90s Middle Class Biopic Director Movie Offers: 90's ఏ మిడిల్క్లాస్ బయోపిక్ వెబ్సిరీస్తో లైమ్లైట్లోకి వచ్చారు డైరెక్టర్ ఆదిత్య హాసన్. మధ్య తరగతి కుటుంబ నేపథ్యంలో రూపొందిన ఈ వెబ్సిరీస్ అన్ని వర్గాల ప్రేక్షకుల్ని ఆకట్టుకొని సూపర్హిట్గా నిలిచింది. దీంతో డైరెక్టర్ ఆదిత్యకు సినిమా ఛాన్స్లు క్యూ కడుతున్నాయి. తాజాగా రెండు సినిమా అవకాశాలు దక్కించుకున్నట్లు తెలుస్తోంది.
ఆదిత్య హాసన్ హీరో నితిన్ లీడ్ రోల్లో ఓ సినిమా తెరకెక్కించనున్నారి టాక్. ఈ సినిమా ఫుల్ లెంగ్త్ కామెడీ ఎంటర్టైనర్గా ఉండనుందట. ఈ ప్రాజెక్ట్ కోసం కథ రెడీ చేసుకోమని నితిన్, డైరెక్టర్ ఆదిత్యను సూచించినట్లు తెలిసింది. ఇక ఈ సినిమా నితిన్ సొంత బ్యానర్ శ్రేష్ఠ్ మూవీస్ పతాకంపై రూపొందనుంది. అయితే డైరెక్టర్ ఆదిత్య కూడా ఇదే పనిలో బిజీగా ఉన్నారట. స్ట్ర్కిప్ట్ వర్స్డ్ పూర్తి చేసుకొని ప్రాజెక్ట్ను త్వరలోనే పట్టాలెక్కించే పనిలోని ఉన్నట్లు సమాచారం.
ఇక ప్రముఖ నిర్మాత నాగ వంశీ కూడా ఆదిత్యతో సినిమాకు సై అన్నట్లు తెలిసింది. ఈ ప్రాజెక్ట్ సితారా ఎంటర్టైన్మెంట్స్ బ్యానర్పై రూపొందనుంది. అయితే ఈ సినిమా నటీనటుల వివరాలు ఇంకా తెలియాల్సి ఉంది. కానీ, ఆదిత్య ముందుగా నితిన్ సినిమా కంప్లీట్ చేశాక నాగవంశీ ప్రాజెక్ట్ స్టార్ట్ కానుందట. మరోవైపు 90's ఏ మిడిల్క్లాస్ బయోపిక్కు కూడా సీక్వెల్ ఉంటుందని ప్రమోషన్స్ సమయంలో మేకర్స్ తెలిపారు. మరి ఈ సీక్వెల్కు ఆదిత్య దర్శకత్వం వహిస్తారా? లేదా అన్న దానిపై క్లారిటీ రావాల్సి ఉంది.
90's A Middle Class Web Series ETV WIN: ఈ వెబ్సిరీస్ ప్రముఖ ఓటీటీ ప్లాట్ఫామ్ ఈటీవీ విన్లో స్ట్రీమింగ్ అవుతోంది. అద్భుతమై రెస్పాన్స్ అందుకున్న ఈ సిరీస్ ఇప్పటికే 120+ మిలియన్ మిలిట్స్ వ్యూస్తో దూసుకుపోతోంది. ఇందులో టాలీవుడ్ సీనియర్ నటుడు శివాజి లీడ్ రోల్లో నటించగా వాసుకీ ఆనంద్ సాయి, మౌళి, వాసంతిక, రోహన్ రాయ్, స్నేహల్ తదితరులు ఆయా పాత్రలు పోషించారు.
- " class="align-text-top noRightClick twitterSection" data="">
'90s ఏ మిడిల్ క్లాస్ బయోపిక్'కు విశేష స్పందన- 'ETV WIN'లో రికార్డ్స్ బ్రేక్!
ETV WIN బంపర్ ఆఫర్- బ్లాక్ బస్టర్ హిట్ '90s మిడిల్ క్లాస్' ఫ్రీగా చూడండిలా
