சென்னை ஹேப்பி ஸ்ட்ரீட்ஸ் நிகழ்வில் முதலமைச்சர் ஸ்டாலின் விசிட்

சென்னை: மக்களை ஆரோக்கிய பாதையில் அழைத்துச் செல்லும் விதமாகவும், குழந்தைகளுக்கு செல்போனில் இருந்து விடுதலை அளிக்கும் வகையிலும் சென்னை மாநகராட்சி - ஆங்கில ஊடகம் ஒன்றும் இணைந்து "ஹேப்பி ஸ்ட்ரீட்ஸ்" என்ற நிகழ்வை ஒருங்கிணைத்துள்ளனர். இந்நிகழ்வை 'சிங்கார சென்னை 2.O' திட்டம் மூலம் மக்கள் நல்வாழ்வுத் துறை அமைச்சர் மா. சுப்ரமணியன் தொடங்கிவைத்தார். இந்நிலையில், இன்று (ஆக. 21) காலை முதலமைச்சர் மு.க.ஸ்டாலின் இந்நிகழ்வில் கலந்துகொண்டு பொதுமக்கள் மற்றும் குழந்தைகள் மத்தியில் விளையாடியும், செல்ஃபி எடுத்தும் மகிழ்ந்தார்.