Best Vegan Dishes to Celebrate Ramadan : ప్రపంచవ్యాప్తంగా నెల రోజుల పాటు కఠిన ఉపవాస దీక్షలు(రోజా) చేపట్టిన ముస్లిం సోదరులు.. నేటి ఈద్-ఉల్-ఫితర్(రంజాన్) తో ముగింపు పలకనున్నారు. ఈ క్రమంలో రంజాన్ విందును ముస్లిం సోదరులు ఎక్కువగా మాంసాహారం వంటలతో సెలబ్రేట్ చేసుకుంటారు. అయితే.. పర్యావరణం, ఆరోగ్యం వంటి కారణాల వల్ల చాలా మంది శాకాహారానికి మారుతున్నారు. ఇలాంటి వారు.. ఈద్ విందులో మాంసాహారానికి ఏ మాత్రం తగ్గని వీగన్ ఫుడ్స్ ఎంజాయ్ చేయొచ్చు. అవేంటో ఈ స్టోరీలో తెలుసుకుందాం.
వీగన్ షీర్ ఖుర్మా : రంజాన్ రోజూ ప్రతీ ముస్లిం తప్పనిసరిగా టేస్ట్ చేసే రెసిపీ షీర్ ఖుర్మా. ఈ వంటకానికి అద్భుతమైన రుచిని అందించడంలో పాలు కీలక పాత్ర పోషిస్తాయి. అయితే.. వీగన్ డైట్ పాటించేవారు పాలు, నెయ్యి వంటి వాటికి దూరంగా ఉంటారు. కాబట్టి, మీరు పాలకు ప్రత్యామ్నాయంగా మార్కెట్లో దొరికే కొన్ని రకాల హోస్ట్తో(ఓట్, బాదం, సోయా పాలు) ఈ ప్రత్యేకమైన డెజర్ట్ను ప్రిపేర్ చేసుకోవచ్చు. అలాగే.. బాదం, జీడిపప్పు, ఓట్స్ను యాడ్ చేసుకుంటే అద్భుతమైన పోషకాలు లభించడమే కాకుండా వీగన్ షీర్ ఖుర్మా అదిరిపోయే టేస్ట్ను అందిస్తుంది!
బాబా గణౌష్(Baba Ganoush) : ఈద్ సాంప్రదాయ విందులో వీగన్స్ కోసం మరో అద్భుతమైన వంటకం.. బాబా గణౌష్. మధ్యప్రాచ్యానికి చెందిన ఈ శాకాహార ప్రసిద్ధ వంటకంలో పోషకాలు మెండుగా ఉండి రుచికరంగా ఉంటుంది. ఈ వీగన్ స్పెషల్ రెసిపీని వంకాయలు, వెల్లుల్లి, ఆలివ్ నూనె, నిమ్మరసం, బీన్స్తో ప్రిపేర్ చేసుకుంటారు.
టబ్బులేహ్(Tabbouleh) : ఈ రుచికరమైన సలాడ్.. రంజాన్ రోజు శాకాహారం తినే ముస్లింలకు గొప్ప ఛాయిస్గా చెప్పుకోవచ్చు. దీన్ని బుల్గుర్ గోధుమలు, సన్నగా తరిగిన పార్స్లీ, టమాటాలు, ఉల్లిపాయలు, నిమ్మరసం, పుదీనా, మసాలాలతో ప్రిపేర్ చేసుకుంటారు. ఇందులో విటమిన్లు, ఖనిజాలు, ఫైబర్‌తో నిండి ఉంటాయి.
అనార్కలీ టు షరారా - రంజాన్ పండుగకు మీరు ఈ లుక్స్ ట్రై చేసి చూడండి! - EID Special Ethnic Wear
మష్రూమ్ గలౌటీ : మీరు రంజాన్ రోజు మంచి పోషకాలు కలిగిన బలవర్ధకమైన ఆహారాన్ని తీసుకోవాలంటే.. మష్రూమ్ గలౌటీ కబాబ్లని బెస్ట్ ఛాయిస్గా చెప్పుకోవచ్చు. మొక్కల ఆధారిత పదార్థాలు, సుగంధ ద్రవ్యాలు, మెత్తగా తరిగిన పుట్టగొడుగులతో ప్రిపేర్ చేసుకునే ఈ రుచికరమైన వంటకం ఈద్ రోజు తింటే అద్భుతమైన అనుభూతిని పొందవచ్చు. అంతేకాదు.. ఇవి తినడం ద్వారా శరీరానికి కావాల్సిన ప్రొటీన్లు, పోషకాలు లభిస్తాయి.
బీట్రూట్ సీక్ కబాబ్ : ఈద్ సాంప్రదాయ విందులో వీగన్స్కు అధిక మొత్తంలో పోషకాలు అందించే మరో అద్భుతమైన రెసిపీ.. బీట్రూట్ సీక్ కబాబ్. శాకాహారులు రంజాన్ రోజు దీనిని వారి విందులో చేర్చుకున్నారంటే ప్రత్యేకమైన అనుభూతిని పొందుతారు. తురిమిన బీట్రూట్, మసాలా దినుసుల మిశ్రమంతో చేసుకునే ఈ రెసిపీ చాలా టేస్టీగా ఉండడమే కాకుండా శరీరానికి కావాల్సిన పోషకాలు అందిస్తుంది.
హైదరాబాదీ బగారా బైంగన్ : రంజాన్ రోజు వీగన్స్ తమ విందులో హైదరాబాదీ బగారా బైంగన్ రెసిపీని చేర్చుకోవడం ద్వారా బోలెడు పోషకాలు పొందవచ్చు. లేత వంకాయలు, సుగంధ ద్రవ్యాలు, చింతపండు, ఉడికించిన వేరుశనగలు, మరికొన్ని పదార్థాలతో ప్రిపేర్ చేసుకునే ఈ రెసిపీ ఈద్ రోజు శాకాహారులకు మంచి అనుభూతిని మిగులుస్తుందంటే నమ్మాల్సిందే.
రంజాన్ స్పెషల్ "రైస్ ఖీర్ పుడ్డింగ్" - ఇంట్లోనే ప్రిపేర్ చేసుకోండిలా! - Rice Kheer Pudding Recipe
