ਰਿਧੀਮਾਨ ਸਾਹਾ ਦੇ ਸੰਨਿਆਸ 'ਤੇ ਭਾਵੁਕ ਹੋਏ ਕ੍ਰਿਕਟਰ, ਮੁਹੰਮਦ ਸ਼ਮੀ ਅਤੇ ਰਿਸ਼ਭ ਪੰਤ ਨੇ ਪੋਸਟ ਕਰਕੇ ਕਹੀ ਵੱਡੀ ਗੱਲ

ਟੀਮ ਇੰਡੀਆ ਦੇ ਸਟਾਰ ਖਿਡਾਰੀ ਮੁਹੰਮਦ ਸ਼ਮੀ ਅਤੇ ਰਿਸ਼ਭ ਪੰਤ ਅਤੇ ਹੋਰ ਕ੍ਰਿਕਟਰ ਰਿਧੀਮਾਨ ਸਾਹਾ ਨੂੰ ਕ੍ਰਿਕਟ ਤੋਂ ਸੰਨਿਆਸ ਲੈਣ 'ਤੇ ਵਧਾਈ ਦੇ ਰਹੇ ਹਨ।

ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਟੀਮ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਅਤੇ ਸਟਾਰ ਵਿਕਟਕੀਪਰ ਰਿਸ਼ਭ ਪੰਤ ਅਤੇ ਹੋਰ ਕ੍ਰਿਕਟਰਾਂ ਨੇ ਆਪਣੇ ਦੋਸਤ ਅਤੇ ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਵਿਕਟਕੀਪਰ ਬੱਲੇਬਾਜ਼ ਰਿਧੀਮਾਨ ਸਾਹਾ ਦੇ ਕ੍ਰਿਕਟ ਤੋਂ ਸੰਨਿਆਸ ਨੂੰ ਲੈ ਕੇ ਵੱਡੀ ਗੱਲ ਕਹੀ ਹੈ। ਅੱਜ ਰਿਧੀਮਾਨ ਸਾਹਾ ਨੇ ਕ੍ਰਿਕਟ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਉਨ੍ਹਾਂ ਨੇ ਰਣਜੀ ਟਰਾਫੀ 'ਚ ਆਪਣਾ ਆਖਰੀ ਮੈਚ ਖੇਡਣ ਤੋਂ ਬਾਅਦ ਅਲਵਿਦਾ ਕਹਿ ਦਿੱਤੀ ਹੈ।

Today we bid farewell to a true legend of Indian cricket, Wriddhiman Saha. His brilliant glove work and countless memorable moments, both on and off the field, have left an indelible mark. From the Ranji Trophy to the national team, his dedication and passion have inspired us… pic.twitter.com/qECcX88WCk

— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) February 1, 2025

ਕ੍ਰਿਕਟ ਤੋਂ ਸੰਨਿਆਸ

ਰਿਧੀਮਾਨ ਸਾਹਾ ਨੇ 2010 ਤੋਂ 2021 ਤੱਕ ਭਾਰਤ ਲਈ ਅੰਤਰਰਾਸ਼ਟਰੀ ਕ੍ਰਿਕਟ ਖੇਡੀ ਸੀ। ਉਹ ਪਹਿਲਾਂ ਹੀ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਚੁੱਕੇ ਹਨ। ਹੁਣ ਉਹ ਘਰੇਲੂ ਕ੍ਰਿਕਟ ਤੋਂ ਵੀ ਸੰਨਿਆਸ ਲੈ ਚੁੱਕੇ ਹਨ। ਸਾਹਾ ਹੁਣ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) 'ਚ ਖੇਡਦੇ ਨਜ਼ਰ ਨਹੀਂ ਆਉਣਗੇ। ਉਨ੍ਹਾਂ ਨੇ ਈਡਨ ਗਾਰਡਨ, ਕੋਲਕਾਤਾ ਵਿਖੇ ਖੇਡੇ ਗਏ ਬੰਗਾਲ ਅਤੇ ਪੰਜਾਬ ਵਿਚਕਾਰ ਰਣਜੀ ਟਰਾਫੀ ਗਰੁੱਪ ਮੈਚ ਵਿੱਚ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ। ਸਾਹਾ ਆਪਣੇ ਪਿਛਲੇ ਮੈਚ ਵਿੱਚ ਖਾਤਾ ਵੀ ਨਹੀਂ ਖੋਲ੍ਹ ਸਕੇ ਸਨ। ਪਰ ਬੰਗਾਲ ਨੇ ਪੰਜਾਬ ਨੂੰ 13 ਦੌੜਾਂ ਅਤੇ ਪਾਰੀ ਨਾਲ ਹਰਾਇਆ। ਹੁਣ ਉਹ ਕ੍ਰਿਕਟ ਤੋਂ ਬ੍ਰੇਕ ਲੈ ਕੇ ਆਪਣੇ ਪਰਿਵਾਰ ਨਾਲ ਕੁਝ ਸਮਾਂ ਬਿਤਾਉਣਾ ਚਾਹੁੰਦੇ ਹਨ। ਕੋਲਕਾਤਾ ਤੋਂ ਉਨ੍ਹਾਂ ਨੂੰ ਕੋਚਿੰਗ ਦਾ ਆਫਰ ਵੀ ਮਿਲਿਆ, ਜਿਸ ਨੂੰ ਉਨ੍ਹਾਂ ਨੇ ਸਵੀਕਾਰ ਨਹੀਂ ਕੀਤਾ।

As a fellow keeper, I have always admired your skills and your craft. Wishing you all the success and happiness in your next chapter @Wriddhipops bhaiya. #RP17 pic.twitter.com/xNf2yrjZLn

— Rishabh Pant (@RishabhPant17) February 1, 2025

ਸ਼ਮੀ ਅਤੇ ਪੰਤ ਨੇ ਐਕਸ 'ਤੇ ਪੋਸਟ ਕਰਦੇ ਹੋਏ ਸਾਹਾ ਨੂੰ ਵਧਾਈ ਦਿੱਤੀ ਅਤੇ ਲਿਖਿਆ, "ਅੱਜ ਅਸੀਂ ਭਾਰਤੀ ਕ੍ਰਿਕਟ ਦੇ ਸੱਚੇ ਦਿੱਗਜ ਰਿਧੀਮਾਨ ਸਾਹਾ ਨੂੰ ਅਲਵਿਦਾ ਕਹਿ ਰਹੇ ਹਾਂ। ਉਨ੍ਹਾਂ ਦੀ ਸ਼ਾਨਦਾਰ ਵਿਕਟ ਕੀਪਿੰਗ ਅਤੇ ਮੈਦਾਨ ਦੇ ਅੰਦਰ ਅਤੇ ਬਾਹਰ ਅਣਗਿਣਤ ਯਾਦਗਾਰੀ ਪਲਾਂ ਨੇ ਇੱਕ ਸਥਾਈ ਛਾਪ ਛੱਡੀ ਹੈ। ਰਣਜੀ ਟਰਾਫੀ ਤੋਂ ਲੈ ਕੇ ਰਾਸ਼ਟਰੀ ਟੀਮ ਤੱਕ, ਉਨ੍ਹਾਂ ਦੇ ਸਮਰਪਣ ਅਤੇ ਜਨੂੰਨ ਨੇ ਸਾਨੂੰ ਸਾਰਿਆਂ ਨੂੰ ਪ੍ਰੇਰਿਤ ਕੀਤਾ ਹੈ। ਰਿਧੀਮਾਨ, ਤੁਹਾਡੇ ਅਗਲੇ ਅਧਿਆਇ ਲਈ ਤੁਹਾਨੂੰ ਸ਼ੁੱਭਕਾਮਨਾਵਾਂ। ਤੁਹਾਡੀ ਵਿਰਾਸਤ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਦੀ ਰਹੇਗੀ।"

ਰਿਸ਼ਭ ਪੰਤ ਨੇ ਲਿਖਿਆ, "ਸਾਥੀ ਕੀਪਰ ਦੇ ਤੌਰ 'ਤੇ ਮੈਂ ਹਮੇਸ਼ਾ ਤੁਹਾਡੇ ਹੁਨਰ ਅਤੇ ਤੁਹਾਡੀ ਕਲਾ ਦੀ ਪ੍ਰਸ਼ੰਸਾ ਕੀਤੀ ਹੈ। ਤੁਹਾਡੇ ਅਗਲੇ ਅਧਿਆਇ ਵਿੱਚ ਤੁਹਾਡੀ ਸਫਲਤਾ ਅਤੇ ਖੁਸ਼ੀ ਦੀ ਕਾਮਨਾ ਕਰਦਾ ਹਾਂ"।

A special and emotional farewell 🫂

Guard of honour and felicitation for Bengal wicketkeeper-batter Wriddhiman Saha who is playing his final First-class match 👏👏#RanjiTrophy | @IDFCFIRSTBank | @Wriddhipops

Scorecard ▶️ https://t.co/GAuG6Mqk8H pic.twitter.com/DGCJRh4QWT

— BCCI Domestic (@BCCIdomestic) January 31, 2025

ਰਿਧੀਮਾਨ ਸਾਹਾ ਦਾ ਕ੍ਰਿਕਟ ਕਰੀਅਰ

ਰਿਧੀਮਾਨ ਸਾਹਾ ਨੇ ਭਾਰਤ ਲਈ 40 ਟੈਸਟ ਮੈਚ ਖੇਡੇ ਹਨ, ਜਿਸ 'ਚ ਉਨ੍ਹਾਂ ਨੇ 3 ਸੈਂਕੜੇ ਅਤੇ 6 ਅਰਧ ਸੈਂਕੜਿਆਂ ਦੀ ਮਦਦ ਨਾਲ 1353 ਦੌੜਾਂ ਬਣਾਈਆਂ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਦੇ ਨਾਂ 92 ਕੈਚ, 12 ਸਟੰਪਿੰਗ ਅਤੇ 1 ਰਨ ਆਊਟ ਸ਼ਾਮਲ ਹੈ। ਸਾਹਾ ਨੇ 9 ਵਨਡੇ ਮੈਚਾਂ 'ਚ 41 ਦੌੜਾਂ ਬਣਾਈਆਂ ਹਨ, ਜਦਕਿ 17 ਕੈਚ, 1 ਸਟੰਪਿੰਗ ਅਤੇ 1 ਰਨ ਆਊਟ ਕੀਤਾ ਹੈ। ਸਾਹਾ ਨੇ ਆਪਣੇ ਪਹਿਲੇ ਦਰਜੇ ਦੇ ਕਰੀਅਰ 'ਚ 141 ਮੈਚ ਖੇਡੇ ਹਨ, ਜਿਸ ਦੌਰਾਨ ਉਨ੍ਹਾਂ ਨੇ 14 ਸੈਂਕੜਿਆਂ ਦੀ ਮਦਦ ਨਾਲ 1769 ਦੌੜਾਂ ਬਣਾਈਆਂ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ 170 ਆਈਪੀਐਲ ਮੈਚਾਂ ਵਿੱਚ 1 ਸੈਂਕੜੇ ਅਤੇ 3 ਅਰਧ ਸੈਂਕੜੇ ਦੀ ਮਦਦ ਨਾਲ 2934 ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਦੇ ਨਾਂ 93 ਕੈਚ, 26 ਸਟੰਪਿੰਗ ਅਤੇ 6 ਰਨ ਆਊਟ ਹਨ।