6 Years Old Powerlifter In Surat : ఇక్కడ కనిపిస్తున్న బాలుడి వయసు ఆరేళ్లు.. చదివేది ఒకటో తరగతి అయినా పవర్ లిఫ్టింగ్లో సత్తా చాటుతున్నాడు. తన బరువుకు మించి వెయిట్ లిఫ్టింగ్ చేస్తూ తనకంటూ ప్రత్యేక గుర్తింపు తెచ్చుకున్నాడు. 80 కిలోల బరువును సులభంగా ఎత్తుతూ రికార్డులు కొల్లగొడుతున్నాడు గుజరాత్లోని సూరత్కు చెందిన యతి జెఠ్వా.
ఇప్పటికే వెయిట్ లిఫ్టింగ్లో 17కు పైగా పతకాలు సాధించాడు లిటిల్ పవర్ లిఫ్టర్ యతి. తనకు పవర్లిఫ్టింగ్ అంటే చాలా ఇష్టమని, ఈ రంగంలో మంచి పేరు సంపాదించాలని అనుకుంటున్నానని చెబుతున్నాడు.
" నేను రోజూకు రెండు గంటలు పాటు ప్రాక్టీస్ చేస్తాను. ఉదయం చదువుకుంటాను. సాయంత్రం జిమ్లో ప్రాక్టీస్ చేస్తాను. డైట్గా నేను ఉదయం పాలు, అరటిపండు తీసుకుంటా. మధ్యాహ్నం అన్నం, రాత్రికి చపాతీ తింటాను. ప్రస్తుతం 80 కేజీల బరువును ఎత్తున్నాను. భవిష్యత్తులో నేను 100 కేజీలు ఎత్తాలని అనుకుంటున్నాను " - యతి జెఠ్వా, పవర్ లిఫ్టర్
తండ్రిని చూస్తూ కసరత్తులు
వెయిట్ లిఫ్టింగ్లో యతికి అతడి తండ్రి రవి జెఠ్వా ట్రైనింగ్ ఇస్తున్నాడు. యతికి రెండేళ్ల ఉన్నప్పుడు అతడిని తనతో పాటు జిమ్కు తీసుకెళ్లేవాడు. అప్పటి నుంచే యతికి ఈ వెయిట్ లిఫ్టింగ్పై ఆసక్తి పెరిగిందని రవి జెఠ్వా చెబుతున్నాడు.
"నేను వర్కౌట్క్ చేసేటప్పుడు నన్ను చూసి యతి కూడా చేయడానికి ప్రయత్నం చేసేవాడు. అలా చిన్న వర్కౌట్క్ చేస్తూ ఇప్పుడు తనకంటూ గుర్తింపు తెచ్చుకున్నాడు. భవిష్యత్లో కచ్చితంగా స్టార్ అవుతాడు. అలానే ఎంతోమందికి ఆదర్శంగా నిలుస్తాడు. ఈ వయసులో చిన్న పిల్లలు అందరూ మొబైల్స్ చూడటం, బొమ్మలతో ఆడుకుంటూ బిజీగా ఉంటారు. చిన్న వయసులోనే ఎక్కువ బరువులను మోస్తే ఎత్తు పెరగరు అని అంటారు. కానీ అలా ఏమీ కాదు."
- రవి జెఠ్వా, యతి తండ్రి
పవర్లిఫ్టింగ్లో యతి 9వ కేటగిరీలోకి వస్తాడు. కానీ ఆ కేటగిరీలోని ఏ పిల్లలు కూడా తనకు పోటీ ఇవ్వలేనంత భారీ బరువును యతికి ఎత్తున్నాడని రవి జెఠ్వా చెబుతున్నాడు.
రెండేళ్లకే రికార్డు.. అన్ని రాష్ట్రాల రాజధానుల పేర్లు చెప్పేస్తున్న బుడతడు
