ఎండాకాలంలో ఎన్నికల వేడి- ఎలక్షన్లు వేసవిలోనే ఎందుకు?

General Elections 2024 in Summer : వేసవికాలం వచ్చిందంటే వేడి గాలులు, అధిక ఎండలతో జనాలు అల్లాడిపోతారు. ఈసారి వేసవికాలంలో ప్రజలకు ఎండలతో పాటు ఎన్నికల సెగ కూడా గట్టిగా తగలనుంది. నామినేషన్లు, క్యాంపెయిన్లు, పార్టీ మీటింగ్‌లు, బహిరంగ సభలు, ప్రచారాలతో ఈ వేసవి మరింత వేడెక్కనుంది. గత రెండు దశాబ్దలుగా ఎన్నికలు వేసవిలోనే జరుగుతున్నాయి. అసలు ఎన్నికలు వేసవిలోనే ఎందుకు జరుగుతున్నాయి. మండుటెండల్లో ఎన్నికలు జరగడానికి కారణలేంటో ఇప్పుడు తెలుసుకుందాం.

General Elections 2024 in Summer : వేసవి వేడిని మరింత పెంచడానికి ఎన్నికలు సిద్ధమయ్యాయి. మండుటెండల్లో లోక్‌సభ ఎన్నికలతో పాటు నాలుగు రాష్ట్రాల్లో అసెంబ్లీ ఎన్నికలు జరగనుండడం వల్ల వేసవి హీట్‌ రెట్టింపైంది. నామినేషన్లు, క్యాంపెయిన్లు, పార్టీ మీటింగ్‌లు, బహిరంగ సభలు, ఎన్నికల ప్రచారాలతో ఈ సమ్మర్‌లో ఎన్నికలు సెగ గట్టిగా తగలనుంది. గత నాలుగు పర్యాయలుగా వేసవి వేడిని పెంచిన ఎన్నికలు మరోసారి సమ్మర్‌ హీట్‌ను పెంచేందుకు రెడీ అయ్యాయి. ఈ ఏడాది దాదాపు నెలన్నర రోజులు పాటు సుదీర్ఘంగా ఎన్నికలు జరగనున్నాయి.

ముందస్తుకు పోవడం వల్లే ఎన్నికలు ముందుకు
2004లో దేశంలో ఎన్నికలు మొదటసారిగా వేసవి కాలంలో జరిగాయి. అంతకుముందు వరకు సెప్టెంబరు, అక్టోబర్‌ నెలలో లోక్‌సభ ఎన్నికల జరిగేవి. 1999 సార్వత్రిక ఎన్నికల్లో గెలిచిన అటల్ బీహరీ వాజేపేయి ప్రభుత్వం 2004లో ముందుస్తు ఎన్నికలకు రావడం వల్ల దేశంలో తొలిసారి వేసవి కాలంలో ఎన్నికలు జరిగాయి. అప్పుడు వాజేపేయి ప్రభుత్వం ఆరు నెలలు ముందుకు అంటే ఏప్రిల్‌, మే నెలలో ముందుస్తు ఎన్నికలకు వెళ్లింది. ఆ ఎన్నికల్లో కాంగ్రెస్‌ ప్రభుత్వం జయకేతనం ఎగురవేసింది. అప్పటి నుంచి ఎన్నికల వరుసగా వేసవిలో జరగుతున్నాయి.

సార్వత్రిక ఎన్నికలు జరిగాయి ఇలా

• 1998 లోక్‌సభ ఎన్నికలు- 13 రోజుల్లో పోలింగ్​ పూర్తి
• 1999 లోక్‌సభ ఎన్నికలు- 29 రోజుల్లో పోలింగ్​ పూర్తి
• 2004 లోక్‌సభ ఎన్నికలు- నాలుగు దశల్లో 21 రోజుల్లో పోలింగ్ పూర్తి
• 2009 లోక్‌సభ ఎన్నికలు- ఐదు దశల్లో 28 రోజుల్లో పోలింగ్ పూర్తి
• 2014 లోక్‌సభ ఎన్నికలు- తొమ్మిది దశల్లో 36 రోజుల్లో పోలింగ్ పూర్తి
• 2019 లోక్‌సభ ఎన్నికలు- ఏడు దశల్లో 39 రోజుల్లో పోలింగ్ పూర్తి

నాలుగు నెలలు ఎన్నికలు
ఈసారి లోక్‌సభ ఎన్నికల పోలింగ్‌ ప్రక్రియ మొత్తం ఏడు దశల్లో 44 రోజులపాటు సాగనుంది. 1951-52లో తొలి పార్లమెంటు ఎన్నికల తర్వాత అత్యంత సుదీర్ఘ కాలం సాగనున్న ఎన్నికలు ఇవే కావడం గమనర్హం. జూన్‌ వరకు ఎన్నికలు ప్రక్రియ ఉండడం కూడా ఇదే తొలిసారి. తొలి పార్లమెంట్‌ ఎన్నికలు నాలుగు నెలలకుపైగా సాగాయి. ఏకంగా 68 దశల్లో పోలింగ్‌ నిర్వహించారు. మొదటి సాధారణ ఎన్నికల ప్రక్రియ 1951 అక్టోబర్‌ 25 నుంచి 1952 ఫిబ్రవరి 21 వరకు సుదీర్ఘంగా జరిగింది.

జమిలికి ఓకే చెప్తే అప్పుడే ఎన్నికలు
జమిలి ఎన్నికలకు మాజీ రాష్ట్రపతి రామ్‌నాథ్‌ కోవింద్‌ నేతృత్వంలోని ఉన్నత స్థాయి కమిటీ ఇచ్చిన నివేదికను ప్రభుత్వం అంగీకరిస్తే 2029లో లోక్‌సభ, అన్నీ రాష్ట్రాల్లో నిర్వహించే ఎన్నికలు ఒకేసారి జరగనున్నాయి. అలా జరిగితే వేసవి కాలానికంటే ముందే అన్ని ఎన్నికలు ముగిసే అవకాశం ఉంది.

• " class="align-text-top noRightClick twitterSection" data="">