Credit Card RBI Guidelines : క్రెడిట్ కార్డులు ఉపయోగిస్తున్నవారికి గుడ్న్యూస్. క్రెడిట్కార్డు బిల్లింగ్ సైకిల్కు సంబంధించి ప్రారంభ లేదా ముగింపు తేదీలు ఒకసారి మార్చుకునే అవకాశాన్ని కస్టమర్కు కల్పించింది ఆర్బీఐ. అదే విధంగా బిల్లింగ్ సైకిల్ను మార్చుకునేందుకు వీలుగా మల్టీపుల్ ఛానెల్స్ ఉపయోగించేందుకు అవకాశం కల్పించింది. ఈ మేరకు క్రెడిట్ కార్డు ఇష్యూయెన్స్ అండ్ కండక్ట్ డైరెక్షన్స్ 2022కు సవరణ చేస్తూ కొత్త మార్గదర్శకాలను తీసుకువచ్చింది. ఈ రూల్స్ 2024 మార్చి నుంచి అందుబాటులోకి రానున్నాయి.
సాధారణంగా క్రెడిట్కార్డు బిల్లింగ్ సైకిల్ను మార్చుకోవడం అంత సులభమేమీ కాదు. క్రెడిట్ కార్డును జారీ చేసేటప్పుడే బిల్లింగ్ సైకిల్ సంబంధిత తేదీలను సంస్థలు ముందే నిర్ణయిస్తాయి. అయితే తాజాగా ఆర్బీఐ జారీ చేసిన కొత్త క్రెడిట్ కార్డుల నియమాల ప్రకారం క్రెడిట్ కార్డు హోల్డర్ బిల్లింగ్ సైకిల్ తేదీలను కనీసం ఒకసారి మార్చుకునే అవకాశం లభించనుంది. బిల్లింగ్ సైకిల్ ప్రారంభ తేదీ నుంచి గడువు తేదీ వరకు వడ్డీ రహిత కాలవ్యవధి ఉంటుంది.
ఈలోపు కార్డు హోల్డర్లు బిల్లు చెల్లించాలి. గడువు తేదీ ముగిసిన తర్వాత చెల్లింపులు చేస్తే అవుట్ స్టాండింగ్ మొత్తంపై వడ్డీ, ఆలస్య రుసుములు చెల్లించాల్సి ఉంటుంది. మల్టీపుల్ ఛానెల్స్ ద్వారా బిల్లింగ్ సైకిల్ను మార్చుకునేందుకు క్రెడిట్కార్డుదారులకు అవకాశం కల్పించింది ఆర్బీఐ. హెల్ప్లైన్, ఈ-మెయిల్ ఐడీ, ఇంటరాక్టివ్ వాయిస్ రెస్పాన్స్, ఇంటర్నెట్ బ్యాంకింగ్, మొబైల్ అప్లికేషన్ ఇలా వివిధ మార్గాల ద్వారా బిల్లింగ్ సైకిల్ను సవరించుకునేందుకు వీలుగా ఆర్బీఐ నిబంధనలను సవరించింది.
కస్టమర్ల అనుమతి లేకుండా క్రెడిట్కార్డు జారీచేస్తే?
ఆర్బీఐ క్రెడిట్ కార్డుల జారీ విషయంలో బ్యాంకులు, నాన్-బ్యాంకింగ్ ఫైనాన్సియల్ సంస్థలకు మరో కీలక సూచన చేసింది. కస్టమర్ల అంగీకారం తీసుకుని మాత్రమే కార్డులను జారీ చేయాలని బ్యాంకులు, నాన్-బ్యాంకింగ్ ఫైనాన్సియల్ కంపెనీలకు సూచించింది. క్రెడిట్కార్డును యాక్టివేట్ చేసే విషయంలో కస్టమర్ నుంచి అంగీకారం రానట్లయితే ఎలాంటి రుసుమూ విధించకుండా ఏడు రోజుల్లోగా క్లోజ్ చేయాలి.
కార్డు జారీ చేసే సంస్థలు పన్ను, ఛార్జీలు, వడ్డీ విధించవచ్చా?
కార్డు జారీ చేసే సంస్థలు క్రెడిట్ కార్డుకు సంబంధించి బకాయి ఉన్న ట్యాక్స్, లెవీ, ఛార్జీల విషయంలో ఎలాంటి వడ్డీ విధించరాదని ఆర్బీఐ స్పష్టం చేసింది. 2022 అక్టోబర్ 1 నుంచే ఈ నిబంధన అమల్లోకి వచ్చినందున, కార్డు జారీ సంస్థలు చెల్లించకుండా ఉన్న బకాయిల విషయంలో ఎలాంటి ఛార్జీలు విధించకూడదని సవరించింది.
పాక్షికంగా క్రెడిట్ బిల్లు చెల్లింపు విషయంలో!
పాక్షికంగా క్రెడిట్ కార్డు బిల్లు చెల్లించే విషయంలో ఆర్బీఐ కీలక నిర్ణయం తీసుకుంది. పాక్షికంగా క్రెడిట్ బిల్లుగా చెల్లించిన మొత్తాన్ని మినహాయించి మిగిలిన సొమ్ముపై మాత్రమే వడ్డీ విధించాలని క్రెడిట్కార్డు జారీ సంస్థలకు సూచించింది. ఉదాహరణకు ఒక క్రెడిట్ కార్డుదారుడు రూ.10వేల బిల్లు చెల్లించాలనుకుంటే, ఏదైనా కారణాల వల్ల అతడు రూ.5వేలు చెల్లించాడు. మరి ఇలాంటి పరిస్థితుల్లో క్రెడిట్ జారీ సంస్థలు అతను చెల్లించిన మొత్తాన్ని మినహాయించి మిగిలిన లోన్కు వడ్డీ విధించేలా ఆర్బీఐ నిబంధనలను సవరించింది.
క్రెడిట్ కార్డుల యాక్టివేషన్ విషయంలో!
క్రెడిట్ కార్డ్ జారీ చేసిన 30 రోజుల్లో యూజర్యాక్టివేట్ చేయనట్లయితే, జారీ చేసిన వారు కస్టమర్ నుంచి ఓటీపీ ఆధారిత సమ్మతిని పొందాల్సి ఉంటుంది.
పేదలకు గుడ్న్యూస్- రూ.100 తగ్గిన వంట గ్యాస్ ధర, మహిళలకు మోదీ ఉమెన్స్ డే గిఫ్ట్
కొత్త ఏడాదిలో క్రెడిట్ కార్డ్ రూల్స్ ఛేంజ్ - ఇకపై లాంజ్ యాక్సెస్ కష్టమే!
