Jan Dhan Account Benefits : ఒకప్పుడు బ్యాంకులో అకౌంట్ తెరవాలంటే ఎన్నో ఇబ్బందులు ఉండేవి. బ్యాంకు అధికారులు రకరకాల డాక్యుమెంట్లు తీసుకురావాలని, డిపాజిట్ కట్టాలని అడిగేవాళ్లు. దీంతో చాలా మందికి బ్యాంక్ ఖాతాలు ఉండేవి కాదు. ఈ సమస్యను పరిష్కరించడానికే ప్రధానమంత్రి నరేంద్ర మోదీ 'జన్ ధన్ యోజన' పథకాన్ని తీసుకువచ్చారు.
జన్ధన్ యోజన బెనిఫిట్స్
నరేంద్ర మోదీ 2019 ఆగష్టు 28న ప్రధానమంత్రి జన్ ధన్ యోజన పథకాన్ని ప్రారంభించారు. ఈ పథకం కింద పౌరులందరూ ఎలాంటి డిపాజిట్ లేకుండా బ్యాంక్ ఖాతాలు తెరిచే అవకాశం లభించింది. కేవలం దరఖాస్తు ఫారం నింపి, కొన్ని డాక్యుమెంట్లు జతచేసి ఇస్తే, బ్యాంక్లు మీ పేరు మీద ఈ జన్ ధన్ ఖాతాలను తెరుస్తాయి. ప్రభుత్వ గణాంకాల ప్రకారం, దేశవ్యాప్తంగా 51.50 కోట్ల మందికి ప్రధానమంత్రి జన్ ధన్ యోజన కింద లబ్ధి చేకూరుతోంది. అయితే వీటిలో 50 శాతం అకౌంట్లు మహిళలవే కావడం విశేషం. జన్ధన్ యోజన కింద తెరిచిన అకౌంట్లు కేవలం బ్యాంక్ ఖాతాలుగా మాత్రమే కాకుండా, అనేక ప్రయోజనాలను కల్పిస్తున్నాయి. అవేంటో ఇప్పుడు తెలుసుకుందాం.
జన్ధన్ అకౌంట్ వల్ల కలిగే ప్రయోజనాలు :
- అకౌంట్లో మినిమం బ్యాలెన్స్ ఉండాల్సిన అవసరం లేదు.
- అకౌంట్లో పొదుపు చేసిన సొమ్ముపై వడ్డీ వస్తుంది.
- రూ.2 లక్షల వరకు యాక్సిడెంటల్ ఇన్సూరెన్స్ కవర్ లభిస్తుంది
- రూ.30 వేల వరకు జీవిత బీమా లభిస్తుంది.
- ప్రభుత్వ పథకాల లబ్ధిదారులకు వచ్చే సొమ్ము నేరుగా ఈ జన్-ధన్ అకౌంట్లోకి వచ్చి పడుతుంది.
- ఖాతా తెరిచి 6 నెలల తరువాత ఓవర్ డ్రాఫ్ట్ పొందవచ్చు.
- గతంలో రూ.5000ల వరకు ఓవర్ డ్రాఫ్ట్ ఇచ్చేవారు. తరువాత దానిని రూ.10 వేలకు పెంచారు.
- మొబైల్ బ్యాంకింగ్, నెట్ బ్యాంకింగ్ సహా, అన్ని సేవలను ఉచితంగా పొందవచ్చు.
జన్ ధన్ అకౌంట్లు ఎవరు, ఎక్కడ తెరవవచ్చు?
జన్ ధన్ ఖాతాను ఏ బ్యాంకు బ్రాంచులోనైనా తెరవవచ్చు. లేదా బిజినెస్ కరెస్పాడెంట్ అవుట్‌లెట్స్ దగ్గర కూడా ఈ అకౌంట్ ఓపెన్ చేయవచ్చు. వయోజనులతోపాటు, మైనర్లు కూడా ఈ ఖాతాను తెరవచ్చు. అంతేకాదు ప్రధానమంత్రి జన్ ధన్ యోజన కింద జాయింట్ అకౌంట్ను కూడా ఓపెన్ చేయవచ్చు. చెక్ బుక్ కావాలంటే మాత్రం మినిమం బ్యాలెన్స్ను మెయింటైన్ చేయాల్సి ఉంటుంది.
ఫిక్స్డ్ డిపాజిట్లపై లోన్ తీసుకుంటున్నారా? ఈ విషయాలు కచ్చితంగా తెలుసుకోండి!
కొత్త ఇల్లు కొనుగోలు చేశారా?- అయితే మీరు తప్పనిసరిగా చేయాల్సిన పనులివే!
