விபரீத ஆட்டோ ரேஸ்! விபத்தில் நிகழந்த உயிரிழப்புகள்- அதிர்ச்சியூட்டும் வீடியோ காட்சிகள்..! - POONDHAMALI AUTO RACE VIDEO

சென்னை: கடந்த ஜூன் 15ஆம் தேதி வண்டலூர் முதல் மீஞ்சூர் வரை இருக்கும் 400 அடி சாலையில் அடுத்தடுத்து 3 இருசக்கர வாகனங்கள் மோதி விபத்து ஏற்ப்பட்டது. இந்த விபத்தில் குன்றத்தூரைச் சேர்ந்த மணி, அம்பத்தூரை சேர்ந்த சாம் சுந்தர் ஆகிய இருவரும் உயிர் இழந்த நிலையில், மோகன கிருஷ்ணன், மாரிமுத்து, ஜெபேயர் ஆகிய மூன்று பேரும் காயமடைந்தனர். இந்த அடுத்தடுத்த வாகனங்கள் சந்திக்கும் வகையில் மோதி விபத்துக்குள்ளானது. இந்நிலையில் விபத்திற்கு ஆட்டோ ரேஸ் காரணம் என தெரிய வந்துள்ளது.

வண்டலூர் முதல் மீஞ்சூர் வரை வெளிவட்ட சாலையில் செங்குன்றம் அருகே அருமந்தையில் 8க்கும் மேற்பட்ட ஆட்டோகள் ரேஸில் ஈடுபட்டிருந்தது தெரிய வந்துள்ளது. இந்த ரேஸ் செங்குன்றம் அருகே வந்த போது ஆட்டோக்கள் ஒன்றோடு ஒன்று மோதி பாதுகாப்பு மற்றும் வேடிக்கை பார்க்க வந்த இருசக்கர வாகனத்தில் வந்த இருவர் உயிரிழந்துள்ளனர். 

இந்த ஆட்டோ ரேஸ் குறித்து வீடியோ காட்சி வெளியானது. இதில் 8 ஆட்டோக்கள் சாலையில் சீறி பாய்வதும் அதற்கு பாதுகாப்பாக 20 மேற்பட்ட இரு சக்கர வாகனம் மற்றும் இரண்டு கார்கள் செல்வதும் பதிவாகியுள்ள நிலையில், செங்குன்றம் போக்குவரத்து புலனாய்வு காவல்துறை தீவிர விசாரணை நடத்தி வருகின்றனர்.