Most Affordable Electric Cars : పెట్రోల్, డీజిల్ ధరలు భారీగా పెరిగిపోతున్న నేటి కాలంలో సాధారణ ప్రజలు కారును మెయింటైన్ చేయడం చాలా కష్టమైపోతోంది. అందుకే వీటికి ప్రత్యామ్నాయంగా ఎలక్ట్రిక్ వెహికల్స్పై చాలా మంది మొగ్గు చూపుతున్నారు. దీని వల్ల కార్ రన్నింగ్ కాస్ట్లు బాగా తగ్గుతాయి. ప్రస్తుతానికి అయితే మన దేశంలో కార్ ఛార్జింగ్ పాయింట్లు చాలా తక్కువగా ఉన్నాయి. కానీ భవిష్యత్లో ఈ పరిస్థితి కచ్చితంగా మారుతుంది. అప్పుడు ఎలక్ట్రిక్ కార్లు కచ్చితంగా ఫస్ట్ ఛాయిస్ అవుతాయి. మరి మీరు కూడా మంచి ఎలక్ట్రిక్ కారు కొనాలని అనుకుంటున్నారా? మరెందుకు ఆలస్యం టాప్-5 మోస్ట్ ఆఫర్డబుల్ ఎలక్ట్రిక్ కార్ల గురించి తెలుసుకుందాం రండి.
5. MG Comet EV : సిటీల్లో ప్రయాణించడానికి ఎంజీ కామెట్ ఈవీ చాలా అనువుగా ఉంటుంది. ఇది చూడడానికి చాలా చిన్నగా, ఆకర్షణీయంగా ఉంటుంది. క్యాబిన్ చాలా బాగుంటుంది. స్టోరేజ్ (బూట్) స్పేస్ మాత్రం కొంచెం ఇరుకుగా ఉంటుంది. దీనిలో స్మాల్ బ్యాటరీలు ఉంటాయి. కనుక డ్రైవింగ్ రేంజ్ కాస్త తక్కువగానే ఉంటుంది. కానీ సిటీ రోడ్లపై ప్రయాణించడానికి ఈ ఎలక్ట్రిక్ కార్ చాలా అనువుగా ఉంటుంది. మార్కెట్లో ఈ ఎంజీ కామెట్ ఈవీ ధర సుమారుగా రూ.6.99 లక్షలు నుంచి రూ.9.14 లక్షల వరకు ఉంటుంది.
4. Tata Tiago EV : టాటా టియాగో కారులో మంచి పవర్ట్రైన్ ఉంది. కనుక దీనిపై పట్టణాల్లో చాలా హాయిగా ప్రయాణించవచ్చు. ఇది వాల్యూ ఫర్ మనీ వెహికల్ అని చెప్పవచ్చు. అంటే తక్కువ ధరలో లభిస్తున్న మంచి ఎంట్రీ లెవెల్ ఎలక్ట్రిక్ కారు ఇదని చెప్పుకోవచ్చు. ఈ వెహికల్ ఇంటీరియర్ చాలా బాగుంటుంది. మార్కెట్లో ఈ టాటా ఈవీ కారు ధర సుమారుగా రూ.7.99 లక్షల నుంచి రూ.11.89 లక్షలు ఉంటుంది.
3. Citroen eC3 : ఈ సిట్రోయెన్ ఈసీ3 కారు కొంచెం బాక్సీగా, నిటారుగా ఉంటుంది. కనుక కారు లోపల నలుగురు కూర్చోవడానికి చాలా కంఫర్ట్గా ఉంటుంది. ఈ ఎలక్ట్రిక్ కారుతో సౌకర్యవంతంగా రైడ్ చేయవచ్చు. దీని ధర కాస్త ఎక్కువనే చెప్పవచ్చు. మార్కెట్లో ఈ సిట్రోయెన్ ఈసీ3 కారు ధర సుమారుగా రూ.11.61 లక్షల నుంచి రూ.13.35 లక్షలు ఉంటుంది.
2. Tata Tigor EV : టాటా టియాగో ఈవీతో పోల్చితే, ఈ టిగోర్ కార్లో విశాలమైన బూట్ స్పేస్ ఉంటుంది. పైగా దీనిలో పెద్ద బ్యాటరీ కూడా ఉంది. పవర్ట్రైన్ కెపాసిటీ కూడా సూపర్గా ఉంటుంది. కనుక డ్రైవింగ్ రేంజ్, పెర్ఫార్మెన్స్ చాలా బాగుంటాయి. దీని క్యాబిన్ కూడా విశాలంగా, సౌకర్యవంతంగా ఉంటుంది. మార్కెట్లో ఈ టాటా టిగోర్ ఈవీ ధర సుమారుగా రూ.12.49 లక్షల నుంచి రూ.13.75 లక్షలు ఉంటుంది.
1. Tata Punch EV : ఎలక్ట్రిక్ కార్లలో ది బెస్ట్ ఏదంటే టాటా పంచ్ ఈవీ అని చెప్పుకోవచ్చు. ఇది మంచి పెర్ఫార్మెన్స్, అద్భుతమైన రైడింగ్ ఎక్స్పీరియెన్స్ను ఇస్తుంది. ట్రైవింగ్ రేంజ్ కూడా మిగతా వాటితో పోలిస్తే ఎక్కువగా ఉంటుంది. దీని గ్రౌండ్ క్లియరెన్స్ 190 మి.మీ. కనుక పట్టణాల్లో మాత్రమే కాదు, సాధారణ రోడ్లపై కూడా ప్రయాణించవచ్చు. అయితే దీనిలో వెనుక సీట్లు కాస్త ఇరుకుగా ఉంటాయి. మార్కెట్లో ఈ టాటా పంచ్ ఈవీ కారు ధర సుమారుగా రూ.10.99 లక్షల నుంచి రూ.15.49 లక్షలు ఉంటుంది.
కియా కార్ లీజింగ్ షురూ - హైదరాబాద్ సహా 6 నగరాల్లో సర్వీస్! - Kia Leasing Program
