Eggless Red Velvet Cake Making Process: వాలెంటైన్స్ డే వచ్చేసింది. ఈ క్రమంలో ప్రేమికుల చూపులన్నీ చాక్లెట్లు, కేకుల మీదే ఉంటాయి. ప్రేమికుల రోజున తమ ప్రియమైన వారికి చాక్లెట్లను గిఫ్ట్స్గా ఇవ్వడం, తమ ప్రేమను సెలబ్రేట్ చేసుకునేందుకు ఇరువురు కలిసి కేక్ కట్ చేయడం కామన్. ఇక కేక్ కొనాలంటే బేకరీకి వెళ్లాల్సిందే. అయితే ఈ సారి కేక్ బయట కొనకుండా ఇంట్లో మీరే స్వయంగా రెడీ చేయండి. ఈ కేక్ తయారు చేయడం కూడా చాలా సులువు. ఇది మీకు ఈ ఏడాదంతా మరపురాని జ్ఞాపకంగా మిగిలిపోవడం గ్యారంటీ. మరి ఎగ్లెస్ రెడ్ వెల్వెట్ కేక్ ఎలా తయారు చేయాలో ఈ స్టోరీలో చూద్దాం..
ఎగ్లెస్ రెడ్ వెల్వెట్ హార్ట్ కేక్కు కావాల్సిన పదార్థాలు:
- మైదా పిండి - 350 గ్రాములు
- బేకింగ్ పౌడర్ - 15 గ్రాములు
- ఉప్పు - చిటికెడు
- పంచదార పొడి - 250 గ్రాములు
- వెనీలా ఎసెన్స్ - 10ml
- పెరుగు - 360 గ్రాములు
- బేకింగ్ సోడా - 5 గ్రాములు
- కోకో పౌడర్ - 20 గ్రాములు
- అన్సాల్టెడ్ బటర్ - 230 గ్రాములు
- సోర్ క్రీమ్ - 120 ml
- వెనిగర్ - 5ml
- ఫుడ్ కలర్ - చిటికెడు
ఫ్రాస్టింగ్ కోసం
- మాస్కార్పోన్ చీజ్ - 450 గ్రాములు
- ఉప్పు - చిటికెడు
- వెనీలా ఎసెన్స్ - 5 ml
- ఐసింగ్ షుగర్ - 480 గ్రాములు
- అన్సాల్టెడ్ బటర్ - 225 గ్రాములు
- షుగర్ సిరప్ కోసం- ఒకటిన్నర స్పూన్ల పంచదార, పావుకప్పు నీళ్లు, ఒక టీస్పూన్ రోజ్ వాటర్
తయారీ విధానం:
- ముందుగా ఓవెన్ను 180 డిగ్రీల సెల్సియస్ వద్ద 10 నిమిషాల పాటు ప్రీ హీట్ చేసుకోవాలి.
- ఇప్పుడు హార్ట్ షేప్లో ఉన్న కేక్ మౌల్డ్ తీసుకుని గిన్నె మొత్తానికి బటర్ అప్లై చేసి మైదా పిండి చల్లుకోవాలి.
- ఇప్పుడు ఓ బౌల్ తీసుకుని మైదాపిండి, బేకింగ్ పౌడర్, బేకింగ్ సోడా, కోకో పౌడర్, ఉప్పు వేసి జల్లించుకుని కలుపుకోవాలి.
- ఇప్పుడు మరో గిన్నెలో అన్సాల్టెడ్ బటర్, పంచదార పొడి వేసి ఎలక్ట్రిక్ విస్కర్తో స్మూత్గా అయ్యేవరకు కలుపుకోవాలి. ఇది స్మూత్గా కావడానికి సుమారు 4 నిమిషాలు పడుతుంది. తర్వాత అందులో సోర్ క్రీమ్, వెనీలా ఎసెన్స్, వెనిగర్ వేసి కలుపుకోవాలి.
- తర్వాత అందులోకి ముందుగా జల్లించి పెట్టుకున్న మైదాపిండి మిశ్రమాన్ని వేసుకుని ఎలక్ట్రిక్ విస్కర్తో కలుపుకోవాలి. తర్వాత పెరుగు, ఫుడ్ కలర్ వేసుకుని బాగా బీట్ చేసుకోవాలి.
- ఇప్పుడు ముందే మైదాపిండితో డస్టింగ్ చేసుకున్న కేక్ మౌల్డ్ తీసుకుని అందులోకి ఈ మిశ్రమాన్ని పోసి.. బబుల్స్ లేకుండా రెండు సార్లు ట్యాప్ చేయాలి.
- తర్వాత ఈ మౌల్డ్ను ప్రీ హీట్ చేసిన ఓవెన్లో పెట్టి 25 నుంచి 30 నిమిషాల మధ్యలో కేక్ను బేక్ చేసుకోవాలి.
- తర్వాత కేక్ను పూర్తిగా చల్లారేవరకు పక్కకు పెట్టాలి.
- ఇప్పుడు ఫ్రాస్టింగా కోసం.. ఓ గిన్నెలో ఐసింగ్ షుగర్, అన్సాల్టెడ్ బటర్ వేసుకుని ఎలక్ట్రిక్ విస్కర్తో చిక్కటి క్రీమ్ అయ్యేలాగా కలుపుకోవాలి. అయితే ఐసింగ్ షుగర్ ఒక్కసారిగా కాకుండా కొద్దికొద్దిగా వేసుకుంటూ కలుపుకోవాలి.
- తర్వాత వెనీలా ఎసెన్స్, ఉప్పు వేసి బాగా కలుపుకోవాలి. తర్వాత చీజ్ వేసి బాగా బీట్ చేసుకోవాలి. ఈ క్రీమ్ మిశ్రమం చిక్కగా అయ్యేవరకు ఎలక్ట్రిక్ విస్కర్తో బీట్ చేసుకోవాలి. అంతే ఫ్రాస్టింగ్ కోసం క్రీమ్ రెడీ అయిపోయింది.
- ఇప్పుడు మరో చిన్నె గిన్నెలో ఒకటిన్నర స్పూన్ పంచదార, పావుకప్పు నీరు, 1 టీస్పూన్ రోజ్ వాటర్ తీసుకుని పంచదార కరిగే వరకు కలుపుకుని పక్కకు పెట్టుకోవాలి.
- ఇప్పుడు కేక్ను మౌల్డ్ నుంచి సెపరేట్ చేసిన తర్వాత దానిని 3 లేయర్స్గా కట్ చేసుకోవాలి.
- ఇప్పుడు కేక్ స్టాండ్ లేదా ఓ ప్లేట్ తీసుకుని దానిపై కేక్ లేయర్ను పెట్టి కొద్దిగా షుగర్ సిరప్ అప్లై చేసుకోవాలి. తర్వాత ఫ్రాస్టింగ్ క్రీమ్ పూసి సమాంతరంగా అప్లై చేసుకోవాలి.
- ఇప్పుడు మిగిలిన రెండు లేయర్లను కూడా అలానే చేసుకోని.. మిగిలిన ఫ్రాస్టింగ్ క్రీమ్ మొత్తాన్ని కేక్ చుట్టూ నీట్గా అప్లై చేసుకోవాలి.
- తర్వాత చెర్రీస్, ఇంకా ఇతర పదార్థాలను ఉపయోగించి మీకు నచ్చిన విధంగా కేక్ను డెకరేట్ చేసుకోవచ్చు.
- అంతే ఎంతో టేస్టీ అయినా వాలెంటైన్స్ డే స్పెషల్ ఎగ్లెస్ రెడ్ వెల్వెట్ హార్ట్ కేక్ రెడీ..
వాలెంటైన్స్ డే స్పెషల్ - మీ ప్రియమైన వారికి ఇలా విషెస్ చెప్తే ఫిదా అయిపోతారంతే!
నా ప్రేమ నిత్యనూతనం!: ఎన్నో రాత్రులు.. ఎన్నో కాగితాలు..! ఇదే నా మొదటి ప్రేమలేఖ!
ప్రేమికుల రోజున మీ లవర్కు ఈ గిఫ్ట్‌ ఇవ్వండి - ఖర్చు తక్కువ ఎఫెక్ట్ ఎక్కువ!
