ਖੂਹ 'ਚ ਡਿੱਗੀ ਮਹਿਲਾ ਨੂੰ ਸਫ਼ਾਈ ਸੇਵਕ ਨੇ ਕੱਢਿਆ ਬਾਹਰ

ਜਲੰਧਰ: ਕਸਬਾ ਗੁਰਾਇਆ ਦੇ ਰੁੜਕਾ ਰੋਡ 'ਤੇ ਉਸ ਵੇਲੇ ਹਫੜਾ-ਦਫੜੀ ਦਾ ਮਾਹੌਲ ਪੈਦਾ ਹੋ ਗਿਆ, ਜਦੋਂ ਰੁੜਕਾ ਕਲਾਂ ਵਿਖੇ ਖੂਹ ਵਿੱਚ ਇੱਕ ਮਹਿਲਾ ਨੇ ਛਾਲ ਮਾਰ ਦਿੱਤੀ। ਨਗਰ ਨਿਗਮ ਗੁਰਾਇਆ ਦੇ ਮੁਲਾਜ਼ਮ ਰਾਜੇਸ਼ ਕੁਮਾਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਕਿਸੇ ਪੱਤਰਕਾਰ ਵੱਲੋਂ ਫੋਨ ਆਇਆ ਸੀ। ਉਨ੍ਹਾਂ ਦੱਸਿਆ ਕਿ ਇੱਕ ਮਹਿਲਾ ਖੂਹ ਵਿੱਚ ਡਿੱਗ ਗਈ ਹੈ। ਇਸ ਤੋਂ ਬਾਅਦ ਸਫ਼ਾਈ ਸੇਵਕ ਰਾਧੇ ਸ਼ਾਮ ਉੱਥੇ ਪੁੱਜ ਕੇ ਆਪਣੀ ਜਾਨ ਨੂੰ ਜ਼ੋਖ਼ਮ ਵਿੱਚ ਪਾ ਕੇ ਖੂਹ ਵਿੱਚ ਡਿੱਗੀ ਮਹਿਲਾ ਨੂੰ ਰੱਸੀਆਂ ਦੇ ਸਹਾਰੇ ਬਾਹਰ ਕੱਢ ਲਿਆ। ਮਿਲੀ ਜਾਣਕਾਰੀ ਤੋਂ ਇਹ ਪਤਾ ਲਗਾ ਕੇ ਉਸ ਮਹਿਲਾ ਆਪਣੇ ਘਰਵਾਲੇ ਤੋਂ ਲੜ ਕੇ ਖੂਹ ਵਿੱਚ ਛਾਲ ਮਾਰ ਦਿੱਤੀ।