PM Kisan 18th Installment Status: అన్నదాతలకు పెట్టుబడి సాయం అందించే ఉద్దేశంతో కేంద్ర ప్రభుత్వం తీసుకొచ్చిన పీఎం-కిసాన్ పథకం 18వ విడత నిధులు విడుదల కానున్నాయి. ఈ స్కీమ్ ద్వారా మొత్తం 9 కోట్ల మంది పైగా రైతులకు లబ్ధి చేకూరనుంది. మరి ఆ లబ్ధిదారుల్లో మీరు ఉన్నారేమో స్టేటస్ ఇలా చెక్ చేసుకోండి.
2019లో కేంద్ర ప్రభుత్వం రైతులకు ఆర్థిక భరోసా కల్పించేందుకు "ప్రధానమంత్రి కిసాన్ సమ్మాన్ నిధి" స్కీమ్ని ప్రవేశపెట్టింది. ఈ స్కీమ్ ద్వారా రైతులకు పంట సాయంగా ఏడాదికి 6 వేల రూపాయలు అందిస్తోంది. ఈ మొత్తాన్ని మూడు విడతలుగా జమ చేస్తోంది. ఇప్పటి వరకు ఈ పథకం ద్వారా కేంద్ర సర్కార్ 17 సార్లు రైతుల ఖాతాల్లో నిధులు విడుదల చేసింది. తాజాగా.. 18వ దఫా పీఎం కిసాన్ డబ్బులను "2024, అక్టోబర్ 5న మహారాష్ట్రలోని వాశిమ్లో " ప్రధాని నరేంద్ర మోదీ రిలీజ్ చేస్తారని పీఎం కిసాన్ అధికారిక వెబ్సైట్ పేర్కొంది.
స్టేటస్ ఇలా చెక్ చేసుకోండి:
- ఫస్ట్‌ మీరు www.pmkisan.gov.in వెబ్సైట్ ఓపెన్ చేయాలి.
- తర్వాత వెబ్సైట్లోని "Beneficiary List" ఆప్షన్పై క్లిక్ చేయాలి.
- ఇప్పుడు మీ రాష్ట్రం, జిల్లా, మండలం, గ్రామం వివరాలను సెలెక్ట్ చేసుకోవాలి.
- లబ్ధిదారుల జాబితా కోసం ''Get Report" ఆప్షన్పై క్లిక్ చేయాలి.
- మీ గ్రామంలోని లబ్ధిదారుల పేర్లు స్క్రీన్పై కనిపిస్తాయి. వాటిలో మీ పేరు ఉందో? లేదో? చెక్ చేసుకోవాలి.
ఈ జాబితాలో పేరు ఉంటే మీకు పీఎం కిసాన్ డబ్బులు పడ్డట్టే. ఆ స్టేటస్ ఇలా తెలుసుకోండి.
- ఇన్స్టాల్మెంట్ స్టేటస్ చెక్ చేసుకోవడానికి ఈ https://pmkisan.gov.in/ పోర్టల్ను ఓపెన్ చేయండి.
- ఇప్పుడు Know Your Status అనే ఆప్షన్పై క్లిక్ చేయాలి.
- తర్వాత రిజిస్ట్రేషన్ నంబర్ను నమోదు చేసి, క్యాప్చా కోడ్ను ఎంటర్ చేయాలి. రిజిస్ట్రేషన్ వివరాలు లేకపోతే Know Your Registration Number పై క్లిక్ చేసి వివరాలు తెలుసుకోవచ్చు.
- ఇప్పుడు Get OTP ఆప్షన్పై క్లిక్ చేస్తే మీ మొబైల్కు ఓటీపీ వస్తుంది. ఆ వివరాలు ఎంటర్ చేస్తే స్క్రీన్పై మీ బెనిషియరీ స్టేటస్ కనిపిస్తుంది.
- ఒకవేళ మీకు డబ్బులు పడలేదంటే మీరు ఈ - కేవైసీ చేయించలేదని అర్థం.
e-KYC ఎలా చేయాలంటే? :
- ముందుగా పీఎం కిసాన్ అధికారిక వెబ్సైట్ https://pmkisan.gov.in/ లోకి లాగిన్ అవ్వాలి.
- ఆ తర్వాత హోమ్ పేజీలో కుడివైపున e-KYC ఆప్షన్పై క్లిక్ చేయాలి.
- తర్వాత ఆధార్ నెంబర్ ఎంటర్ చేసి 'Search' ఆప్షన్పై క్లిక్ చేయాలి.
- తర్వాత వివరాలు స్క్రీన్ మీద డిస్ప్లే అవుతాయి. ఓటీపీ సాయంతో ఈ ప్రక్రియ పూర్తి చేయొచ్చు.
- లేదంటే.. పీఎం కిసాన్ యాప్‌లో ఫేస్ అథెంటికేషన్ ద్వారా కూడా కేవైసీ ప్రాసెస్ కంప్లీట్ చేసుకోవచ్చు.
- ఇంకా.. దగ్గర్లోని కామన్ సర్వీస్ సెంటర్‌కు వెళ్లి కూడా బయోమెట్రిక్ సాయంతో ఇ-కేవైసీ ప్రాసెస్ పూర్తి చేసుకోవచ్చు.
పీఎం కిసాన్ పైసలు రావాలంటే ఈ-కేవైసీ తప్పనిసరి - మరి మీరు చేయించారా?
హెచ్చరిక : పీఎం కిసాన్ డబ్బులకు ఎసరు పెట్టారు - తొందరపడ్డారో ఖతమే!
