Hyderabad Institute Of Excellence Scholarship 2025 : ప్రతి విద్యార్థి జీవితంలో ఇంటర్మీడియట్ (Intermediate) ఎడ్యుకేషన్ ముఖ్య పాత్ర పోషిస్తుంది. విద్యార్థి భవిష్యత్తును నిర్ణయించే చదువు ఇదేనని నిపుణులు చెబుతుంటారు. అందుకే తల్లిదండ్రులు మంచి కళాశాలల్లో తమ బిడ్డ చదవాలని ఆశపడుతుంటారు. కానీ ఆ కల అందరికీ నెరవేరదు.
ముఖ్యంగా గ్రామీణ, పట్టణ ప్రాంతాల్లో ఉండే పేద, మధ్యతరగతి తల్లిదండ్రులకు ఆ స్థోమత ఉండదు. ఇలాంటి వారికి హైదరాబాద్ ఇనిస్టిట్యూట్ ఆఫ్ ఎక్సలెన్స్ (HYDERABAD INSTITUTE OF EXCELLENCE) సువర్ణ అవకాశం కల్పిస్తోంది. వచ్చే ఏడాది 2025-26లో ఇంటర్మీడియట్(Intermediate) విద్య కోసం దరఖాస్తులను ఆహ్వానిస్తోంది. ఇప్పటికే దరఖాస్తుల ప్రక్రియ ప్రారంభమైంది. ఈ నోటిఫికేషన్కు సంబంధించిన పూర్తి వివరాలను ఈ స్టోరీలో చూద్దాం.
బాలురకు మాత్రమే :
హైదరాబాద్ ఇనిస్టిట్యూట్ ఆఫ్ ఎక్సలెన్స్లో ప్రవేశం పొందడానికి ముందుగా ఎంట్రెన్స్ ఎగ్జామ్ రాయాల్సి ఉంటుంది. ఈ అవకాశం కేవలం బాలురకు మాత్రమే. ఎంట్రెన్స్ ఎగ్జామ్కు దరఖాస్తు చేసుకున్న విద్యార్థులు వెంటనే ఆన్లైన్లో కంప్యూటర్, ల్యాప్టాప్ లేదా మొబైల్ ద్వారా ఎగ్జామ్ రాయవచ్చు. లేదంటే అప్లై చేసుకున్న కొన్ని రోజుల తర్వాత కూడా పరీక్ష రాయొచ్చు. కానీ, జనవరి 31లోపు అప్లికేషన్, పరీక్ష రాయడం పూర్తికావాలి.
అర్హతలు :
- విద్యార్థి తల్లిదండ్రుల వార్షిక ఆదాయం రూ.2 లక్షల కంటే తక్కువ ఉండాలి.
- విద్యార్థికి తొమ్మిదవ తరగతిలో కనీసం 60 శాతం మార్కులు రావాలి.
- రాబోయే పదో తరగతి బోర్డు పరీక్షల్లో కనీసం 9.3 GPA సాధించాలి.
- ఈ అర్హతలతోపాటు ఎంట్రెన్స్ పరీక్షలో వచ్చిన మార్కుల ఆధారంగా ఎంపిక చేసి, ఇంటర్వ్యూకు పిలుస్తారు.
- ఆ దశను విజయవంతంగా పూర్తి చేసుకున్న విద్యార్థులకు అడ్మిషన్ ఇస్తారు.
ఎగ్జామ్లో ప్రశ్నలు ఇలా :
- ఎగ్జామ్ టైమ్ 80 నిమిషాలు ఉంటుంది.
- గణితం, ఫిజిక్స్, కెమిస్ట్రీ, బయాలజీ నుంచి 15 ప్రశ్నల చొప్పున ఇస్తారు.
- ఇంగ్లీష్, జనరల్ నాలెడ్జ్ నుంచి మరో 10 ప్రశ్నలు ఇస్తారు.
- నెగెటివ్ మార్కులు లేవు.
ఆన్లైన్ విధానంలో :
- అప్లై చేసుకున్న విద్యార్థులు రిజిస్ట్రేషన్ సమయంలో ఇచ్చిన మొబైల్ నెంబర్, పాస్వర్డ్తో లాగిన్ అవ్వాలి.
- పరీక్ష రాసే విద్యార్థి తప్పనిసరిగా కెమెరాకు కనిపించాలి.
- ఎగ్జామ్ ప్రారంభించడానికి స్టార్ట్ బటన్ క్లిక్ చేయాలి.
- దీంతో ఎగ్జామ్ ప్రారంభమవుతుంది.
- మల్టీపుల్ ఛాయిస్ పద్ధతిలో ప్రశ్నలు ఉంటాయి.
అప్లై చేయండిలా :
- ముందుగా విద్యార్థులు https://hieset.in సైట్లోకి లాగిన్ అవ్వాలి.
- ఆపై మొబైల్ నెంబర్, ఒక పాస్వర్డ్, మిగతా విద్యార్థి వ్యక్తిగత వివరాలు, కుటుంబ వివరాలను ఎంటర్ చేయాలి.
- ఇక్కడ పాస్వర్డ్ జాగ్రత్తగా ఎంటర్ చేయాలి. ఎందుకంటే మీరు ఆన్లైన్లో ఎగ్జామ్ రాయడానికి లాగిన్ అవ్వాలంటే సరైన మొబైల్ నెంబర్, పాస్వర్డ్ ఎంటర్ చేయాల్సి ఉంటుందని గుర్తుంచుకోండి.
- విద్యార్థులు 9వ తరగతిలో వచ్చిన మార్కులతో పాటు, 10వ తరగతిలో ఎంత GPA వస్తుందని అంచనా వేస్తున్నారో ఆ మార్కులు ఎంటర్ చేయాలి.
- అలాగే పాస్పోర్ట్ సైజ్ ఫొటో, ఇతర డాక్యుమెంట్స్ అప్లోడ్ చేయాల్సి ఉంటుంది.
- MPC, BIPC, MEC గ్రూప్స్లో బోధన ఉంటుంది. మీకు నచ్చినది సెలెక్ట్ చేసుకోవాలి.
ఇవి కూడా చదవండి :
గుడ్న్యూస్ : బీసీ స్టడీ సర్కిళ్లలో ఆర్‌ఆర్‌బీ, ఎస్ఎస్‌సీ, బ్యాంకింగ్ ఎగ్జామ్స్కు ఫ్రీ కోచింగ్!
నిరుద్యోగులకు అల్టర్- IBPS ఎగ్జామ్ క్యాలెండర్ రిలీజ్- కచ్చితంగా తెలుసుకోవాల్సిన డేట్స్ ఇవే!
