Kanpur Train Accident : ఉత్తర్ప్రదేశ్‌లోని కాన్పుర్ - భీమ్‌సేన్‌ రైల్వే స్టేషన్ పరిధిలో సబర్మతి ఎక్స్ప్రెస్ పట్టాలు తప్పింది. మొత్తం 22 బోగీలు పట్టాలు తప్పాయి. శనివారం తెల్లవారుజామున 2:30 గంటలకు ఈ ఘటన జరిగినట్లు అధికారులు తెలిపారు. రైలు వారణాసి నుంచి అహ్మదాబాద్ వెళ్తుండగా ఈ ప్రమాదం చోటుచేసుకుంది. ప్రట్టాలపై పెట్టిన ఓ వస్తువును రైలు ఇంజిన్ ఢీకొట్టడమే ఈ ప్రమాదానికి కారణం అని అధికారులు ప్రాథమికంగా భావిస్తున్నారు. ఈ ప్రమాదంలో ఇంజిన్ ముందు భాగం దెబ్బతిందని, రైలు పట్టాలు తప్పడం వల్ల ఏడు రైళ్లను రద్దు చేశారు. మరో మూడు రైళ్లను దారి మళ్లించారు.
#WATCH | Uttar Pradesh | Visuals from the site where train number 19168, Sabarmati Express derailed in a block section between Kanpur and Bhimsen station.
— ANI (@ANI) August 17, 2024
No injuries to anyone were reported from the site, so far pic.twitter.com/dRpiTaUPMA
ప్రమాద ఘటనపై పోలీసులు, ఐబీ సంయుక్తంగా దర్యాప్తు చేపట్టాయి. ఇంజిన్ ఢీకొన్న వస్తువు అధికారులు భద్రపరిచారు. ఈ ప్రమాదంలో ఎవరికీ ఎలాంటి గాయాలు కాలేదు. మరోవైపు రైల్వేశాఖ ప్రత్యేక చర్యలు తీసుకొని ప్రయాణికులందరినీ మరో రైలులో గమ్యస్థానాలకు చేర్చింది. అయితే ఈ ప్రమాదంలో ఎలాంటి ప్రాణనష్టం జరగలేదని రైల్వే అధికారులు తెలిపారు. ప్రయాణికులంతా క్షేమంగా ఉన్నట్లు వెల్లడించారు.
#WATCH | Kanpur, Uttar Pradesh: Sabarmati Express (Varanasi to Ahmedabad) derailed near Kanpur at 02:35 am today. The engine hit an object placed on the track and derailed. Sharp hit marks are observed. Evidence is protected, which was found near the 16th coach from the loco. As… pic.twitter.com/VaSFhweRL8
— ANI (@ANI) August 17, 2024
అయితే, రైలు ప్రమాదంతో ప్రయాణికులు ఒక్కసారిగా ఉలిక్కిపడ్డారు. ఏం జరిగిందో అంటూ ఆందోళనతో రైలు నుంచి బయటకు వచ్చే ప్రయత్నం చేశారు. ప్రయాణికులంతా తమ సామాన్లతో రైలు పట్టాల వద్దే కూర్చున్నారు. ఈ నేపథ్యంలో సమీప ప్రాంతాల ప్రయాణికుల కోసం అధికారులు ప్రత్యేక బస్సులు ఏర్పాటు చేశారు.
"ప్రమాదం జరిగిన ప్రదేశం నుంచి కాన్పుర్ రైల్వే స్టేషన్‌కు ప్రయాణికులను తీసుకెళ్లేందుకు బస్సులను ఏర్పాటు చేశాం. రైలు ప్రయాణికులను తరలించడానికి కాన్పూర్ నుంచి ప్రమాద స్థలానికి ఎనిమిది కోచ్‌ల MEMU రైలు బయలుదేరింది" అని నార్త్ సెంట్రల్ రైల్వే జోన్ చీఫ్ పబ్లిక్ రిలేషన్ ఆఫీసర్ శశి కాంత్ త్రిపాఠి పేర్కొన్నారు.
హెల్ప్‌లైన్ నంబర్‌లను విడుదల చేసిన రైల్వే : ప్రయాగ్‌రాజ్: 0532-2408128, 0532-2407353, కాన్పుర్: 0512-2323018, మీర్జాపుర్: 054422200090, 7295 59702, అహ్మదాబాద్: 07922113977, బనారస్ సిటీ: 8303994411 , గోరఖ్‌పుర్: 0551-2208088.
ఝాన్సీ రైల్ డివిజన్ హెల్ప్‌లైన్ నంబర్‌లు : ఝాన్సీ రైల్ డివిజన్ -0510-2440787, 0510-2440790. ఒరై -05162-252206, బందా-05192-227543, లలిత్‌పుర్ జంక్షన్ - 07897992404.
గౌడవెల్లి వద్ద రైలు ప్రమాదం- ఇద్దరు కుమార్తెలు సహా తండ్రి మృతి - Three People Died Hit by Train
