20 ਕਿਸਾਨਾਂ ਦੀ ਖਰੜ ਨਗਰ ਨਿਗਮ ਦੇ ਪਾਣੀ ਨਾਲ ਫਸਲ ਬਰਬਾਦ

ਖਰੜ ਦੇ ਲਾਂਡਰਾਂ ਰੋਡ ਉੱਤੇ ਸਥਿੱਤ ਮਜਾਤੜੀ ਪਿੰਡ ਦੇ ਕਿਸਾਨ ਨਗਰ ਕਾਉਂਸਿਲ ਦੇ ਪਾਣੀ ਦੀ ਵੱਡੀ ਮਾਰ ਝਲ ਰਹੇ ਹਨ। ਜਿਸ ਕਾਰਨ ਉਨ੍ਹਾਂ ਦੀ ਵੀਹ ਤੋਂ ਪੱਚੀ ਏਕੜ ਫਸਲ ਬਰਬਾਦ ਹੋ ਗਈ ਹੈ। ਦੱਸ ਦਈਏ ਕਿ ਖਰੜ ਨਗਰ ਨਿਗਮ ਕਾਉਂਸਿਲ ਦੇ ਪਾਣੀ ਦੀ ਨਿਕਾਸੀ ਸਹੀ ਢੰਗ ਨਾਲ ਨਹੀਂ ਚੱਲਦੀ ਜਿਸ ਕਰਕੇ ਨਗਰ ਨਿਗਮ ਨੇ ਇਹ ਪਾਣੀ ਮਜਾਤੜੀ ਅਤੇ ਨਿਆਮੀਆਂ ਪਿੰਡ ਦੇ ਵਿਚਕਾਰ ਲਿਆ ਕੇ ਛੱਡ ਦਿੱਤਾ। ਜਿਸ ਤੋਂ ਬਾਅਦ ਨਿਆਮੀਆਂ ਪਿੰਡ ਦੇ ਲੋਕਾਂ ਨੇ ਤਾਂ ਆਪਣੀ ਪੁਲੀ ਦੇ ਹੇਠ ਬੰਨ੍ਹ ਲਗਾ ਲਿਆ ਪਰ ਇਹ ਪਾਣੀ ਹੁਣ ਮਜਾਤੜੀ ਵੱਲ ਖੇਤਾਂ ਵਿੱਚ ਵੜ ਗਿਆ ਜਿਸ ਕਰਕੇ ਵੀਹ ਤੋਂ ਪੱਚੀ ਏਕੜ ਇੱਥੋਂ ਦੇ ਕਿਸਾਨਾਂ ਦੀ ਫਸਲ ਬਰਬਾਦ ਹੋ ਗਈ ਹੈ।