Revised ICICI Bank Service Charges : ఐసీఐసీఐ బ్యాంక్ ఖాతాదారులకు అలర్ట్. ఈ ప్రైవేట్ రంగ బ్యాంక్ తమ సేవింగ్స్ అకౌంట్ సర్వీసులపై వసూలు చేస్తున్న ఛార్జీలను తాజాగా రివైజ్ చేసింది. చెక్బుక్, ఐఎమ్పీఎస్, ఈసీఎస్/ ఎన్ఏసీహెచ్ డెబిట్ రిటర్న్స్, స్టార్ పేమెంట్ ఛార్జీలు వంటి వివిధ సేవల రుసుములను సవరించింది. మారిన ఛార్జీలు మే 1 నుంచి అమలుకానున్నాయని స్పష్టం చేసింది.
సవరించిన సేవింగ్స్ అకౌంట్ సేవల ఛార్జీలు ఇవే
1. డెబిట్ కార్డుపై వార్షిక రుసుము : పట్టణ ప్రాంతాల్లో రూ.200, గ్రామీణ ప్రాంతాల్లో రూ.99
2. చెక్బుక్స్ : ఏడాదిలో 25 చెక్ లీవ్స్కు ఛార్జీలు లేవు. ఆపై తీసుకున్న ఎక్స్ట్రా చెక్ లీవ్స్కు ఒక్కోదానికి రూ.4 చొప్పున వసూలు చేస్తారు.
3. డీడీ/ పీఓ - క్యాన్సిలేషన్ / డుప్లికేట్/ రీవ్యాలిడేషన్ : రూ.100
4. IMPS ఔట్వార్డ్ : రూ.1000 లోపు లావాదేవీలపై రూ.2.50 వసూలు చేస్తారు. రూ.1000-రూ.25000 వరకు చేసే లావాదేవీలపై రూ.5; రూ.25000 నుంచి రూ.5లక్షల లోపు ట్రాన్సాక్షన్లపై రూ.15 చొప్పున ఛార్జీలు వసూలు చేస్తారు.
5. అకౌంట్ క్లోజ్ చేస్తే : ఛార్జీలు వర్తించవు
6. డెబిట్ కార్డు పిన్ రీజెనరేషన్ ఛార్జీలు : ఛార్జీలు వర్తించవు
7. డెబిట్ కార్డు డీ- హాట్లిస్టింగ్ : ఛార్జీలు వర్తించవు
8. బ్యాలెన్స్ సర్టిఫికెట్, ఇంట్రెస్ట్ సర్టిఫికెట్ : ఛార్జీలు వర్తించవు
9. పాత లావాదేవీల పత్రాల పునరుద్ధరణ / పాత రికార్డులకు సంబంధించిన ఎంక్వైరీస్ : ఛార్జీలు వర్తించవు
10. సంతకం ధ్రువీకరణ : ఒక దరఖాస్తు/ లేఖకు రూ.100 చొప్పున వసూలు చేస్తారు.
11. చిరునామా నిర్ధరణ : ఛార్జీలు వర్తించవు
12. ECS / NACH డెబిట్ రిటర్న్స్ : ఈసీఎస్ / ఎన్ఏసీహెచ్ డెబిట్ రిటర్న్స్ అనేది బ్యాంక్ లేదా ఆర్థిక సంస్థలు విధించే ఒక రకమైన రుసుము. ఇది రూ.500 ఉంటుంది.
13. NACH మాండేట్ - వన్ టైమ్ మాండేట్ ఆథరైజేషన్ ఛార్జీలు : ఛార్జీలు వర్తించవు
14. పొదుపు ఖాతా లయెన్ (తాత్కాలిక హక్కు) మార్కింగ్, అన్మార్కింగ్ : ఛార్జీలు వర్తించవు
15. ఇంటర్నెట్ యూజర్ ఐడీ లేదా పాస్‌వర్డ్ రీఇష్యూ (బ్రాంచ్ లేదా నాన్ IVR కస్టమర్ కేర్): ఛార్జీలు వర్తించవు
16. బ్యాంకు బ్రాంచ్ల వద్ద అడ్రస్ ఛేంజ్ : ఛార్జీలు వర్తించవు
17. స్టాప్ పేమెంట్ ఛార్జీలు : పర్టికులర్ చెక్ రూ.100 (కస్టమర్ కేర్ IVR & నెట్ బ్యాంకింగ్ ద్వారా ఉచితం)
క్యాష్ డిపాజిట్ ఛార్జీలు
బ్యాంకు హాలీడే సమయంలో, బ్యాంకు పని రోజుల్లో ఉదయం 8గంటల నుంచి సాయంత్రం 6 గంటల వరకు రూ.10 వేల కంటే ఎక్కువ క్యాష్ డిపాజిట్ చేస్తే, ప్రతి లావాదేవీపై రూ.50 రుసుము విధిస్తారు. అయితే ఈ ఛార్జీలు సీనియర్ సిటిజన్లకు, బేసిక్ సేవింగ్స్ అకౌంట్స్, జన్ ధన్ అకౌంట్లకు వర్తించవు. అలాగే దివ్యాంగులు, దృష్టి లోపం ఉన్నవారు, స్టూడెంట్ అకౌంట్లకు కూడా ఈ ఛార్జీలు వర్తించవు.
- చెక్ రిటర్న్ ఔట్వార్డ్ : రూ.200
- చెక్ రిటర్న్ ఇన్వార్డ్ : రూ.500 (ఆర్థిక లావాలదేవీలకు), రూ.50 (నాన్-ఫైనాన్సియల్ లావాలదేవీలకు)
- మీ ఖాతాలో డబ్బులు లేకుండా నాన్ ఐసీఐసీఐ బ్యాంక్ ఏటీఎంలో లావాదేవీలు చేసినప్పుడు, ప్రతి డిక్లైన్డ్ ట్రాన్స్క్షన్కు రూ.25 చొప్పున ఛార్జీలు వసూలు.
- కార్డు రిప్లేస్మెంట్ (పోయినా / డేమేజ్ అయినా) : రూ.200
- వీటితో పాటు NEFT, RTGS లావాదేవీలకు విధించే ఛార్జీల్లోనూ ఐసీఐసీఐ బ్యాంకు మార్పులు చేయలేదు.
