Watch Video: மும்பையில் கனமழை: 119 மி.மீ. மழைப்பதிவு!

மகாராஷ்டிரா மாநிலம் மும்பையில் நேற்று முன்தினம் முதல் கனமழை பெய்து வருகிறது. தாழ்வான பகுதிகள், சாலைகளில் வெள்ள நீர் தேங்கியுள்ளது. இதனால் வாகன ஓட்டிகள் கடும் சிரமத்திற்குள்ளாகியுள்ளனர். அந்தேரியில் உள்ள மிலன் சுரங்கப்பாதையில் மழை நீர் தேங்கியதால் சிறிது நேரம் போக்குவரத்து துண்டிக்கப்பட்டது. நேற்று காலை 8 மணி முதல் மாலை 8 மணி வரை மும்பையில் 119.09 மி.மீ., மழைப் பதிவாகியுள்ளது. மழை நீர் தேங்கியுள்ள பகுதிகளில் ஊழியர்கள் விரைவாக நீரை வெளியேற்றி வருகின்றனர். மேலும், ரயில் போக்குவரத்து சீராக நடைபெற்று வருகிறது என்றும் தெரிவிக்கப்பட்டுள்ளது. இதையடுத்து மகாராஷ்டிராவின் பல பகுதிகளில் அடுத்த 5 நாட்கள் கனமழை பெய்யக்கூடும் என இந்திய வானிலை ஆய்வு மையம் தெரிவித்துள்ளது.