ਫ਼ਾਜ਼ਿਲਕਾ ਵਿੱਚ ਨਕਲੀ ਪਨੀਰ ਬਣਾਉਣ ਵਾਲੀ ਫ਼ੈਕਟਰੀ 'ਤੇ ਛਾਪਾ

ਫ਼ਾਜ਼ਿਲਕਾ: ਤਿਉਹਾਰਾਂ ਦੇ ਮੱਦੇਨਜ਼ਰ ਪੁੰਜਾਬ ਪੁਲਿਸ ਤੇ ਸਿਹਤ ਵਿਭਾਗ ਵੱਲੋਂ ਵਧਾਈ ਮੁਸ਼ਤੈਦੀ ਦੇ ਚੱਲਦਿਆਂ ਐਂਟੀ ਨਾਰਕੋਟਿਕਸ ਹੈਲਥ ਅਤੇ ਪੰਜਾਬ ਪੁਲਿਸ ਨੇ ਇੱਕ ਫ਼ੈਕਟਰੀ ਉੱਤੇ ਛਾਪੇਮਾਰੀ ਕਰ ਕੇ 1 ਕੁਇੰਟਲ ਨਕਲੀ ਪਨੀਰ, ਸੁੱਕਾ ਪਾਊਡਰ ਤੇ ਕੈਮੀਕਲ ਵੱਡੀ ਮਾਤਰਾ ਵਿੱਚ ਬਰਾਮਦ ਕੀਤਾ। ਦੱਸਿਆ ਜਾ ਰਿਹਾ ਹੈ ਕਿ ਫ਼ੈਕਟਰੀ ਮਾਲਕ ਨਹੀਂ ਮੌਕੇ ਉੱਤੇ ਕੋਈ ਵੀ ਕਾਗਜ਼ਾਤ ਨਹੀਂ ਦਿਖਾ ਸਕਿਆ ਤੇ ਇਹ ਫ਼ੈਕਟਰੀ ਨਜਾਇਜ਼ ਤੌਰ ਉੱਤੇ ਚੱਲ ਰਹੀ ਸੀ। ਮਿਲੀ ਜਾਣਕਾਰੀ ਅਨੁਸਾਰ ਫਾਜ਼ਿਲਕਾ ਦੀ ਰਾਧਾ ਸਵਾਮੀ ਕਲੋਨੀ ਵਿੱਚ ਪਿਛਲੇ ਪੰਜ ਸਾਲਾਂ ਤੋਂ ਇਕ ਫੈਕਟਰੀ ਚੱਲ ਰਹੀ ਸੀ, ਜਿਸ ਉੱਤੇ ਨਾਰਕੋਟਿਕਸ ਹੈਲਥ ਅਤੇ ਪੰਜਾਬ ਪੁਲਸ ਦੇ ਵੱਲੋਂ ਛਾਪੇਮਾਰੀ ਕੀਤੀ ਗਈ। ਇਸ ਛਾਪੇਮਾਰੀ ਦੌਰਾਨ 1 ਕੁਇੰਟਲ 13 ਕਿੱਲੋ ਨਕਲੀ ਪਨੀਰ ਵੱਡੀ ਮਾਤਰਾ ਦੇ ਵਿੱਚ ਕੈਮੀਕਲ ਅਤੇ ਪਾਊਡਰ ਬਰਾਮਦ ਕੀਤਾ ਗਿਆ।