Upcoming Royal Enfield Bikes: రాయల్ ఎన్ఫీల్డ్ బైక్‌లకు మన దేశంలో ఎంత క్రేజ్ ఉందో ప్రత్యేకంగా చెప్పాల్సిన అవసరం లేదు. ఈ బైక్లు విపరీతమైన డిమాండ్తో మంచి ప్రాచుర్యం పొందాయి. వీటిలో రాయల్ ఎన్ఫీల్డ్ క్లాసిక్ నుంచి బుల్లెట్ వరకు ఎన్నో మోడల్స్ ఉన్నాయి. ఈ బైక్స్కు పెరుగుతున్న ప్రజాదరణ దృష్ట్యా కంపెనీ మరో నాలుగు రాయల్ ఎన్ఫీల్డ్ బైకులు తీసుకొచ్చేందుకు రెడీ అయింది.
చెన్నైకు చెందిన ఈ కంపెనీ ఇప్పటికే 350cc, 450cc మోటార్సైకిల్ సెగ్మెంట్లలో విభిన్నమైన పోర్ట్‌ఫోలియోను కలిగి ఉంది. అయితే కంపెనీ ఇప్పుడు 650cc పై ఫోకస్ చేసింది. ఇప్పటికే ఈ విభాగంలోని 'ఇంటర్సెప్టర్ 650', 'కాంటినెంటల్ GT 650', 'షాట్‌గన్ 650', ఇటీవలే లాంఛ్ అయిన 'బేర్ 650' వంటి బైక్స్ సేల్స్లో టాప్ గేర్లో దూసుకుపోతున్నాయి. దీంతో కంపెనీ ఈ సెగ్మెంట్లో కనీసం మరో నాలుగు మోటార్ సైకిళ్లను అయినా రిలీజ్ చేయాలని భావిస్తోంది.
రాయల్ ఎన్ఫీల్డ్ అప్కమింగ్ బైక్స్ ఇవే!:
- రాయల్ ఎన్ఫీల్డ్ క్లాసిక్ 650
- రాయల్ ఎన్ఫీల్డ్ బుల్లెట్ 650
- రాయల్ ఎన్ఫీల్డ్ హిమాలయన్ 650
- 2025 రాయల్ ఎన్ఫీల్డ్ ఇంటర్సెప్టర్ 650
1. Royal Enfield Classic 650: 'క్లాసిక్ 350'' మోటార్సైకిల్ అత్యధికంగా అమ్ముడవటంతో కంపెనీ ఇప్పుడు క్లాసిక్ 650ని భారత మార్కెట్‌కు పరిచయం చేయాలని యోచిస్తోంది. దీని హార్ట్వేర్లను 'షాట్‌గన్ 650' మోడల్ నుంచి తీసుకున్నారు. కానీ దీని స్టైలింగ్ను మాత్రం 'క్లాసిక్ 350' నుంచి తీసుకున్నారు. రాయల్ ఎన్ఫీల్డ్ 'క్లాసిక్ 350' ఇప్పటి వరకు ఈ బ్రాండ్‌లో అత్యధికంగా అమ్ముడైన మోడల్.
సమాచారం ప్రకారం.. ఈ అప్కమింగ్ 'రాయల్ ఎన్ఫీల్డ్ క్లాసిక్ 650' మోడల్ 648cc ప్యారలల్- ట్విన్ ఇంజిన్ పవర్ట్రెయిన్తో వస్తుంది. ఇది గరిష్టంగా 47.4 bhp పవర్, 52.4Nm గరిష్ట టార్క్‌ను ఉత్పత్తి చేయగలదు. కంపెనీ ఈ బైక్ను 2025 ఫస్ట్ క్వార్టర్లో ప్రారంభిస్తుందని తెలుస్తోంది.
2. Royal Enfield Bullet 650: ఈ 'బుల్లెట్ 650' మోటార్ సైకిల్ను రాయల్ ఎన్ఫీల్డ్ త్వరలో విడుదల చేసే అవకాశం ఉంది. అదిరే ఫీచర్లతో కంపెనీ దీన్ని తీసుకురానుంది. ఇది 'షాట్‌గన్ 650', 'సూపర్ మెటోర్ 650' మాదిరిగానే అదే ఫ్రేమ్‌పై ఆధారపడి ఉంటుంది. ఇది 2025 మధ్యలో మన దేశంలో విడుదల అవుతుంది.
దీని డిజైన్ 'బుల్లెట్ 350', రిలీజ్కు రెడీగా ఉన్న 'క్లాసిక్ 650' ఆధారంగా ఉంటుంది. ఇది వైర్-స్పోక్ వీల్స్‌పై నడుస్తుంది. కానీ దీనికి అల్లాయ్ వీల్స్ లేవు. ఈ 'రాయల్ ఎన్ఫీల్డ్ బుల్లెట్ 650' బైక్లో 6-స్పీడ్ ట్రాన్స్‌మిషన్, పాపులర్ 648cc ట్విన్-సిలిండర్ ఇంజిన్ను అందించే అవకాశం ఉంది.
3. Royal Enfield Himalayan 650: రాయల్ ఎన్ఫీల్డ్ నుంచి ఓ ఖరీదైన కొత్త బైక్ కొనాలి అనుకునేవారికి 'హిమాలయన్ 650' బెస్ట్ ఆప్షన్. వచ్చే ఏడాది దీన్ని లాంఛ్ చేయొచ్చు. ఇనీషియల్గా 'R2G' కోడ్ నేమ్తో ఈ బైక్ కంపెనీ వచ్చే ఏడాది రిలీజ్ చేసే బిగ్గెస్ట్ బ్రాండ్ అవుతుంది. ఇది ఇంటర్సెప్టర్ ట్రేల్లిస్ ఫ్రేమ్‌పై ఆధారపడి ఉంటుంది. ఇది 2025 పండుగ సీజన్‌లో (అక్టోబర్ - నవంబర్) ఇండియన్ మార్కెట్లోకి ఎంట్రీ ఇస్తుందని అంతా భావిస్తున్నారు.
సమాచారం ప్రకారం.. దీనిలో USD ఫ్రంట్ ఫోర్క్స్, స్ప్లిట్-సీట్ సెటప్, స్పోక్-వీల్స్, సైడ్-స్వీప్ట్ ఎగ్జాస్ట్ పైప్ వంటి వివరాలు రిలీల్ అయ్యాయి. దీని స్టైలింగ్ 'హిమాలయన్ 450' నుంచి తీసుకుంటారని తెలుస్తోంది. ఈ బైక్ అదే 648cc ప్యారలల్-ట్విన్ ఇంజిన్ను కలిగి ఉంటుంది. 'హిమాలయన్ 650' దేశంలో విడుదలైన తర్వాత అత్యంత ఖరీదైన రాయల్ ఎన్ఫీల్డ్ బైక్గా నిలవనుందని సమాచారం.
4. 2025 Royal Enfield Interceptor 650: రాయల్ ఎన్ఫీల్డ్.. 'ఇంటర్సెప్టర్ 650' బైక్ అప్డేట్ వెర్షన్ను సిద్ధం చేస్తోంది. ఈ బైక్ చాలా ఏళ్లుగా మార్కెట్లో అందుబాటులో ఉంది. ఈ నేపథ్యంలో దీని స్థానాన్ని అలానే నిలుపుకొనేందుకు దీనికి అప్డేట్ వెర్షన్ తీసుకురావడం అవసరం అని కంపెనీ భావిస్తోంది. '2025 ఇంటర్సెప్టర్' బైక్ను అనేక కాస్మెటిక్ మార్పులతో పాటు సరికొత్త ఫీచర్లను తీసుకురానున్నారు. కంపెనీ దీని కొత్త సస్పెన్షన్ సెటప్, బ్రేక్ యూనిట్లను వెల్లడించింది. అయితే ప్రస్తుతం ఈ మోడల్లో ఉన్న అదే 648cc ఇంజిన్ను ఈ కొత్త బైక్లో కూడా తీసుకురానున్నారు.
ఎటు చూసినా ఏఐ- స్మార్ట్ఫోన్ మార్కెట్లోనూ హవా- ఈ ఏడాది లాంఛ్ అయిన టాప్ మోడల్స్ ఇవే!
6000mAh బ్యాటరీ ప్యాక్తో 5G ఫోన్- నీటిలో పడినా ఏం కాదంట.. ధర కూడా రూ.15వేల లోపే!
మెర్సిడెస్ నుంచి లగ్జరీ 5-సీటర్ బెంజ్ - దేశంలోనే ఏ EVకి లేనంత అతిపెద్ద సెల్ కెపాసిటీతో..!
