ਮੋਗਾ ਦੇ ਨਜ਼ਦੀਕ ਪਿੰਡ ਖੋਸਾ ਰਣਧੀਰ ਵਿਖੇ ਫ਼ੈਕਟਰੀ ਦੇ ਬਾਹਰ ਪਿੰਡ ਵਾਲਿਆਂ ਨੇ ਲਾਇਆ ਧਰਨਾ

ਮੋਗਾ: ਪਿੰਡ ਖੋਸਾ ਰਣਧੀਰ ਵਿੱਖੇ ਅਸੀਂਸ ਫੀਡ ਫੈਕਟਰੀ ਦੇ ਬਾਹਰ ਪਿੰਡ ਵਾਸਿਆਂ ਨੇ ਧਰਨਾ ਲਗਾਇਆ। ਪਿੰਡ ਵਾਲਿਆਂ ਦਾ ਦੋਸ਼ ਹੈ ਕਿ ਫੈਕਟਰੀ ਦਾ ਕੈਮੀਕਲ ਵਾਲਾ ਪਾਣੀ ਜਮੀਨ ਵਿੱਚ ਜਾ ਕੇ ਸਾਡੇ ਸਾਫ਼ ਪਾਣੀ ਨਾਲ ਮਿਲ ਰਿਹਾ ਹੈ। ਜਿਸ ਕਾਰਨ ਜੋ ਪਾਣੀ ਅਸੀਂ ਪੀਂਦੇ ਹਾਂ ਉਹ ਪੀਣ ਯੋਗ ਨਹੀਂ ਰਿਹਾ ਤੇ ਬੀਮਾਰੀਆਂ ਵੱਧ ਰਹੀਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਜੇ ਫੈਕਟਰੀ ਮਾਲਕ ਨੇ ਇਸ ਦਾ ਹੱਲ ਨਾ ਕੀਤਾ ਤਾਂ ਸੰਘਰਸ਼ ਹੋਰ ਤੇਜ਼ ਕੀਤਾ ਜਾਵੇਗਾ। ਉੱਥੇ ਹੀ ਫੈਕਟਰੀ ਮਾਲਕ ਨੇ ਕਿਹਾ ਕਿ ਜੋ ਪਿੰਡ ਵਾਲੇ ਗੱਲ ਕਰ ਰਹੇ ਹਨ ਬਿਲਕੁਲ ਹੀ ਗ਼ਲਤ ਹੈ। ਉਨ੍ਹਾਂ ਕਿਹਾ ਕਿ ਸਾਡੀ ਜੋ ਫੈਕਟਰੀ ਦਾ ਪਾਣੀ ਹੈ ਉਸ ਲਈ ਟ੍ਰੀਟਮੈਂਟ ਪਲਾਂਟ ਲੱਗੇ ਹੋਏ ਹਨ ਅਤੇ ਸਾਫ ਪਾਣੀ ਸਾਡੇ ਖੇਤਾ ਨੂੰ ਜਾਂਦਾ ਹੈ।