సుప్రీం కోర్టులో లోక్​ అదాలత్​ ప్రారంభం- కక్షిదారులు అలా చేస్తే జడ్జిలకు సంతృప్తి అని CJI వ్యాఖ్య! - Special Lok Adalat

Special Lok Adalat At SC : వివాదాలను కక్షిదారులే స్వచ్ఛందంగా పరిష్కరించుకోవడానికి వీలు కల్పించే ప్రత్యేక లోక్‌ అదాలత్ సుప్రీంకోర్టులో సోమవారం ప్రారంభమైంది. సామరస్యంగా పరిష్కారమయ్యే కేసులుంటే లాయర్లు ప్రత్యేక లోక్అదాలత్ ముందుకు తీసుకురావాలని సుప్రీం కోర్టు ప్రధాన న్యాయమూర్తి జస్టిస్ డీవై చంద్రచూడ్​ కోరారు.

Special Lok Adalat At SC : వివాదాలకు సంబంధించి తమ కేసులను కక్షిదారులే స్వచ్ఛందంగా పరిష్కరించుకోవడానికి ఏర్పాటు చేసిన ప్రత్యేక లోక్ ​అదాలత్​​ సోమవారం నుంచి ప్రారంభమైంది. సుప్రీం కోర్టు 75వ వార్షికోత్సవ సందర్భంగా దీనిని ప్రారంభించారు. ఈ మధ్యవర్తిత్వ ప్రక్రియలో మొదటగా ఏడు సుప్రీం కోర్టు ధర్మాసనాలు పాల్గొని అపరిష్కృత కేసులను పరిష్కరిస్తాయని ప్రధాన న్యాయమూర్తి జస్టిస్‌ డీవై చంద్రచూడ్ తెలిపారు. జులై 29 నుంచి ఆగస్టు 3 వరకు ఈ ధర్మాసనాలు విచారణలు జరపుతాయని అన్నారు. సామరస్యంగా పరిష్కారం కాగల కేసులు ఉంటే వాటిని న్యాయవాదులు ప్రత్యేక లోక్‌ అదాలత్‌ ముందుకు తీసుకురావాలని ఆయన కోరారు.

'లోక్‌ అదాలత్‌లు మన దేశ న్యాయవ్యవస్థలో అంతర్భాగం. వైవాహిక వివాదాలు, ఆస్తి తగాదాలు, మోటారు ప్రమాదాల క్లెయిములు, భూ సేకరణకు సంబంధించిన వ్యాజ్యాలు, పరిహారం, కార్మిక వివాదాలు సంబంధించిన కేసులు కోర్టులో కొండలా పేరుకుపోయాయి. ఈ లోక్‌ అదాలత్‌లు ప్రత్యామ్నాయ వివాద పరిష్కార యంత్రాంగంగా పనిచేస్తూ ఆ కేసులను తగ్గించేందుకు వీలు కల్పిస్తున్నాయి. కక్షిదారులు తమలో తామే సామరస్యంగా వివాదాలను పరిష్కరించుకోవడానికి తోడ్పడటం న్యాయమూర్తులకు ఎంతో సంతృప్తి కలిగిస్తుందని' అని జస్టిస్ డీవై చంద్రచూడ్ అన్నారు.

#WATCH | Delhi: CJI DY Chandrachud says, " the lok adalat is being held throughout this week by 7 benches of the supreme court. our experience today was that it was a resounding success. lok adalat which has the cooperation of the bar, supreme court judges, and extensive ground… https://t.co/mDvmXOOBDO pic.twitter.com/IDrRkDR13H

— ANI (@ANI) July 29, 2024

ఈ లోక్​ అదాలత్​ వ్యవస్థ కంటే ముందు పటియాలా హౌస్​లోని ఒక కుటుంబ న్యాయస్థానంలో ఓ జంటకు సంబంధించిన విడాకుల కేసు గురించి జస్టిస్‌ డీవై చంద్రచూడ్‌ ప్రస్తావించారు. ఆ కోర్టులో భర్త విడాకుల కోసం అర్జీ పెట్టగా, భార్య మెయింటెనెస్స్​ కోసం, పిల్లల కస్టడీ కోసం పిటిషన్‌ వేశారని ఆయన వివరించారు. తరవాత వారిద్దరూ తమకుతాముగా వివాదాన్ని పరిష్కరించుకున్నామని కోర్టుకు తెలిపారని, ఆపైన ఆనందంగా కాపురం చేశారని ఆయన గుర్తుచేసుకున్నారు.

#WATCH | Delhi: CJI DY Chandrachud says, " i remember a case in which the husband had filed divorce proceedings in patiala house court and his wife had filed maintenance proceedings and filed for the custody of the children. both of them came together in the pre-lok adalat sitting… pic.twitter.com/HnGHtcq5Eu

— ANI (@ANI) July 29, 2024

చరిత్రలో నిలిచిపోయే రోజు
ఇది ఒక చరిత్రాత్మకమైన రోజుగా తాను భావిస్తున్నారని సుప్రీం కోర్టు బార్ కౌన్సిల్ అధ్యక్షుడు, రాజ్యసభ ఎంపీ కపిల్ సిబల్ అన్నారు. సుప్రీంకోర్టు చరిత్రలోనే ఎన్నడూ లేని విధంగా, చిన్న కేసులు వేగంగా పరిష్కారం కానున్నాయని తెలిపారు. ఈ ఆలోచన వల్ల ఏళ్ల తరబడి కోర్టుల చుట్టు తిరగలేని నిరుపేదలు, సమస్యలను ఇక్కడ పరిష్కరించుకోవచ్చని అన్నారు.

#WATCH | Senior Advocate and Rajya Sabha MP Kapil Sibal says, " i think it's a historic day. never before in the history of this court, the court has reached out to those people for small matters which linger on for years. it shows the mindset of the court as to how they want to… https://t.co/mDvmXOOBDO pic.twitter.com/NdWelUs13e

— ANI (@ANI) July 29, 2024