பூம்புகார் சட்டப்பேரவைத் தொகுதி வேட்பாளர் பொதுமக்களுக்கு நீர்மோர் வழங்கி வாக்குச் சேகரிப்பு!

மயிலாடுதுறை: பூம்புகார் சட்டப்பேரவைத் தொகுதியின் அதிமுக வேட்பாளரும், மாவட்டச் செயலாளருமான எஸ். பவுன்ராஜ் எம்எல்ஏ காளகஸ்திநாதபுரம் ஊராட்சியிலுள்ள, மன்மதன் கோயிலில் சிறப்பு பூஜைகளுடன் பரப்புரையைத் தொடங்கினார். பொதுமக்கள் பட்டாசு வெடித்தும், ஆர்த்தி எடுத்தும், நெற்றியில் திலகமிட்டும் உற்சாக வரவேற்பளித்தனர். அதனைத் தொடர்ந்து காளகஸ்திநாதபுரம், மாத்தூர், மடப்புரம், ஆக்கூர் உள்ளிட்ட ஊராட்சிகளில் உள்ள 50-க்கும் மேற்பட்ட கிராமங்களுக்குத் திறந்த வாகனத்தில் சென்று இரட்டை இலைச் சின்னத்திற்கு வாக்குச் கேட்டு, தீவிரப் பரப்புரையில் ஈடுபட்டார்.