రస్తుతం దీనికి సంబంధించిన ఫోటో నెట్టింట తెగ ట్రెండ్ అవుతోంది. ఇది చూసి ఫ్యాన్స్ 'ఈ సర్​ప్రైజ్ ఎంతో స్వీట్​గా ఉంది. కచ్చితంగా అజిత్​కు కూడా నచ్చుంటుంది' అని కామెంట్లు పెడుతున్నారు. మరికొందరేమో కపుల్ గోల్స్​ అంటూ షాలినినీ కొనియాడుతున్నారు.

• Shalini Mam Gifted Ducati Bike to birthday boy #Ak 😎#HBDAjithKumar #AjithKumarpic.twitter.com/SJP393pMns

  — THALA AJITH (@ThalaAjith_Page) May 1, 2024

ఇక అజిత్‌ ఇటీవలె 'తునివు' అనే సినిమాతో ప్రేక్షకులను పలకరించారు. తెలుగులో ఈ సినిమాను 'తెగింపు' అనే పేరుతో విడుదల చేశారు. భారీ అంచనాల నడుమ వచ్చిన ఈ సినిమా మంచి టాక్ అందుకుని కలెక్షన్స్​లోనూ దూసుకెళ్లింది. ప్రస్తుతం ఆయన రెండు సినిమాల షూటింగుల్లో బిజీగా ఉన్నారు. మగిల్ తిరుమనేని డైరెక్షన్‌లో 'విడా ముయార్చి' అనే మూవీలో అజిత్ కీలక పాత్ర పోషిస్తున్నారు.

ప్రస్తుతం ఫారిన్​లో ఈ సినిమా షూటింగ్ శరవేగంగా జరగుతోంది. తాజాగా ఈ సినిమాకు సంబంధించిన ఓ వీడియోను షేర్ చేశారు. " ధైర్యానికి హద్దులు ఉండవని నిరూపించిన హీరో" అంటూ క్యాప్షన్ రాసుకొచ్చారు. అందులో అజిత్​ కుమార్​ డూప్​ లేకుండా ఓ డేంజరస్​ స్టంట్ చేశారు.

ఓ ఏడారిలో షూట్ చేసిన ఆ సీన్​లో అజిత్​ ఎంతో సాహసోపేతంగా కారు నడిపారు. ఆ కారు కాస్త రోడ్డు పక్కునున్న ఎడారిలోకి దూసుకెళ్లి బోల్తా పడింది. దీనికి సంబంధించిన వీడియో ప్రస్తుతం నెట్టింట ట్రెండ్ అవుతోంది. ఇందులో అజిత్​తో పాటు ఆరవ్ అనే మరో నటుడు ఉన్నారు. ఈ ప్రమాదం నుంచి ఆయన చిన్నపాటి గాయాలతో బయటపడ్డారని సమాచారం.

దీంతో పాటు గుడ్ బ్యాడ్ అగ్లీ అనే సినిమాలోనూ ఆయన నటిస్తున్నారు. ప్రముఖ నిర్మాణ సంస్థ మైత్రీ మూవీ మేకర్స్ ఈ చిత్రాన్ని నిర్మిస్తున్నారు. ఇటీవలె విడుదల చేసిన టైటిల్ గ్లింప్స్​ అభిమానుల్లో ఈ సినిమాపై మరింత ఆసక్తి పెంచింది. మార్క్ ఆంటోనీ ఫేమ్ కోలీవుడ్ డైరెక్టర్ అధిక్ రవిచంద్రన్ ఈ సినిమాను రూపొందిస్తున్నారు. ఇక తెలుగుతో పాటు తమిళంలోనూ ఈ సినిమాను తెరకెక్కించేందుకు ప్లాన్ చేస్తున్నారు మేకర్స్​.