రిటైర్డ్​ ఉద్యోగికి స్పెషల్​ ఫేర్​వెల్- బ్యాండు మేళాలతో గుర్రపు బగ్గీపై ఊరేగింపు

Unique Farewell To Retired Employee : పదవీ విరమణ పొందిన ఉద్యోగికి విభిన్నంగా వీడ్కోలు పలికారు తోటి ఉద్యోగులు. ఆ దంపతులిద్దరినీ వధూవరులుగా అలంకరించి బ్యాండ్ బాజాలతో గుర్రపు బగ్గీపై ఉరేగించారు. ఈ ఘటన మధ్యప్రదేశ్​లో జరిగింది.

Unique Farewell To Retired Employee : సాధారణంగా పదవీ విరమణ పొందిన ఉద్యోగులకు సన్మానం చేసి వీడ్కోలు పలకడాన్ని చూస్తుంటాం. కానీ పదవీ విరమణ పొందిన ఓ ఉద్యోగిని తన తోటి ఉద్యోగులు వినూత్నంగా సన్మానించారు. ఇందుకోసం అతడిని వరుడి వేషధారణలో అలంకరించారు. ఆ ఉగ్యోగి దంపతులిద్దరినీ గుర్రపు బగ్గీపై కూర్చోపెట్టి బ్యాండ్​ మేళాలతో ఊరేగించారు. ఈ ఘటన మధ్యప్రదేశ్​లో జరిగింది.

గుర్రపు బగ్గీపై రిటైర్డ్​ ఉద్యోగి తంపతులు ఊరేగింపు

మధ్యప్రదేశ్​లోని బుర్హాన్​పుర్ జిల్లాలో విద్యుత్​ విభాగం​లో 39 ఏళ్ల పాటు విధులు నిర్వర్తించారు వినయ్​ పూనివాలా. కార్యాలయంలో ఆయన తోటి ఉద్యోగులతో ఎంతో స్నేహపూర్వకంగా ఉండేవారు. అందరితోనూ ఆయనకు మంచి సంబంధాలు ఉండేవి. అందువల్ల వినయ్​ పూనివాలా అంటే ఆఫీసులో తోటి ఉద్యోగులకు ప్రత్యేక గౌరవం ఉండేది. అయితే తాజాగా ఆయన పదవీ విరమణ చేశారు. ఈ సందర్భంగా, తమతో ఇంతకాలం పనిచేసిన తోటి ఉద్యోగిని ప్రత్యేకంగా గౌరవించాలనుకున్నారు. అందులో భాగంగా వినయ్​ పూనివాలా దంపతులను, వధూవరుల వేషధారణలో ప్రత్యేకంగా అలంకరించారు. అందంగా తీర్చిదిద్దిన ప్రత్యేక గుర్రపు బగ్గీలో వారిని కూర్చోపెట్టి బ్యాండ్​, బాజాలతో ఊరేగించారు.

బ్యాండు మేళాలతో రిటైర్డ్​ ఉద్యోగి తంపతులు ఊరేగింపు

ఉద్యోగి భావోద్వేగం
ఆఫీసులోని ఉద్యోగులు వినూత్న రీతిలో వీడ్కోలు తెలపడం పట్ల వినయ్ ​పూనివాలా ఆనందాన్ని వ్యక్తం చేశారు. తన పట్ల సహోద్యోగులు చూపించిన ప్రేమకు, భావోద్వేగానికి గురయ్యారు వినయ్​ పూనివాలా. 'బ్యాండ్, బాజా, బగ్గీతో ఊరేగించి వీడ్కోలు పలకాలనేది నా కల. అది ఇప్పుడు డిపార్ట్​మెంట్ ద్వారా నెరవేరింది. పదవీ విరమణ అనంతరం నా జీవితాన్ని కుటుంబ సభ్యలకు, పిల్లలకు అంకితం చేస్తాను' అని వినయ్​ తెలిపారు.

భావోద్వేగానికి గురైన పదవీ విరమణ పొందిన ఉద్యోగి

'అందుకే ఇలా చేశారు'
'వినయ్​ డిపార్ట్​మెంట్​లో 39 ఏళ్లు పనిచేశారు. నిజాయితీగా విధులు నిర్వర్తించారు. తోటి ఉద్యోగులతోనూ చాలా చక్కగా వ్యవహరించేవారు. అందువల్ల డిపార్ట్​మెంట్​లోని ఉద్యోగులతో ఆయనకు మంచి సంబంధాలు ఏర్పడ్డాయి. అందువల్లనే ఆయన పదవీ విరమణ నేపథ్యంలో వారంతా ఘనంగా ఫేర్​వెల్ నిర్వహించారు' అని మధ్యప్రదేశ్ విద్యుత్​శాఖ అధికారి వీకెే మాలవీయ తెలిపారు.

రిటైర్డ్ టీచర్​కు రూ.2లక్షల 'గోల్డ్​ నెక్లెస్​' గిఫ్ట్​
పాఠాలు చెప్పిన టీచర్​పై తమకున్న అభిమానాన్ని వినూత్నంగా చాటారు ఓ పాఠశాలకు చెందిన పూర్వ విద్యార్థులు. రూ.2.10లక్షలు విలువ చేసే 33 గ్రాములు బంగారు నెక్లెస్​ను విశ్రాంత ఉపాధ్యాయురాలికి బహుకరించారు. ఇది చూసిన ఆ టీచర్​, తీవ్ర భావోద్వేగానికి లోనయ్యారు. ఈ అరుదైన సన్నివేశం కర్ణాటక దక్షిణ కన్నడ జిల్లా అక్కరంగడిలోని దారుల్​ ఇస్లాం ఎయిడెడ్​ పాఠశాలలో కొన్నాళ్ల క్రితం జరిగింది. పూర్తి వార్తను చదివేందుకు ఈ లింక్​పై క్లిక్ చేయండి.