Kinetic E Luna Price In India : ఒకప్పుడు భారత్‌లో భారీ ఆదరణ పొందిన ద్విచక్ర వాహనం 'లూనా'ను తిరిగి మార్కెట్లోకి విడుదల చేసింది 'కైనెటిక్ గ్రీన్' కంపెనీ. ఈసారి విద్యుత్తు వెర్షన్లో 'ఇ-లూనా'ను సరికొత్తగా తీసుకొచ్చింది. పాత లూనా గుర్తొచ్చేలా ఈ విద్యుత్ వెర్షన్ను రూపొందించారు. ఎవరైనా సులభంగా ఉపయోగించేలా డిజైన్ చేసిన ఇ-లూనా, కేవలం 96 కిలోల బరువు ఉంటుంది. గంటకు 50 కిలోమీటర్ల వేగంతో ప్రయాణించే సామర్థ్యమున్న ఈ ఎలక్ట్రిక్ లూనా ఫీచర్లు, ధర, రేంజ్ గురించి తెలుసుకుందాం.
లోడ్, బ్యాటరీ కెపాసిటీ
వినియోగదారుల అవసరాలకు అనుగుణంగా ఈ కొత్త లూనాను రూపొందించారు. ఇ-లూనా 150 కిలోల లోడ్ను మోసుకెళ్లగలదని కంపెనీ తెలిపింది. ఈ విద్యుత్ లూనాలో 2kWh సామర్థ్యం గల బ్యాటరీని పొందుపరిచారు. ఈ బ్యాటరీ ఫుల్ ఛార్జ్ కావాలంటే 4 గంటల సమయం పడుతుందని, ఒక్కసారి ఛార్జ్ చేస్తే 110 కిలోమీటర్లు ప్రయాణించవచ్చని కంపెనీ వెల్లడించింది.
మూడు వేరియెంట్లలో
సరికొత్త 'ఇ-లూనా' మొత్తం మూడు బ్యాటరీ వేరియంట్లలో (2kWh, 1.7 kWh, 3.0 kWh) అందుబాటులో ఉంది. ఇక టాప్ వేరియంట్ (3.0 kWh) 'ఇ- లూనా', 150 కిలోమీటర్ల రేంజ్ ఇస్తుందని కంపెనీ వెల్లడించింది. రూ.69,999 ( దిల్లీ ఎక్స్ షోరూమ్ ) ప్రారంభ ధరతో లాంఛ్ చేసిన ఇ-లూనాలో 16 అంగుళాల టీవీఎస్ యూరోగ్రిప్ టైర్లను అమర్చారు.
డిజిటల్ హంగులు
'ఇ-లూనా'కు డిజిటల్ హంగులు జోడించింది కంపెనీ. మూడు రైడింగ్ మోడ్స్ ఉన్న ఈ బైక్లో యూఎస్బీ ఛార్జింగ్ పోర్ట్ను కూడా పొందుపరిచారు. ఆరు కలర్ వేరియంట్లలో (ఎరుపు, బ్లూ, పసుపు, ఆకుపచ్చ, బ్లాక్) వస్తున్న ఈ కొత్త లూనా బుకింగ్స్ ఓపెన్ అయ్యాయి. రూ.500 చెల్లించి బైక్ను బుక్ చేసుకోవాల్సి ఉంటుందని, అమెజాన్, ఫ్లిప్కార్ట్ వంటి ఈ కామర్స్ వెబ్సైట్ల నుంచి కూడా బుక్ చేసుకోవచ్చని కంపెనీ తెలిపింది. త్వరలో డెలివరీలు మొదలు పెట్టనున్నట్లు వెల్లడించింది.
'రఫ్ అండ్ టఫ్' యమహా ట్రేసర్ 9జీటీ+
Yamaha Tracer 9 GT : ప్రముఖ ద్విచక్ర వాహన తయారీ సంస్థ యమహా మోటర్ సరికొత్త ఫీచర్లతో అడ్వాన్స్డ్ బైక్ 'ట్రేసర్ 9జీటీ+ (TRACER 9 GT+)ను తీసుకొచ్చింది. ఈ 'సూపర్' బైక్లో మిల్లి రేడియో వేవ్ రాడార్తో పనిచేసే క్రూయిజ్ కంట్రోల్ వ్యవస్థను పొందుపరిచింది. ప్రపంచంలో ఇలాంటి వ్యవస్థ ఉన్న తొలి బైక్ ఇదేనని కంపెనీ ఓ ప్రకటనలో తెలిపింది. వేరే వాహనం అకస్మాత్తుగా బ్రేక్ వేసినా, ఆగినప్పుడు జరిగే ప్రమాదాల నుంచి రైడర్ను ఈ వ్యవస్థ కాపాడుతుందని తెలిపింది. కారులో రైడ్ చేసే అనుభూతి కలుగుతుందని యమహా మోటార్ ప్రతినిధి సతోషి కసై వెల్లడించారు. ఈ వ్యవస్థ వల్ల ఎక్కువ దూరం ప్రయాణించినా రైడర్కు అలసట అనిపించదని చెప్పారు. రైడ్ను మరింత సౌకర్యవంతంగా, ఉత్తేజకరంగా చేయడమే యమహా లక్ష్యమని కంపెనీ పేర్కొంది.
గ్రాండ్ ప్రీ రైడర్ షిన్యా నకానో కూడా ఈ అద్భుతమైన ఫీచర్లు కలిగిన బైక్ను నడిపారు. యమహా అత్యాధునికమైన టెక్నాలజీని కొనియాడారు. "సాధారణంగా, అత్యవసర బ్రేకింగ్ సమయంలో మోటర్‌బైక్ అస్థిరంగా ఉంటుంది. కానీ ఈ బైక్ దానిని గుర్తిస్తుంది, దానికి సస్పెన్షన్ సపోర్ట్ చేస్తుంది. తద్వారా బైక్ వేగం తగ్గుతుంది. ఈ బైక్ గొప్ప పనితీరును కనబర్చింది. యమహాలో నైపుణ్యం ఉందని నేను భావిస్తున్నాను" అని నకనో తెలిపారు.
మంచిగా బైక్ మెయింటెనెన్స్ చేయాలా? ఈ టాప్-10 టిప్స్ మీ కోసమే!
