UPSC భారీ నోటిఫికేషన్​ - 1930 పోస్టుల భర్తీ - అప్లై చేసుకోండిలా!

UPSC Recruitment 2024 : ప్రభుత్వ ఉద్యోగాల కోసం ప్రిపేర్ అవుతున్న అభ్యర్థులకు గుడ్ న్యూస్​. యూనియన్​ పబ్లిక్​ సర్వీస్ కమిషన్​ (యూపీఎస్​సీ) 1930 నర్సింగ్​ ఆఫీసర్ పోస్టుల భర్తీ కోసం నోటిఫికేషన్ విడుదల చేసింది. విద్యార్హతలు, వయోపరిమితి, ఫీజు, దరఖాస్తు విధానం తదితర పూర్తి వివరాలు మీ కోసం.

UPSC Recruitment 2024 : యూనియన్ పబ్లిక్ సర్వీస్ కమిషన్​ (యూపీఎస్​సీ) 1930 నర్సింగ్ ఆఫీసర్ పోస్టుల భర్తీ కోసం నోటిఫికేషన్ విడుదల చేసింది. ఆసక్తి గల అభ్యర్థులు గడువులోగా ఆన్​లైన్​లో దరఖాస్తు చేసుకోవాల్సి ఉంటుంది.

కేటగిరీ - పోస్టులు
UPSC Nursing Officer Jobs 2024 :

• యూఆర్​​ - 892 పోస్టులు
• ఓబీసీ - 446 పోస్టులు
• ఈడబ్ల్యూఎస్​ - 193 పోస్టులు
• ఎస్టీ - 164 పోస్టులు
• ఎస్సీ - 235 పోస్టులు
• మొత్తం పోస్టులు - 1930

విద్యార్హతలు
UPSC Nursing Officer Job Qualifications : అభ్యర్థులు బీఎస్సీ నర్సింగ్​ చేసి ఉండాలి. లేదా జీఎన్​ఎం కోర్సుతోపాటు కనీసం ఒక ఏడాది పని అనుభవం కలిగి ఉండాలి.

వయోపరిమితి
UPSC Nursing Officer Job Age Limit : అభ్యర్థుల వయస్సు 18 ఏళ్లు - 30 ఏళ్ల మధ్య ఉండాలి. అయితే ఆయా కేటగిరీల వారికి ప్రభుత్వ నిబంధనల ప్రకారం, వయోపరిమితి సడలింపులు వర్తిస్తాయి.

దరఖాస్తు రుసుము
UPSC Nursing Officer Job Application Fee : జనరల్​, ఓబీసీ, ఈడబ్ల్యూఎస్​ కేటగిరీలకు చెందిన అభ్యర్థులు అప్లికేషన్ ఫీజుగా రూ.100 చెల్లించాలి. దివ్యాంగులు, ఎస్సీ, ఎస్టీలు పరీక్ష ఫీజు కట్టాల్సిన పనిలేదు.

ఎంపిక ప్రక్రియ
UPSC Nursing Officer Job Selection Process : అభ్యర్థులకు ముందుగా రాత పరీక్ష నిర్వహిస్తారు. ఇందులో ఉత్తీర్ణులైన వారిని డాక్యుమెంట్ వెరిఫికేషన్​, మెడికల్ ఎగ్జామినేషన్ చేసి, నర్సింగ్ ఆఫీసర్ పోస్టులకు ఎంపిక చేస్తారు. ఇలా సెలక్ట్ అయిన అభ్యర్థులు కార్మిక, ఉపాధి మంత్రిత్వశాఖ ఆధ్వర్యంలోని ఎంప్లాయీస్​ స్టేట్ ఇన్సూరెన్స్ కార్పొరేషన్​లో పనిచేయాల్సి ఉంటుంది.

దరఖాస్తు విధానం
UPSC Nursing Officer Job Apply Process :

• అభ్యర్థులు ముందుగా యూపీఎస్​సీ అధికారిక వెబ్​సైట్​ https://upsc.gov.in/ ఓపెన్ చేయాలి.
• పోర్టల్​లో రిజిస్టర్ చేసుకుని లాగిన్ కావాలి.
• అప్లికేషన్ ఫారమ్​లో మీ వ్యక్తిగత, విద్యార్హత వివరాలు నమోదు చేయాలి.
• అవసరమైన అన్ని పత్రాలు అప్లోడ్ చేయాలి.
• దరఖాస్తు రుసుము కూడా ఆన్​లైన్​లోనే చెల్లించాలి.
• అన్ని వివరాలు మరోసారి చెక్​ చేసుకుని అప్లికేషన్ సబ్మిట్ చేయాలి.
• భవిష్యత్ రిఫరెన్స్ కోసం అప్లికేషన్​ ప్రింట్​అవుట్​ను భద్రపరుచుకోవాలి.

ముఖ్యమైన తేదీలు
UPSC Nursing Officer Job Apply Last Date :

• దరఖాస్తుల స్వీకరణ ప్రారంభం తేదీ : 2024 మార్చి 7
• దరఖాస్తుకు చివరి తేదీ : 2024 మార్చి 27
• కరెక్షన్​కు ఛాన్స్​ : 2024 మార్చి 28 నుంచి ఏప్రిల్​ 3