A Politician Sleeping On Currency Notes : అసోంలో ఓ రాజకీయ నేత కరెన్సీ నోట్లపై అర్ధనగ్నంగా నిద్రించడం తీవ్ర చర్చనీయాంశం అయింది. యూపీపీఎల్ పార్టీలో పనిచేసిన బెంజమిన్ బసుమతారీ అనే నాయకుడు 500 నోట్లపై పడుకున్న చిత్రం వైరల్గా మారింది. ఉదల్గురీ జిల్లాకు చెందిన బెంజమిన్పై తీవ్రమైన అవినీతి ఆరోపణలు ఉన్నాయి. అయితే ఈ విషయంపై పార్టీకి బెంజమిన్కు ఎలాంటి సంబంధం లేదని స్పంందిచింది.
ప్రధాన మంత్రి ఆవాస్‌ యోజన, గ్రామీణ ఉపాధి హామీ పథకాల అమలులో అక్రమాలకు పాల్పడ్డారంటూ బెంజమిన్పై పలు కేసులున్నాయి. ఆయన విలేజ్ కౌన్సిల్ డెవలప్మెంట్ కమిటీ ఛైర్మన్‌గా ఉన్న సమయంలో లబ్ధిదారుల నుంచి లంచం తీసుకున్నారని అభియోగాలు ఉన్నాయి. ఈ వ్యవహారంపై యూపీపీఎల్ పార్టీ చీఫ్ ప్రమోద్ బోరో స్పష్టత ఇచ్చారు. బెంజమిన్‌ను జనవరిలోనే పార్టీ నుంచి సస్పెండ్ చేశామని తెలిపారు.
'పార్టీతో సంబంధం లేదు'
'జెంజమిన్ ఫొటో సోషల్ మీడియాలో విస్తృతంగా వ్యాపిస్తోంది. జనవరి 10నే పార్టీ నుంచి సస్పెండ్ చేశాం. మాకు బెంజమిన్కు ఎలాంటి సంబంధం లేదని స్పష్టం చేయాలని అనుకుంటున్నా. హరిసింగ బ్లాక్ కమిటీ, యూపీపీఎల్ నుంచి జనవరి 5న లేఖ అందుకున్న తర్వాత బెంజమిన్పై క్రమశిక్షణా చర్యలు తీసుకున్నాం. ఈ కారణంగా ఫిబ్రవరి 10న విలేజ్ కౌన్సిల్ డెవలప్మెంట్ కమిటీ ఛైర్మన్ పదవి నుంచి బోడోలాండ్ టెరిటోరియల్ కౌన్సిల్ (బీటీసీ) సస్పెండ్ చేసింది. బెంజమిన్ బసుమతారీని యూపీఎల్ఎల్ పార్టీతో లింక్ చేసి మాట్లాడటం మానుకోవాలని అన్ని మీడియా సంస్థలు, సోషల్ మీడియా వినిమోగదారులను కోరుతున్నా. ప్రస్తుతం వైరల్ అవుతున్న ఫొటో అతని వ్యక్తిగత వ్యవహారం. దానికి పార్టీ జవాబుదారీ కాదు' అని ఎక్స్ వేదికగా ప్రమోద్ బోరో పేర్కొన్నారు.
ఎన్నికల కోసం 60+ఏజ్లో మాజీ గ్యాంగ్స్టర్ పెళ్లి
అతడో కరుడుగట్టిన మాజీ గ్యాంగ్స్టర్. వయసు 60 ఏళ్లు. ఓ మర్డర్ కేసులో 17 ఏళ్లు జైలు శిక్ష అనుభవించి గతేడాదే విడుదలయ్యాడు. ఇదంతా బాగానే ఉన్నా ప్రస్తుతం అతడు మళ్లీ వార్తల్లో నిలిచాడు. వచ్చే లోక్సభ ఎన్నికల్లో పోటీ చేయాలని నిర్ణయించుకున్నాడు. కానీ, వయసుతో పాటు చట్టపరంగా ఉన్న కొన్ని పరిమితులు అడ్డంకిగా మారాయి. దీంతో ఓ మహిళను వివాహం చేసుకున్నాడు. ఇప్పుడు తన భార్యను సదరు పార్టీ తరఫున ఎన్నికల బరిలోకి దింపనున్నాడు. పూర్తి కథనం కోసం ఈ లింక్పై క్లిక్ చేయండి.
బామ్మ, మనవరాలికి బస్సు జర్నీ ఫ్రీ- నాలుగు చిలుకలకు మాత్రం రూ.444 టికెట్ - RTC Bus Ticket For Parrots
