రూ.10తో కెరీర్​ స్టార్ట్​ - అనతికాలంలోనే స్టార్ హీరోయిన్​గా - ఎవరంటే?

10 రూపాయల పారితోషకంతో కెరీర్​ను మొదలుపెట్టిన ఓ హీరోయిన్​, ఇప్పుడు రూ.కోట్లు తీసుకునే స్థాయికి ఎదిగారు. తన సుదీర్ఘ కెరీర్​లో ఎన్నో బ్లాక్​ బస్టర్స్​ను ఖాతాలో వేసుకుని అనతికాలంలోనే టాప్​ హీరోయిన్​గా రాణించారు. అయితే త‌న కెరీర్ పీక్స్​లో ఉన్న సమయంలో ఆమె తీసుకున్న ఓ నిర్ణయం తన జీవితాన్నే మార్చేసింది. ఇంతకీ ఏం జరిగిందంటే ?

త‌న తొలి సినిమాకు ప‌ది రూపాయ‌ల రెమ్యూనరేషన్​ అందుకున్న ఓ స్టార్ హీరోయిన్​, తన నటనతో అనతికాలంలోనే ఇండస్ట్రీలో టాప్ స్టార్​గా ఎదిగారు. వరస ఆఫర్లు అందుకుని సౌత్​ ఇండస్ట్రీలో దూసుకెళ్లారు. ఆ త‌ర్వాత బీటౌన్​లోనూ తానేంటో నిరూపించుకున్నారు. అమితాబ్ బ‌చ్చ‌న్, ధర్మేంద్ర, జితేంద్ర వంటి టాప్ హీరోల‌తో న‌టించి అత్యథిక రెమ్యూనరేషన్​ అందుకునే రేంజ్​కు వెళ్లిపోయారు. అయితే కెరీర్ పీక్​ స్టేజ్​లో ఉన్న సమయంలో ఆమె తీసుకున్న ఓ నిర్ణయం వల్ల తన పర్సనల్​ లైఫ్​లో అనేక ఇబ్బందులు ఎదురయ్యాయి. అయినప్పటికీ ఆమె వాటిని ఎదుర్కొన్నారు. ఇంతకీ ఆమె ఎవరో కాదు తన అందం, అభినయంతో సినీ ఇండస్ట్రీని ఓ ఊపు ఊపిన సీనియర్ నటి జయప్రద(Actress Jayaprada Biography).

1962లో రాజమండ్రిలో జన్మించిన జయప్రద అస‌లు పేరు లలిత రాణి రావు. స్కూల్​లో చదువుతున్న సమయంలో ఆమె చేసిన డ్యాన్స్​ పర్ఫామెన్స్​ను చూసిన ఓ డైరెక్టర్​ ఆమెకు ఓ సినిమాలో నటించేందుకు ఆఫర్​ ఇచ్చారు. అలా తన 13వ ఏట సినీతెరంగేట్రం చేశారు. 'భూమి కోసం' అనే సినిమాలో ఆమె అతిథిగా కనిపించారు. ఇందుకుగానూ ఆమె రూ. 10 పారితోషకంగా అందుకున్నారు. స్క్రీన్​పై కనిపించింది తక్కువ నిడివికే అయినప్పటికీ తన డ్యాన్స్​తో జయప్రద అందరినీ ఆకట్టుకున్నారు. దీంతో ఆమెను వరుస ఆఫర్లు వరించాయి. అలా తమిళ డైరెక్టర్​ బాలచందర్ తెరకెక్కించిన 'అంతులేని కథ' సినిమాతో అఫీషియల్ ఎంట్రీ ఇచ్చారు. ఆ తర్వాత పలు తెలుగు, తమిళ, కన్నడ సినిమాల్లో నటించి ప్రేక్షకులను అలరించారు. అయితే నెమ్మదిగా తన అడుగులు బాలీవుడ్​ వైపుకు పడ్డాయి. అక్కడ అమితాబ్​, జితేంద్ర లాంటి అగ్ర తారల సరసన మెరిశారు. బాలీవుడ్​లోనూ తన నటనకు ప్రశంసలు అందుకున్నారు.

• " class="align-text-top noRightClick twitterSection" data="">

అలా తన కెరీర్​ సాఫీగా సాగుతున్న సమయంలో ఆమె శ్రీకాంత్ నహాతా అనే నిర్మాతను వివాహం చేసుకున్నారు. అయితే అప్పటికే శ్రీకాంత్​కు చంద్ర అనే మ‌హిళ‌తో వివాహం జరిగి ఇద్దరు పిల్లలు కూడా ఉన్నారు. అంతే కాకుండా ఆయన జ‌య‌ప్ర‌ద‌ను వివాహం చేసుకునే స‌మ‌యానికి త‌న మొద‌టి భార్య‌కు విడాకులు కూడా ఇవ్వ‌లేదు. దీంతో జయప్రద- శ్రీకాంత్​ వివాహం కాస్త వివాదాస్ప‌దంగా మారింది.

మరోవైపు శ్రీకాంత్ తన మొదటి భార్యకు విడాకులు ఇవ్వడానికి అంగీక‌రించలేదు. దీంతో ఆఖరికి జ‌య‌ప్ర‌ద‌కు నిరాశే మిగిలింది. అయితే కొంత కాలం తర్వాత ఆమె శ్రీకాంత్​కు విడాకులు ఇచ్చారు. ఆ తర్వాత సినిమాలకు నెమ్మదిగా దూరమయ్యారు. రాజకీయాల్లోకి అడుగుపెట్టారు. ప్రస్తుతం భారతీయ జనతా పార్టీలో కీలక బాధ్యతలు చేపడుతున్నారు.

• " class="align-text-top noRightClick twitterSection" data="">