Rules Changing From June 1, 2024 : జూన్ 1 నుంచి అనేక ఫైనాల్సియల్ మార్పులు రానున్నాయి. ఇవి మన రోజువారీ జీవితాన్ని ప్రభావితం చేస్తాయి. అందుకే జూన్ నెలలో వచ్చే డ్రైవింగ్ లైసెన్స్, ఆధార్ అప్డేట్, బ్యాంక్ సెలవులు, ఎల్పీజీ గ్యాస్ సిలిండర్ వినియోగానికి సంబంధించిన పలు మార్పులు గురించి ఇప్పుడు తెలుసుకుందాం.
New Driving Licence Rules
కొత్త డ్రైవింగ్ లైసెన్స్ నిబంధనలు : రోడ్డు రవాణా, రహదారుల మంత్రిత్వశాఖ ట్రైవింగ్ లైసెన్స్ రూల్స్లో జూన్ 1 నుంచి కీలక మార్పులు చేస్తున్నట్లు ప్రకటించింది. దీని ప్రకారం, జూన్ 1 నుంచి కొత్త డ్రైవింగ్ లైసెన్స్ పొందేందుకు ఆర్టీఓ ఆఫీసుకు వెళ్లాల్సిన అవసరం ఉండదు. ప్రైవేట్ డ్రైవింగ్ శిక్షణా కేంద్రాల్లో నిర్వహించే డ్రైవింగ్ పరీక్షలకు హాజరై, వారు ఇచ్చిన ధ్రువీకరణ పత్రాలతో లైసెన్స్ పొందవచ్చు.
భారీ జరిమానాలు
వాహనాలు నడిపేవాళ్లు ఓవర్ స్పీడ్తో డ్రైవ్ చేస్తే రూ.1000 నుంచి రూ.2000 వరకు ఫైన్ విధిస్తారు. ఒకవేళ ఎవరైనా మైనర్ వాహనాన్ని నడిపితే రూ.25,000 వరకు జరిమానా విధిస్తారు. అంతేకాదు ఆ వాహన యజమాని రిజిస్ట్రేషన్ కార్డును కూడా క్యాన్సిల్ చేస్తారు. సదరు మైనర్కు 25 ఏళ్లు నిండే వరకు డ్రైవింగ్ లైసెన్స్ మంజూరు చేయరు. పూర్తి వివరాల కోసం ఈ లింక్ను క్లిక్ చేయండి.
ఆధార్ కార్డ్ అప్డేట్
Aadhaar Card Update Last Date : చాలా కాలం నుంచి ఆధార్ కార్డ్ అప్డేట్ చేయనివారు జూన్ 14లోపు ఆ పని చేయాలి. మీరు సింపుల్గా ఆన్లైన్లోనే ఆధార్ వివరాలను అప్డేడ్ చేసుకోవచ్చు. ఒకవేళ మీరు ఆఫ్లైన్లో ఆధార్ అప్డేట్ చేయాలంటే, ప్రతి అప్డేట్కు రూ.50 చెల్లించాల్సి ఉంటుంది.
ఎల్పీజీ గ్యాస్ సిలిండర్
LPG Gas Cylinder Prices : చమురు సంస్థలు ప్రతి నెలా మొదటి రోజున ఎల్పీజీ గ్యాస్ సిలిండర్ ధరలను సమీక్షిస్తూ ఉంటాయి. వాస్తవానికి ఇవి మే నెలలో వాణిజ్య సిలిండర్ ధరలను తగ్గించాయి. జూన్ నెలలో కూడా ఎల్పీజీ సిలిండర్ ధరలు తగ్గించే అవకాశం ఉంది. అలాగే జూన్ 1న పెట్రోల్, డీజిల్ ధరల్లోనూ మార్పులు చేయవచ్చని తెలుస్తోంది.
బ్యాంక్ సెలవులు
Bank Holidays In June 2024 : జూన్ నెలలో దాదాపు 10 రోజులపాటు బ్యాంకులకు సెలవులు ఉన్నాయి. వీటిలో శని, ఆదివారాలు, జాతీయ, ప్రాంతీయ, పండగల సెలవులు కూడా ఉన్నాయి. కనుక మీ బ్యాంకింగ్ అవసరాలకు అనుగుణంగా మీ షెడ్యూల్ను ప్లాన్ చేసుకోవడం మంచిది.
