நோ பிரஷ்.. ஒன்லி ஸ்டார்.. அஜித் படத்தை வரைந்து அசத்திய ஓவியர் செல்வம்!

சென்னை: கள்ளக்குறிச்சி மாவட்டம் திருக்கோவிலூர் அடுத்த மணலூர்பேட்டை சேர்ந்தவர் ஓவியர் சு.செல்வம். இவர் நடிகர் அஜித் குமார் தான் அடுத்த சூப்பர் ஸ்டார் என்றும், அந்த வாசகத்துக்கு ஏற்ப கிறிஸ்துமஸ் "ஸ்டார்லேயே" நடிகர் அஜித் உருவத்தை வரைந்துள்ளார்.

இன்றைய தமிழ் சினிமாவில் ரசிகர்களின் மனதை வென்ற முன்னணி நட்சத்திரங்களில் ஒருவர் நடிகர் அஜித் குமார். எந்தவொரு சினிமா பின்னணியும் இல்லாமல் தமிழ் திரையுலகில் நுழைந்து தனது கடின உழைப்பால் முன்னேறி, தனக்கென ரசிகர்கள் கூட்டத்தைத் தனது நடிப்பால் உருவாக்கியுள்ளார்.

அஜித் சிறந்த மனிதர், அஜித்தின் விடாமுயற்சி திரைப்படம் வெற்றி பெற வேண்டியும், அஜித் குமார் அடுத்த சூப்பர் ஸ்டார் என்னும் வாசகத்துக்கு ஏற்ப, பிரஷ் ஏதும் பயன்படுத்தாமல் கிறிஸ்துமஸ் "ஸ்டார்லேயே" நீர் வண்ணத்தில் ஸ்டாரை தொட்டு நடிகர் அஜித் குமார் படத்தை 10 நிமிடங்களில் ஓவியர் செல்வம் வரைந்துள்ளார்.

இவர் இதற்கு முன்னதாக மே 1-ஆம் தேதி அஜித் குமார் பிறந்தநாளன்று தலையில் பிரஷ் பொருத்திக்கொண்டு கைகளால் தொடாமல் தலையாலே அஜித்தின் படத்தை வரைந்து பிறந்தநாள் வாழ்த்து தெரிவித்திருந்தது குறிப்பிடத்தக்கது.